"ადამიანები, რომლებსაც ნამდვილად უყვარხარ, შენი წარმატებით იამაყებენ, სხვები კი შეეცდებიან შენი შრომა და მონდომება გააკრიტიკონ" - ილია თოფურიას მეუღლე ვრცელ წერილს აქვეყნებს - Marao

UFC-ის ქართველი ჩემპიონის, ილია თოფურიას მეუღლე, ჯორჯინა უზკატეგუია პირველი საერთო შვილის მშობლები ცოტა ხნის წინ გახდნენ. წყვილს გოგონა შეეძინა, რომელსაც დედის სახელი, ჯორჯინა დაარქვეს. ჯორჯინასთვის ეს პირველი შვილია, ილიას კი პირველი ქორწინებიდან უკვე ჰყავს ვაჟი. ამჯერად ჯორჯინა ვრცელ წერილს გვიზიარებს:

"ევერესტზე ასვლისას ყველა ფიქრობს, რომ  ამას მარტივად გააკეთებს, მაგრამ რეალურად, ცოცვის პერიოდში გაიგებ, ვინაა ამისთვის მზად. ზოგიერთი ადამიანი ფიზიკურად და ემოციურადაა მზად, სამწუხაროდ, როცა ევერესტზე ადიხარ, არ შეგიძლია სუსტებიც თან წაიყვანო. 

შენი წარმატება შენზეა დამოკიდებული. ადამიანები, რომლებსაც ნამდვილად უყვარხარ, შენი წარმატებით იამაყებენ, სხვები კი შეეცდებიან შენი შრომა და მონდომება გააკრიტიკონ" - წერს ჯორჯინა.

ილია თოფურია

ილია გერმანიაში, ქართველი მშობლების ოჯახში დაიბადა. შვიდი წლის ასაკში ოჯახთან ერთად საცხოვრებლად საქართველოში გადავიდა, სადაც სკოლაში დაიწყო ბერძნულ-რომაული ჭიდაობის ვარჯიში.

2012 წელს, როცა თოფურია თხუთმეტი წლის იყო, მისი ოჯახი საცხოვრებლად გადავიდა ესპანეთის ქალაქ ალიკანტეში, სადაც მან დაიწყო ვარჯიში დაიწყო საბრძოლო ხელოვნებაში, „კლიმენტ კლუბში“. ის და მისი ძმა ალექსანდრე პირველი ქართველები არიან, ვინც ჯიუ-ჯიცუს შავი ქამრის მფლობელები გახდნენ.

• "სიყვარული ყველაზე დიდი გრძნობაა" - ილია თოფურიას მეუღლე ოჯახურ კადრებს აქვეყნებს 
• "მადლობას ვუხდი ღმერთს ყველაფრისთვის, რაც გამოვიარე" - ილია თოფურიას მეუღლე იუბილარია 

2015 წელს პროფესიონალთა ადგილობრივ შეჯიბრებებში შედგა მისი დებიუტი. 27 წლის ილია თოფურია პირველად შევიდა ტიტულოვან წრეში: ის UFC-ში 2020 წლიდან ასპარეზობს და რეკორდი 6-0 აქვს დამყარებული. 2020 წლის 11 ოქტომბერს თოფურია "მაროკოელ ეშმაკს“ იუსეფ ზალალს დაუპირისპირდა და სამ რაუნდიან ორთაბრძოლაში გამარჯვება მოიპოვა. 2022 წლის 19 მარტს, ლონდონში, UFC-ის ღონისძიებაზე, ორგანიზაციაში მე-4 ორთაბრძოლა გამართა ილია თოფურიამ და ინგლისელი მეტოქე ჯეი ჰერბერტი მეორე რაუნდში ნოკაუტით დაამარცხა.

2024 წელს UFC 298-ზე ქვემსუბუქი დივიზიონის ქამრისთვის ილია თოფურია დაუპირისპირდა ამ დივიზიონის ჩემპიონს, ალექს ვოლკანოვსკის და ნოკაუტით მოუგო ბრძოლა. ამ მნიშვნელოვან ბრძოლამდე ილიას 14-დან 14 მოგება ჰქონდა, ხოლო ვოლკანოვსკის 26 მოგება და 3 მარცხი. ალექს ვოლკანოვსკიმ ამ წონის ქამრის დაცვა 5-ჯერ შეძლო. ჯოშ ემეტის დამარცხების შემდეგ, თოფურიამ 8 თვე დაისვენა და სატიტულო ჩხუბით, რომელსაც მთელი საქართველო ასე ელოდა, გახდა პირველი ქართველი, რომელმაც UFC-ის ქამარი მოიგო!