შორენა ბეგაშვილი იტალიაში, ვენეციაში მოგზაურობს და კადრებით საკუთარ გამომწერებს ისევ ანებივრებს.
მდიდრული მოგზაურობიდან შორენამ გაგვიზიარა ემოციები, როდესაც მან ძვირადღირებული HERMES-ის ჩანთა შეიძინა.
Hermes-ის ჩანთების ისტორია 1837 წლიდან იწყება, როდესაც ბრენდი თავდაპირველად ცხენის აღჭურვილობას აწარმოებდა. მოგვიანებით "ჰერმესმა" გაფართოება გადაწყვიტა და აქსესუარების შექმნა დაიწყო. Birkin-ის მოდელი, რომელიც ერთ-ერთი ყველაზე მოთხოვნადია ბაზარზე, 1980-იან წლებში შეიქმნა, როდესაც ბრიტანელმა მსახიობმა ჯეინ ბირკინმა დიზაინერისგან ჩანთის შექმნა მოითხოვა, რომელიც ფუნქციური და ამავე დროს ელეგანტური იქნებოდა.
Hermes-ის ჩანთების ფასები იცვლება მოდელისა და მასალის მიხედვით, თუმცა ყველაზე პოპულარული ჩანთების ფასი იწყება რამდენიმე ათასიდან და შეიძლება ასობით ათას დოლარსაც მიაღწიოს, რაც მათ საზოგადოებრივი სტატუსის სიმბოლოდ აქცევს.
ყველაზე ხელმისაწვდომი მოდელია Herbag Zip, რომელიც დაახლოებით 2 600 დოლარი ღირს. ყველაზე ძვირადღირებული კი Himalaya Birkin 30, რომელიც ნილოსის თეთრი ნიანგის ტყავით მზადდება და გაფორმებულია ბრილიანტებითა და 18-კარატიანი თეთრი ოქროს ელემენტებით. ამ ჩანთის ფასი აუქციონზე 380 000 დოლარსაც აღწევს.
შორენა ბეგაშვილი მსახიობი, ტელეწამყვანი და ფოტომოდელია, რომელიც ქართველმა მაყურებელმა წლების წინ გაიცნო და შეიყვარა. თამამი ფოტოებით, სკანდალური განცხადებებითა და ხმაურიანი პირადი ცხოვრებით ის არაერთხელ გამხდარა განხილვის ობიექტი, თუმცა გავრცელებულ ჭორებს თავად ყოველთვის სიმშვიდით ხვდებოდა.
შორენა ბეგაშვილმა დაამთავრა შოთა რუსთაველის თეატრისა და კინოს უნივერსიტეტი. მუშაობდა ვაკის თეატრალურ სარდაფში, რუსთაველის თეატრალურ სარდაფში, თეატრ „გლობუსში“.
შორენას კარიერა პრაქტიკულად დაიწყო 2008 წლიდან, როდესაც ის „ფლეიბოისთვის“ გადაიღეს. 2009–2010 წლებში ჰქონდა საავტორო ხასიათის გადაცემა „ღამე შორენასთან“ (იმედი TV). გადაცემას ბევრი კრიტიკა მოჰყვა და მალევე დაიხურა კიდეც. „რუსთავი 2“-ის ეთერში ვანიკო თარხნიშვილთან ერთად მიჰყავდა გადაცემა „იღბლიანი ბორბალი“. 2020 წლის სექტემბრიდან "რუსთავი 2"-ზე მიჰყავს გადაცემა „შორენას ეფექტი“.
შორენა ბეგაშვილს ჰყავს ერთი ქალიშვილი, ევა ბარბაქაძე, რომელიც ზურაბ ბარბაქაძესთან ქორწინებაში 2001 წელს შეეძინა. რამდენიმე წლის წინ, უბედური შემთხვევის დროს, როცა ევა მაღალი სართულიდან გადავარდა და სიკვდილს სასაწაულებრივად გადაურჩა, შორენა ბეგაშვილს რთული პერიოდის გავლა მოუწია, თუმცა დღეს დედა-შვილი ერთად და ბედნიერად ცხოვრობს. ევა უკვე სტუდენტია და აგრძელებს სრულფასოვან ცხოვრებას. შორენა ბევრს მოგზაურობს, კადრებს კი ერთგულ გამომწერებსაც უზიარებს.