"ჩემი სიყვარული" - გუკა რჩეულიშვილის ახალი რომანი, რომელზეც ბევრს საუბრობენ - Marao
"ჩემი სიყვარული" - გუკა რჩეულიშვილის ახალი რომანი, რომელზეც ბევრს საუბრობენ
გუკა რჩეულიშვილი უკვე რამდენიმე წელია, ხმაურიანი პირადი ცხოვრებით ხშირად ექცევა ყურადღების ცენტრში. მისი რომანები ხშირად საზოგადოებისთვის ცნობილ სახეებს უკავშირდება, ასე იყო ნუცა კუხიანიძისა და ლელა კილაძის შემთხვევაში და ასეა ახლაც - რჩეულიშვილი მსოფლიოში ცნობილ ქართველ მოდელზე, მარიშა ურუშაძეზეა შეყვარებული.
გუკა რჩეულიშვილი და ლელა კილაძე ცოტა ხნის წინ დაშორდნენ. ლელამ ახალი სიყვარული მუსიკოსი გიორგი ცაგარელის სახით იპოვა. მათ რამდენიმე დღის წინ პირველი საერთო შვილიც შეეძინათ. ლელა კი მეხუთედ გახდა დედა. ახალი სიყვარულის პოვნა არ გასჭირვებია არც გუკა რჩეულიშვილს, რომელსაც ახლა რომანი წარმატებულ მოდელ მარიშა ურუშაძესთან აქვს.
"ჩემი სიყვარული" - წერს გუკა რჩეულიშვილი და უმშვენიერესი მარიშას ფოტოებს აქვეყნებს:
ვინ არის მარიშა ურუშაძე
მარიშა სამოდელო სააგენტო Lookmodels-ის მოდელია, რომლის ხელმძღვანელიც ნინო ცქიტიშვილია. მას ნამუშევარი აქვს მსოფლიოში ისეთ ცნობილ კომპანიებთან, როგორებიცაა ELLE, GIVENCHY, MARGIELA, DIESEL.Chloe, NEXT, V Magazine და სხვა. ქართველი გოგონა Gucci-ს ექსკლუზიური მოდელიც იყო. "განსაკუთრებით ყურადღებას იმსახურებს მარიშა ურუშაძე: ხვეული თმით, ნაზი გამოხედვით. თოჯინის მსგავსი გარეგნობის გოგონა ყველაზე მეტად მოთხოვნადი მოდელია ქვეყანაში", - წერდა Vogue-ის ონლაინგამოცემა 2016 წელს.
ქართული თუ უცხოური მედიები მარიშას წარმატების შესახებ ხშირად წერენ, თუმცა განსაკუთრებით რეზონანსული აღმოჩნდა მისი განცხადება 2021 წელს Mercedes-Benz-ის მოდის კვირეულთან დაკავშირებით. მაშინ მარიშამ გულახდილად ისაუბრა იმ რთული სამუშაო პირობების შესახებ, რაც მოდის კვირეულზე მოდელებისთვის იყო შექმნილი:
"გახსოვდეთ, რომ გოგოების ნახევარს პერიოდი ჰქონდა და ზოგიერთ მათგანს კიბეზე მოუწია ტამპონების გამოცვლა. არ იყო ტრანსპორტირება, არ იყო საჭმელი, დაბოლოს, რაღაცნაირად აღმოჩნდა, რომ ეს არავის ბრალი იყო. არც კი დავიწყებ საუბარს ხელფასებზე, რომლებიც სასაცილოა იმასთან შედარებით, რისი გაკეთებაც გვიწევს”, - წერდა ურუშაძე.