ბედნიერი ოჯახის პორტრეტი - მოდელი ანა ახვლედიანის ფოტოები მეუღლესა და შვილთან ერთად - Marao
ბედნიერი ოჯახის პორტრეტი - მოდელი ანა ახვლედიანის ფოტოები მეუღლესა და შვილთან ერთად
მოდელი ქუთაისიდან - ასე გაიცნო ულამაზესი ანა ახვლედიანი საზოგადოებამ რამდენიმე წლის წინ. ანას წარმატებულ სამოდელო კარიერას უწინასწარმეტყველებდნენ და გოგონას ლივ ტაილერისა და ბიანკა ბალტის ნაზავს უწოდებდნენ.
თბილისის წამყვან სამოდელო სააგენტოებთან თანამშრომლობის შემდეგ მოდელი უკვე ჩვენებებზე გამოდიოდა და მისით პარიზისა და ლონდონის სამოდელო სააგენტოები დაინტერესდნენ. 2014 წელს ანა Dolce&Gabanna-ს კასტინგზე 500 გოგონადან ამოარჩიეს. გოგონა თანამშრომლობდა მოდის ისეთ გამოცემებსა და სააგენტოებთან, როგორებიცაა VOGUE, ELLE Magazine, HELLO Magazine Georgia, Brave Models Management და სხვ.
როგორც ანა ამბობს, ამ ხუთი წლის მანძილზე თავი მთლიანად შვილის აღზრდას მიუძღვნა, ახალი კი აპირებს, რომ აქტიურად გააგრძელოს საქმიანობა. დღეს ანა ფოტომოდელობითა და ინფლუენსერობითაა დაკავებული. ის მონაწილეობას არაერთი ცნობილი ბრენდისა თუ კომპანიის სარეკლამო გადაღებაში იღებს. აქტიურია სოციალურ ქსელში და თავის მოვლის შესახებ რჩევებს გამომწერებსაც უზიარებს.
ანა ახვლედიანის ოჯახი
ანას დედა, არიადნა რენო, ბერძენია, მამა - ქართველი. ხშირად წერენ, რომ ანაში ამ ორი ერის საუკეთესო თვისებებია თავმოყრილი. ანას მეუღლე მოდელი გიგი ბერაიაა. ერთმანეთი მეგობრის დაბადების დღეზე გაიცნეს. მალე კარიერის გამო ანას საზღვარგარეთ მოუწია წასვლა და წყვილმა კონტაქტი გაწყვიტა, თუმცა, საბოლოოდ, ერთმანეთს დაუბრუნდნენ.
მათი წყვილი საზოგადოების ყურადღების ცენტრში გამორჩეული გარეგნობის გამო მოექცა და მათზე ხშირად იწერებოდა. მალე იქორწინეს და ცხოვრება საქართველოში დაიწყეს."ძალიან ბედნიერი ვარ და ჩემთვის ოჯახი სულ პირველ ადგილას იქნება!..“ - ამბობდა უცხოეთში კარიერის დატოვების შემდეგ ანა. 2018 წელს ანას და გიგის ქალიშვილი ევა გაუჩნდათ. ევა დედასთან ერთად ხშირად ჩნდება, მასაც უყვარს ლამაზი სამოსის მორგება და სარკის წინ ტრიალი. პატარა ევას კადრები კი ყოველთვის დიდ მოწონებას იმსახურებს.
ამჯერად ანა ახვლედიანი სწორედ შვილთან და მეუღლესთან ერთად გადაღებულ კდრებს გვიზიარებს:
"ბოლო პერიოდია, ანუ 5 წელია, აღარ ვაქტიურობ, რადგან 5 წლის წინ შემეძინა შვილი. ამ დროის განმავლობასი შევეცადე, რომ ჩემი თავი მთლიანად მისთვის მიმეძღვნა. უკვე რამდენიმე თვეა, რაც ბაღში წავიდა და ის თავისუფალი დრო, რაც გამომიჩნდა, რატომაც არ მოვახმარო კარიერას. სამოდელო სფეროში დაბრუნებას აღარ ვაპირებ, იმიტომ, რომ ახალ ეტაპზე ვარ. მაქვს შემოთავაზებები რამდენიმე ბრენდისგან როგორც ინფლუენსერს, ვნახოთ, რა როგორ იქნება მომავალში.
უამრავი კითხვა შემომდის იმის შესახებ, თუ სად არის ჩემი მეუღლე. სად არის და მუშაობს, სად უნდა იყოს?! გვიან მოდის სახლში, საშინლად არ უყვარს არც ფოტოების გადაღება, არც ვიდეოს გადაღება. მეტი რა გითხრათ..." - ამბობდა ანა ცოტა ხნის წინ.