შვილისთვის მიძღვნილი გოლი და დიდი სიხარული: რა კადრებს აქვეყნებს ნიცა თავაძე - Marao

ერთა ლიგის პირველ ტურში, საქართველოს ნაკრებმა ჩეხეთი 4:1 დაამარცხა. გოლების ავტორებს შორის არიან გიორგი მიქაუტაძე, გიორგი ქოჩორაშვილი, გიორგი ჩაკვეტაძე და ხვიჩა კვარაცხელია. კვარაცხელიამ პენალტი ზუსტად შეასრულა და გოლი შვილს, პატარა დამიანე კვარაცხელიას ცნობილი ჟესტით მიუძღვნა. ფოტოები საკუთარ გვერდზე ხვიჩას მეუღლემ ნიცა თავაძემაც გააზიარა: 

ნიცა თავაძე და ხვიჩა კვარაცხელია

წარმატებული ქართველი ფეხბურთელი ხვიჩა კვარაცხელია საზოგადოების ყურადღების ცენტრში ხშირად ექცევა, ამის მიზეზი კი, მისი სპორტული წარმატების გარდა, პირადი ცხოვრებაცაა. ფეხბურთელის რჩეული უმშვენიერესი ნიცა თავაძეა, რომელიც მომავალი ექიმია და ხვიჩას ერთ-ერთი ყველაზე გულმხურვალე გულშემატკივარი.

გასული წლის 15 ოქტომბერს ხვიჩა იტალიიდან საქართველოში კვიპროსთან მატჩისთვის ჩამოვიდა, 16 ოქტომბერს კი მან და ნიცამ იქორწინეს. წყვილმა ჯვარი სამთავროს მონასტერში დაიწერა, რომლის სტუმრები მანამდეც ხშირად იყვნენ. საქორწინო წვეულებას სულ 60 ადამიანი, ოჯახის წევრები და უახლოესი მეგობრები დაესწრნენ.

• "გამორჩეული სახელითა და გარეგნობით" - ვინ არის ნიცა თავაძის და, რომელიც ყოველთვის მის გვერდითაა 

საღამო არ გამოირჩეოდა პომპეზურობით, წყვილმა პატარა ზომის ტორტი გაჭრა, ტრადიციული ქართული ცეკვა შეასრულა და სტუმრებთან ერთად იმხიარულა.

მიუხედავად იმისა, რომ ხვიჩა კვარაცხელიამ მოკრძალებული ქორწილი გადაიხადა, იტალიური მედია ვარსკვლავური წყვილის შესახებ მაინც ბევრს წერს:  „ხვიჩა კვარაცხელიამ საქართველოში იქორწინა. მისი რჩეული 21 წლის სამედიცინოს სტუდენტი ნიცა თავაძეა. წყვილმა ჯვარი დაიწერა… კვარაცხელიამ თავისი ყველაზე დიდი ოცნება აიხდინა, დაქორწინდა თავის სიყვარულზე, რომელსაც გოლებს უძღვნის, სიმბოლოთი N“. – წერდა იტალიური მედია.

• "ყოველდღე მენატრება ჩემი სახლი, მაგრამ ახლა ვგრძნობ, რომ ჩემი სახლი იტალიაშიც არის" - ხვიჩა კვარაცხელია 

გავრცელდა კადრები იმის შესახებაც, თუ როგორ გამოიყურება სახლი, სადაც ნიცა და ხვიჩა იცხოვრებენ. როგორც ცნობილია, ქორწილის მეორე დღეს ისინი იტალიაში გაემგზავრნენ და ნეაპოლში დაბინავდნენ. მათი სახლი მყუდროა, ზღვის ხედით.