მოგზაურობ მეუღლესთან ერთად და პარიზული დაბადების დღე: თამუნა მუსერიძე ახალ კადრებს გვიზიარებს - Marao

თამუნა მუსერიძე მეუღლესთან სანდრო მიკუჩაძესთან ერთად პარიზში მოგზაურობს და „ინსტაგრამზე“ ვიდეოს გვიზიარებს. თამუნამ დაბადების დღე ეიფელის კოშკის ფონზე ულამაზესი ტორტით აღნიშნა.

შეგახსენებთ, მას შემდეგ, რაც თამუნა მუსერიძემ მამა იპოვა, დედის ვინაობაც შეიტყო და პარიზში სწორედ მის სანახავად არის ჩასული. საფრანგეთში თამუნა მუსერიძე ძმასაც შეხვდა და ემოციური კადრები სოციალურ ქსელში გაგვიზიარა.

• "დასაც შევხვდი" - თამუნა მუსერიძე ემოციურ კადრებს გვიზიარებს 
• "ერთი ქალბატონის ფოტო გავრცელდა და წერია, რომ ის დედაჩემია" - რა ვიდეოს აქვეყნებს თამუნა მუსერიძე 

თამუნა მუსერიძე

1986 წელს დაიბადა. ტელევიზიაში მუშაობა 18 წლის ასაკში დაიწყო. ცხოვრებაში ყველაზე დიდი გარდატეხა კი 32 წლის ასაკში ეწვია, როცა დედის გარდაცვალების შემდეგ აღმოაჩინა, რომ ნაშვილებია.  

"იმდენად ბედნიერი ბავშვობა მქონდა, თამამად შეიძლება ითქვას, რომ ზღაპარში ვცხოვრობდი. 90-იანი წლების უშუქობა, უგაზობა და სიდუხჭირე საერთოდ არ მიგრძნია. მამაჩემი, შოთა მუსერიძე, ძალიან ხელგაშლილად ცხოვრობდა და მარტო თავის ოჯახს კი არა, ნათესავებსაც ხელს უმართავდა. დედა, მარინა კუხიანიძეც ყველაფერს აკეთებდა, რომ საფუძვლიანი განათლება მიმეღო. სკოლაში მაკითხავდა და თვითონ დავყავდი ინგლისურზე, რუსულზე, ხელოვნებათმცოდნეობაზე, ისტორიაზე. დედამ სამსახურს თავი დაანება და მთელი ცხოვრება შვილების განათლებას მიუძღვნა. მხოლოდ ერთხელ მიადგა ჩრდილი ამ ყველაფერს - როცა მითხრეს, რომ ნაშვილები ვიყავი, მაგრამ მაშინ არ დავიჯერე. რატომ? - ალბათ იმიტომ, რომ ჩემზე უმცროსი ძმა მყავს და მშობლებისგან წამითაც არ მიგრძნია, რომ მისგან მასხვავებდნენ. დედაჩემი მხოლოდ 33 წლის იყო, როცა შვილად ამიყვანეს, თან, მამაჩემს და მის დედას ძალიან ვგავდი. მოგვიანებით, გენეტიკური ანალიზით დადგინდა, რომ ჩვენ შორის დამთხვევა ნული პროცენტი იყო, მაგრამ მაშინაც არ შემპარვია ეჭვი, რომ ისინი ჩემი ბიოლოგიური მშობლები არ იყვნენ" - იხსენებდა თამუნა.