მატილდა გვარლიანი Victoria’s Secret-ის 2024 წლის ჩვენებაზე გამოვიდა. ის გახდა პირველი ქართველი, ვინც Victoria’s Secret-ის შოუში მიიღო მონაწილეობა. მანამდე მცდელობა ქართველ მოდელ თაკო ნაცვლიშვილსაც ჰქონდა, თუმცა ის შოუსთვის არ შეარჩიეს. ეს ამბავი სოციალურ ქსელში ვირუსულად ვრცელდება და, ამის ფონზე, მატილდას შესახებ ამბებს სხვადასხვა ცნობილი ადამიანიც იხსენებს, მათ შორის იყო ფოტოგრაფი მარიამ ნაკანი, რომელიც მოდელთან დიდი ხნის მანძილზე მუშაობდა.
stylenotcom-მა „ინსტაგრამზე“ მატილდას კომენტარიც გაგვიზიარა, სადაც იხსენებს მომენტს, როცა პირველად უყურა Victoria’s Secret-ის შოუს.
„Victoria’s secret-ის შოუ იყო ერთადერთი მიზეზი, რის გამოც დედა უფლებას მაძლევდა, რომ გვიანობამდე არ დამეძინა. შოუს დროს დედაჩემის ქუსლიან ფეხსაცმელებს ვიცვამდი და თითქოს ერთ-ერთი ვიყავი ამ გოგონებიდან“, – ამბობს მოდელი.
შოუს კადრები თავად მატილდამაც გამოაქვეყნა: "თავს ვგრძნობდი სუპერგმირად, თავს ვგრძნობდი ოცნების ქალად", - დაწერა მან.
მატილდა გვარლიანი Victoria’s Secret-ის 2024 წლის ჩვენებაზე გამოვიდა. ის გახდა პირველი ქართველი, ვინც Victoria’s Secret-ის შოუში მიიღო მონაწიელობა. მანამდე მცდელობა ქართველ მოდელ თაკო ნაცვლისვილსაც ჰქონდა, თუმცა ის შოუსთვის არ შეარჩიეს. ეს ამბავი სოციალურ ქსელში ვირუსულად ვრცელდება და, ამის ფონზე, საინტერესოა, გავიხსენოთ მისი განვლილი გზის მნიშვნელოვანი მომენტები.
მატილდა გვარლიანი თბილისში დაიბადა. მოდელობა Look Models Management-ში 14 წლის ასაკში დაიწყო. მატილდა გვარლიანი თანამშრომლობს ისეთ სააგენტოებთან, როგორებიცაა: Next Model Management (მილანი); Uno Models (მადრიდი, ბარსელონა); Munich Models (მიუნხენი) და Elite Copenhagen (კოპენჰაგენი).
"12 წლის ვიყავი, როდესაც look Models Managment-ის ცეკვის მასწავლებლის მეგობარი შემხვდა სალონში. შემომთავაზა ნინო ცქიტიშვილის სააგენტოში მისვლა, რომელიც, მისი თქმით, არა მხოლოდ საქართველოში, არამედ უცხოეთშიც წარმატებით მუშაობდა. რა თქმა უნდა, დავინტერესდი და მივედი. ძალიან პატარა ვიყავი და ასაკიდან გამომდინარე გადავწყვიტე, ცოტა ხანს დამეცადა. 14 წლიდან მივედი სააგენტოში. მესამე გაკვეთილზე უკვე გადავიღეთ თამუნა ინგოროყვას „ლუქბუქი“. სააგენტოში 14 წლის უფრო მომზადებული მივედი, განსაკუთრებულად გავაძლიერე ენების შესწავლა, რაც მოდელს ძალიან სჭირდება. 12 წლისამ იქ ჩემი ტოლი გოგონები ვერ ვნახე" - იხსენებდა მატილდა.
მატილდამ მონაწილეობა მიიღო Pull & Bear 2020 წლის შემოდგომა/ზამთრის კოლექციის სარეკლამო კამპანიაში. მოგვიანებით იგი გამოჩნდა იტალიური Vogue-ის სარეკლამო კამპანიაში.
მატილდა გვარლიანის დებიუტი Haute Couture-ზე Dolce & Gabbana-ს 2020 წლის გაზაფხული/ზაფხულის კოლექციის ჩვენებაზე შედგა. ის ასევე გამოვიდა GCDS 2020 წლის გაზაფხული-ზაფხულის შოუზე. 2020 წელს უკრაინული Marie Claire-ის აპრილის ნომრის გარეკანზე ახალგაზრდა ქართველი მოდელი გამოჩნდა.