ბედნიერი ქორწინება და 4 შვილი - უმშვენიერესი ქართველი მოდელისმ რუსა ჩაჩუას ოჯახური იდილია და ქორწინების იუბილე - Marao

ქართველი მოდელი რუსა ჩაჩუა დღეს საქართველოში ერთ-ერთ ლამაზ ქალად ითვლება. ახალგაზრდა მოდელი მრავალშვილიანი დედა, დიასახლისი და პარალელურად, აქტიური ფოტომოდელია. რუსას ცხოვრების გზა საინტერესო დეტალებით არის სავსე.

მოდელი და ტელეწამყვანი დღემდე იდეალურ ფორმაშია. რუსა მუდამ თავს უვლის და ფორმაში ყოფნასთან ერთად, სხვა უამრავ საქმეს ასწრებს. რუსა ტელეეკრანებზე უკვე იშვიათად ჩნდება, თუმცა სოციალური ქსელიდან ჩანს, რომ ქართულ კომპანიებთან თანამშრომლობას არ წყვეტს და დღემდე რამდენიმე ქართული ბრენდის სახეა.

რუსა ჩაჩუას ოჯახი 

17 წლის ასაკში რუსამ პირველი სიყვარული იპოვა და მალევე გათხოვდა. მისი რჩეული არჩილ სახვაძე იყო. რუსამ დაოჯახების შემდეგ სამხატვრო აკადემია დაასრულა და პირველი შვილის დედაც გახდა. არჩილსა და რუსას თაზო შეეძინათ, რამდენიმე წელში კი ნასტიაც გაჩნდა.

• ცნობილი ქართველი ქალები, რომლებსაც 4 და მეტი შვილი ჰყავთ 
• 4 ქართველი ქალი გამორჩეული გარეგნობითა და გემოვნებით - ქართველი ვარსკვლავები, როგორც სტილის ხატები 

აკადემიის დასრულების შემდეგ რუსა 3 წელი კომპანია "მაგთიში" მუშაობდა, ნასტიას დაბადებიდან მალევე კი მოდელი არჩილს გაშორდა. რამდენიმე წლის წინ ულამაზეს რუსა ჩაჩუას ვანიკო თარხნიშვილთან ერთად პროექტი „ბრავო“ მიჰყავდა. მას შემდეგ რუსა ეკრანზე აღარ გამოჩენილა და მხოლოდ რეკლამებში მონაწილეობს. მის პირად ცხოვრებაზე კი პრესაში ხშირად წერენ.

როგორც ამბობენ, რუსა მკაცრი და"გიჟი" დედაა, შვილებისგან მაქსიმუმს მოითხოვს და არც თვითონ იშურებს ენერგიასა და დროს. მოდელის პირველი შვილი, თაზო სახვაძე, თინეიჯერებსა და დედის გამომწერებში დიდი პოპულარობით სარგებლობს.

"შვილებს ხანდახან ვეჩხუბები კიდეც, რადგან ძალიან მკაცრი ვარ, მაგრამ საერთო ჯამში, ერთმანეთთან საუკეთესო ურთიერთობა გვაკავშირებს და ყველაზე მეტად მათთან გატარებულ დროს ვაფასებ. ყოველთვის ვცდილობ, ჩემი თავისუფალი დრო შვილებს მაქსიმალურად დავუთმო. გვიყვარს კინოთეატრში სიარული. კვირა დღე მთელი ოჯახისთვის განსაკუთრებულია. ამ დღეს, უპირობოდ, ყველა ვიკრიბებით და სასადილოდ სადმე მივდივართ. კვირა ჩვენი საყვარელი დღეა." - ამბობს რუსა ჩაჩუა. 

პირველ მეუღლესთან განქორწინების შემდეგ, რუსა ჩაჩუას რჩეული კომპანია „კაპიტალ ვოსტოკის“ დამფუძნებელი და გენერალური დირექტორი, დიმა ნაფეტვარიძე გახდა.

ამჯერად რუსა სწორედ მეუღლესთან ერთად გადაღებულ ფოტოებს აქვეყნებს და ქორწინების იუბილეს აღნიშნავენ: "მიყვარს ეს დღე. 7 სექტემბერი ჩვენი ქორწინების დღეა. მადლობა იმისთვის, რომ ამირჩიე. მაჩუქე დაუვიწყარი და ლამაზი ცხოვრება, ჩემო სიყვარულო,“ - წერს რუსა ჩაჩუა.