რა ღირს ნანუკა ჟორჟოლიანის ქურთუკი, რომელიც განხილვის საგნად იქცა - Marao

ნანუკა ჟორჟოლიანი სოციალურ ქსელში მირთვას ავრცელებს და მისი ჩაცმულობის გარშემო ატეხილი მითქმა-მოთქმის შესახებ საუბრობს. როგორც ცნობილია, ტელეწამყვანი აქტიურადაა ჩართული სამოქალაქო აქტივიზმში და ქვეყანაში მიმდინარე პოლიტიკური მოვლენების ეპიცენტრშიც ხშირად ექცევა.

სწორედ ერთ-ერთი აქციის დროს მას ძვირად ღირებული ქურთუკი ეცვა, რომელიც მალევე გახდა განხილვის საგანი:

• "ცხოვრების ყველა ეტაპზე სამყარო, ღმერთი მიგზავნიდა ძალიან საინტერესო გამოწვევებს" - ნანუკა ჟორჟოლიანი 

"ქართული ოცნების“ მაჯლაჯუნები არიან გადარეულები, ნანუკას რანაირი ქურთუკი ეცვა, მილიონი ღირსო. მართლა საოცარი ქურთუკია, მეც ძალიან მომწონს, ვგიჟდები, ვიყიდე თუ მაჩუქეს, ამას მნიშვნელობა არ აქვს, თქვენ ჩათვალეთ, რომ ვიყიდე, ამის უფლება მაქვს, რადგან არასდროს ვყოფილვარ სახელმწიფო მოხელე, არც ერთი დღით არ დავფინანსებულვარ ხალხის ჯიბიდან. რასაც მინდა, იმას შევიძენ და რასაც მინდა, იმას ჩავიცვამ. სხვათა შორის, ექსკლუზიურად გეტყვით,  უკეთესი ქურთუკებიც მაქვს. 

• "ერთ ღამეში ნახევარი მილიონი ნახვა" - ნანუკა ჟორჟოლიანის ვიდეო დიდ მოწონებას იმსახურებს 

რაც შეეხება იმ ვერსიას, რომ ფონდში შეკრებილი ფულით შემიძენია მე ქურთუკი, ამის გამკეთებლები თავად ხართ… სიმართლე გითხრათ, მაქვს კიდევაც ეს წარმოდგენა თქვენზე, რომ ამის გამკეთებლები ხართ. გკოცნით ძალიან ბევრს. არ გაიბეროთ და არ გასკდეთ შურისგან“ - ამბობს ნანუკა ჟორჟოლიანი ვიდეომიმართვაში. 

ნანუკა ჟორჟოლიანის ქურთუკი Miu Miu-ს ეკუთვნის, რომლის ღირებულება 5 863 ევროა. 

ნანუკა ჟორჟოლიანი 

ნანუკა ჟორჟოლიანი ჟურნალისტისა და ტელეწამყვანის ამპლუაში საზოგადოებამ წლების წინ გაიცნო. 1999 წელს დაიწყო მუშაობა გადაცემა „ალიონში“, „პირველ არხზე“. 2001 წელს გადავიდა ტელეკომპანია „რუსთავი 2“-ზე. მუშაობდა პოლიტიკური სიახლეების მიმართულებით. 2008 წელს იყო რეპორტიორი რუსეთ-საქართველოს ომში. 2009 წლიდან 2019 წლამდე ჰქონდა საავტორო გადაცემა „ნანუკას შოუ“, რომელიც 2009-2012 წლებში "იმედზე", ხოლო 2013-2019 წლებში "რუსთავი 2"-ზე გადიოდა. 2019 წლიდან გადავიდა „მთავარ არხზე“, სადაც მიჰყავს გადაცემა „სხვა ნანუკა“.

წაიკითხეთ სრულად