"სამოდელო ბიზნესში ეს გოგო იმავეს აკეთებს, რასაც "კვარა" - ფეხბურთში“ - რას წერენ მატილდა გვარლიანის შესახებ - Marao

მატილდა გვარლიანი Victoria’s Secret-ის 2024 წლის ჩვენებაზე გამოვიდა. ის გახდა პირველი ქართველი, ვინც Victoria’s Secret-ის შოუში მიიღო მონაწილეობა. მანამდე მცდელობა ქართველ მოდელ თაკო ნაცვლიშვილსაც ჰქონდა, თუმცა ის შოუსთვის არ შეარჩიეს. ეს ამბავი სოციალურ ქსელში ვირუსულად ვრცელდება და, ამის ფონზე, მატილდას შესახებ ამბებს სხვადასხვა ცნობილი ადამიანიც იხსენებს, მათ შორის იყო ფოტოგრაფი მარიამ ნაკანი, რომელიც მოდელთან დიდი ხნის მანძილზე მუშაობდა.

• "ბებოსთან ჩაიცუცქა და მოწყალება გაიღო... მატილდა შიგნიდანაც ანათებდა, მის თვალებში ნათელი ბზინავდა" - მატილდა გვარლიანის უცნობი ამბები და ფოტოები 

მატილდა გვარლიანის შესახებ წერს "ბრავო რექორდსის" დამფუძნებელი ზაზა შენგელიაც: 

საოცარი სილამაზე, შარმი და აურა აქვს ამ გოგოს და თან ძალიან ჭკვიანი და გონიერია. ქართული სამოდელო ბიზნესის ისტორიაში პირველი ქართველი მოდელია, რომელმაც „Victoria Secret 2024“ პრესტიჟულ მოდების ჩვენებაში მიიღო მონაწილეობა ქეით მოსთან, ჯიჯი ჰადიდთან, ადრიანა ლიმასთან, ტაირა ბენქსთან, ბარბარა პალვინთან და სხვა მსოფლიოს Top სუპერმოდელებთან ერთად.

ფაქტობრივად, სამოდელო ბიზნესში ეს გოგო იმავეს აკეთებს, რასაც „კვარა“ ფეხბურთში“, – წერს ზაზა შენგელია სოციალურ ქსელში. 

• "დედაჩემის ქუსლიან ფეხსაცმელებს ვიცვამდი და თითქოს ერთ-ერთი ვიყავი ამ გოგონებიდან" - მატილდა გვარლიანის მიზანი, რომლისთვისაც ბევრი იშრომა და მოგონებები ბავშვობიდან 

მატილდა გვარლიანი 

მატილდა გვარლიანი თბილისში დაიბადა. მოდელობა Look Models Management-ში 14 წლის ასაკში დაიწყო. მატილდა გვარლიანი თანამშრომლობს ისეთ სააგენტოებთან, როგორებიცაა: Next Model Management (მილანი); Uno Models (მადრიდი, ბარსელონა); Munich Models (მიუნხენი) და Elite Copenhagen (კოპენჰაგენი).

"12 წლის ვიყავი, როდესაც look Models Managment-ის ცეკვის მასწავლებლის მეგობარი შემხვდა სალონში. შემომთავაზა ნინო ცქიტიშვილის სააგენტოში მისვლა, რომელიც, მისი თქმით, არა მხოლოდ საქართველოში, არამედ უცხოეთშიც წარმატებით მუშაობდა. რა თქმა უნდა, დავინტერესდი და მივედი. ძალიან პატარა ვიყავი და ასაკიდან გამომდინარე გადავწყვიტე, ცოტა ხანს დამეცადა. 14 წლიდან მივედი სააგენტოში. მესამე გაკვეთილზე უკვე გადავიღეთ თამუნა ინგოროყვას „ლუქბუქი“. სააგენტოში 14 წლის უფრო მომზადებული მივედი, განსაკუთრებულად გავაძლიერე ენების შესწავლა, რაც მოდელს ძალიან სჭირდება. 12 წლისამ იქ ჩემი ტოლი გოგონები ვერ ვნახე" - იხსენებდა მატილდა.

მატილდამ მონაწილეობა მიიღო Pull & Bear 2020 წლის შემოდგომა/ზამთრის კოლექციის სარეკლამო კამპანიაში. მოგვიანებით იგი გამოჩნდა იტალიური Vogue-ის სარეკლამო კამპანიაში.

მატილდა გვარლიანის დებიუტი Haute Couture-ზე Dolce & Gabbana-ს 2020 წლის გაზაფხული/ზაფხულის კოლექციის ჩვენებაზე შედგა. ის ასევე გამოვიდა GCDS 2020 წლის გაზაფხული-ზაფხულის შოუზე. 2020 წელს უკრაინული Marie Claire-ის აპრილის ნომრის გარეკანზე ახალგაზრდა ქართველი მოდელი გამოჩნდა.

წაიკითხეთ სრულად