"ბედნიერება ეს არის" - ნუცა ქავთარაძისა და აჩიკო სოლოღაშვილის ოჯახური იდილია - Marao

ტელეწამყვანების, აჩიკო სოლოღაშვილისა და ნუცა ქავთარაძის წყვილს საზოგადოება კარგად იცნობს. ისინი წლების წინ დაქორწინდნენ. ჰყავთ ერთი ვაჟი, სანი და ოთხფეხა მეგობარი. ნუცასა და აჩიკოს ოჯახი, განსაკუთრებით კი, პატარა სანი, ყოველთვის დიდ სიყვარულს იმსახურებს. გამონაკლისი არც მათ მიერ ბოლოს გაზიარებული ფოტოებია: 

ნუცა ქავთარაძე და აჩიკო სოლოღაშვილი

„ნუცა ახალი ჩამოსული იყო ბათუმიდან, სტინგის კონცერტზე იყო. მახსოვს, ზედმეტი რუჯისგან დიდი ლაქა ჰქონდა სახეზე. იმ წუთში აღმომაჩნდა ერთ-ერთი ბრენდის ზეთი და ეგრევე მივეცი. ამის შემდეგ დავმეგობრდით, აქედან დაიწყო ყველაფერი. ნუცა მანამდეც მახსოვს, პირველად პრესკონფერენციაზე დავინახე, ძალიან გარუჯული, გრძელი თმით, თეთრი მაისურით და ნარინჯისფერი მიკროფონით დადიოდა ეზოში. ეგრევე შევამჩნიე.

• "მადლობა ,ღმერთო" - არჩილ სოლოღაშვილი პატარა სანის ვიდეოს აქვეყნებს
•  "მხიარული არდადეგები" - -როგორ ატარებენ არჩილ სოლოღაშვილი და ნუცა ქავთარაძე ზაფხულს პატარა სანისთან ერთად 

არჩილმა ერთ-ერთ ინტერვიუში თავისი ბავშვობის პერიოდზეც ისაუბრა და გაიხსენა, რომ სახლიდან 19 წლის ასაკში წამოვიდა: „პატარა ვიყავი, როდესაც წავედი სახლიდან. დავიწყე სამსახური და ჩემს თავს მივეცი ამის უფლება. 19 წლის ვიყავი. იყო მსუბუქი, მაგრამ მუქარა; იყო თბილი საუბარი, "იქნებ არ გინდა, დედიკო, ვინ გაგირეცხავს, ვინ გაჭმევს, ვინ გასმევს"… იმდენმა ტკივილმა მოიყარა თავი, რომ ჩემს თავს ვეკითხებოდი, ღირდა თუ არა ამის გაკეთება. მერე მივხვდი, რომ მე ძალიან მინდოდა და მათი ტკივილები მეორეხარისხოვანი იყო, ვიდრე ჩემი ლტოლვა დამოუკიდებლობისადმი. მერე იყო დღეში რამდენიმე ზარი, ეს-ემ-ესი. რა ქენი, ჭამეო? მეტი გაღიზიანება და მზრუნველობა გამოიწვია. სახლში როცა ვიყავი, შეიძლებოდა არ დაერეკათ და არ ეკითხათ, მშიერი ვიყავი თუ არა. არ მინდოდა, ჩემი ოჯახისთვის მეტი ტკივილი მიმეყენებინა. გარკვეული ეტაპის მერე მიიღეს ეს მოცემულობა…“ 

ნუცა და აჩიკო ხშირად აქვეყნებენ პატარა სანის ფოტოებსა და ვიდეოებს და ყოველთვის დიდ სიყვარულს იმსახურებენ. პატარა სანი მშობლებსა და მათ მეგობრებთან ერთად დიდ დროს ატარებს და ხშირად მათ სამსახურშიც კი სტუმრობს.