შეცვლილი იმიჯი, იშვიათი კადრები და მაკა ასათიანის გამოჩენა საქველმოქმედო ღონისძიებაზე - Marao

სულ ცოტა ხნის წინ უმშვენიერესმა მაკა ასათიანმა სოციალურ ქსელში კადრები "Tabitha Pop-up Shop-ზე" გადაღებული კადრები გაგვიზიარა. უკვე რამდენიმე თვეა, მაკა საქველმოქმედო საქმიანობაში აქტიურადაა ჩართული. მისი გამოჩენა კი ყოველთვის დიდ აღფრთოვანებას იწვევს, რადგან მაკა საჯაროდ, ტელეეკრანებზე არასდროს ჩანს. 

ბოლოს ის ფართო საზოგადოებამ ოჯახის სიწმინდის დღეს გამართულ ღონისძიებაზე იხილა. მაშინ მაკას განსხვავებული ვარცხნილობა ჰქონდა და "ჭაღარა" თმას ატარებდა, ახლა კი ძველ სტილს დაუბრუნდა და სადა, დახვეწილი "ლუქითა" და შავი თმით გამოჩნდა.

Tabitha Pop-up Shop -ში შეგიძლიათ, შეიძინოთ ქართველი და უცხოური, ახალი და ვინტაჟური ნივთები სპეციალურ ფასად. ტაბითას მისია მთლიანად საქველმოქმედოა და მთელი შემოსავალი ირიცხება ჰოსპის ფერიცვალებაში, რომელიც უსასყიდლოდ უვლის მოხუცებს და ადამიანებს, ვისაც ეს ყველაზე მეტად სჭირდებათ.

• "სულ უფრო ემსაგვსება ბებიას" - მაკა ასათიანის შვილიშვილის ფოტოები ზაფხულის არდადეგებიდან 
• VIDEO: მაკა ასათიანის იშვიათი გამოჩენა და მიმართვა 

მაკა ასათიანი

 მაკა ასათიანი ჩვენი დროის ერთ-ერთი ულამაზესი ქართველი ქალია. მისი პერსონის გარშემო საზოგადოების ინტერესი ყოველთვის დიდი იყო. მის ცხოვრებაში წარმატებასთან და ბედნიერ ამბებთან ერთად, ტკივილიც ბევრი იყო, მოუკლეს მამა - ცნობილი ფეხბურთელი და ბიზნესმენი კახი ასათიანი:

2002 წლის 20 ნოემბერს, საღამოს 7 საათზე, კახი ასათიანის მანქანა ვაკეში, ირაკლი აბაშიძის ქუჩაზე, პარლამენტარ ნანა ბიჭიაშვილის (ასათიანის ცოლისდა) სახლთან გაჩერდა. მძღოლი მანქანიდან ბიჭიაშვილების ოჯახისთვის მოსაწვევების გადასაცემად გადავიდა. რამდენიმე წუთში მანქანაში დარჩენილ კახი ასათიანს უცნობი ახალგაზრდა მიუახლოვდა და მაყუჩიანი ავტომატური ცეცხლსასროლი იარაღით ცეცხლი გაუხსნა. 16 ტყვიიდან მსხვერპლს მხოლოდ 7 მოხვდა. ასათიანი მაშინვე გარდაიცვალა. მაკა ასათიანის დედა ლუიზა თავართქილაძეა. ოჯახის სხვა წევრების მსგავსად, მედიასთან გამოჩენა არც მას უყვარს. უმშვენიერესი ქალბატონის ფოტოებს სოციალურ ქსელში იშვიათად მისი შვილიშვილი, მაკა ასათიანის დისშვილი, მარიანა აჩბა აქვეყნებს. ხშირად აღნიშნავენ, რომ მარიანა ძალიან ჰგავს დეიდას, ხოლო მაკა კი - დედას. 

მაკა წლების მანძილზე მერაბ ჟორდანიას მეუღლე გახლდათ და თბილისში ცხოვრობდა. წყვილს ქორწინებიდან ორი ვაჟი, კახი და ლევანი ჰყავს. 

პირველი ოჯახის დანგრევის შემდეგ მაკა საცხოვრებლად შვეიცარიაში გადავიდა, თუმცა საქართველოსთან საქმიანი ურთიერთობა არ გაუწყვეტია. ერთი პერიოდი ის ტელეკომპანია „მაესტროს“ თანამფლობელი და დირექტორი იყო.

მაკას მეორე მეუღლე კოტე გეგელიაა. წლების მანძილზე ოჯახი ესპანეთში ცხოვრობდა, თუმცა მაკა დიდ დროს ატარებს შვეიცარიაში უფროს ვაჟთან, კახისთან ერთად, რომელიც რამდენიმე წლის წინ დაოჯახდა. მაკას და კოტეს ერთი საერთო შვილი, კონსტანტინე ჰყავთ. 

მაკა ასათიანი ქართულ მედიასთან თითქმის აღარ ჩნდება.ის არც სოციალურ ქსელშია აქტიური. მაკა ცოტა ხნის წინ საზოგადოებამ ოჯახის სიწმინდის დღეზე იხილა, სადაც ის შეცვლილი იმიჯით გამოჩნდა. მის ჭაღარა თმას დიდი განხილვაც მოჰყვა, თუმცა აღნიშნავენ, რომ წლები და შევერცხლილი თმა მაკა ასათიანის სილამაზეს ვერაფერს აკლებს.