მომღერალმა მარიამ ელიეშვილმა და მისმა მეუღლემ, ბიზნესმენმა გიორგი მჭედლიშვილმა ქორწილი ფილადელფიაში გადაიხადეს.
ქორწილში სტუმრად იმყოფებოდნენ, ემიგრაციაში მყოფი ქართველი მომღერლები, ნინი წიკლაური ბენდთან ერთად და ნინი შერმადინი.
ფილადელფიაში გამართული ქართული ქორწილის ორგანიზატორი კი იუმორისტი ვახო ბიჭიკაშვილი იყო.
ვახო სოციალურ ქსელში ქორწილის კადრებს გვიზიარებს და წერს:
„გუშინდელი ქართული ქორწილი ფილადელფიაში, ეს იყო ჩემი დებიუტი როგორც “EVENT MANEGER”-ი, ხარისხიან ვიდეოსაც შემოგთავაზებთ ცოტა ხანში, პირველ რიგში მადლობა ჩემს მეგობრებს გიორგის და მარიამს, რომ მანდეს ქორწილის შემოქმედებითი მხარე დიდი მადლობა“.
მარიამ ელიეშვილი
მარიამ ელიეშვილის ცხოვრება ერთმა სიმღერამ – „ჩვენ ახლა ერთურთს“ – სრულიად შეცვალა. მის მიმართ დიდი ინტერესი გაჩნდა და მას შემდეგ, მისი შემოქმედებითი ცხოვრება ყურადღების ცენტრში მოექცა.
მისი სიმღერისადმი სიყვარული ოჯახმა განაპირობა. იგი ქართულ ტრადიციულ ოჯახში იზრდებოდა, სადაც სიმღერა, ცეკვა და ფოლკლორი პირველ ადგილზე დგას. მისი ბაბუა ქართულ ხალხურ საკრავებზე უკრავდა და სწორედ ამან განაპირობა მისი სიყვარული ქართული ხალხური სიმღერების მიმართ.
"მთელი ჩემი ცხოვრება სცენასა და სიმღერასთან ასოცირდება, მაგრამ ამასთან ერთად, ჩემთვის განათლებაც პრიორიტეტი იყო. ბავშვობიდან მოყოლებული ყველაფერი მაინტერესებდა, ძალიან მიყვარდა ცეკვა და სიმღერა, დავამთავრე მუსიკალური სასწავლებელი, ფორტეპიანოს განხრით, სკოლა – ოქროს მედალზე და ზოგადად, ძალიან აქტიური და მიზანსწრაფული ვიყავი. ხალხმა ფოლკლორული სიმღერებით გამიცნო, მაგრამ ძალიან მრავალფეროვანი რეპერტუარი მაქვს. ჩემი სიმღერები არ არის მხოლოდ ხალხური და ქართული, რადგან 15 წლიდან მოყოლებული, ძალიან ხშირად მიწევს გასტროლებზე სიარული საქართველოს ფარგლებს გარეთაც."
ცოტა ხნის წინ, მარიამი დაქორწინდა. მისი რჩეული ამერიკაში მოღვაწე ქართველი ბიზნესმენი გიორგი მჭედლიშვილია, ამიტომაც მარიამის შემდგომი გეგმები სწორედ ამ ქვეყანას უკავშირდება, თუმცა კარიერის მიტოვებას არ აპირებს – მისი მომავალი მეუღლე მოტივირებულია, რომ მომღერალს ყველანაირად შეუწყოს ხელი. მარიამი უკვე ახალ სიმღერებზეც მუშაობს.