"ამ კოლექციის თქვენთვის გაზიარება ამაღელვებელია" - ნანუკა გოგიჩაიშვილის ახალი წამოწყება და დიდი წარმატება აშშ-ში - Marao

როგორც ცნობილია, ნანუკა გოგიჩაიშვილმა საკუთარი სამკაულების ბრენდი შექმნა, რომლის შესახებაც ინფორმაციას სოციალურ გვერდზე გაიგებთ:

"aquabynanuka ყოველთვის იყო ჩემთვის ღრმად პირადი მოგზაურობა და ამ კოლექციის თქვენთვის გაზიარება ამაღელვებელია. თითოეული მათგანი ასახავს ჩემი სულის ნაწილს და ვიმედოვნებ, რომ ის სასიამოვნოა კარგია თქვენთან, როგორც ჩემთვის", - წერს ნანუკა.

2018 წლიდან დღემდე, ნანუკას გამოფენებმა ჩიკაგოში, ვაშინგტონსა და ლოს ანჯელესში მოწონება დაიმსახურა, რაც ასახავს მის განვითარებად მხატვრულ მოგზაურობას. შეუერთდით ნანუკას მის მხატვრულ ოდისეას, სადაც ფუნჯისა და დიზაინის ყოველი შტრიხი მოგვითხრობს შთაგონების, გამძლეობისა და უსაზღვრო ფანტაზიის ისტორიას" - ვკითხულობთ Aqua by Nanuka-ს ოფიციალურ გვერდზე. 

ნათია ბანძელაძისა და გიორგი გოგიჩაიშვილის ქალიშვილი ნანუკა გოგიჩაიშვილი ბავშვობიდან ხშირად ჩანს ტელეეკრანებზე. მას წარმატებული სამოდელო კარიერა ჰქონდა, ახლა კი მთლიანად ოჯახზეა კონცენტრირებული. მან რამდენიმე წლის წინ ბიზნესმენ ნიკოლოზ ნაყოფიაზე იქორწინა და წყვილს უკვე ორი შვილი, აივი-ნიკოლი და ავა ჰყავს. ნანუკა ოჯახთან ერთად აშშ-ში ცხოვრობს და რჩევებს თავის მოვლასთან, ორსულობასა და დედობასთან დაკავშირებით გამომწერებს ხშირად უზიარებს.

• "სილამაზე, საოცრება" - ნანუკა გოგიჩაიშვილი შეუდარებლად გამოიყურება 
• "კეთილი იყოს თქვენი მობრძანება ნანუკა გოგიჩას სამყაროში" - ნანუკა გოგიჩაიშვილის ახალი წამოწყება: რა არის ცნობილი მოდელის ბრენდის შესახებ 

ნანუკა გოგიჩაიშვილის ოჯახი

ქართველი მოდელი, ყველასათვის საყვარელი ნანუკა გოგოჩაიშვილი სოციალურ ქსელებში საკმაოდ აქტიურია და ხშირად აქვეყნებს სხვადასხვა ფოტოებსა და ვიდეოებს.  ნანუკა გოგიჩაიშვილები ბავშვობიდან ექცეოდა ყურადღების ცენტრში, რაც მისი ცნობილი ოჯახით იყო გამოწვეული. ბებია და ბაბუა მსახიობები, იოსებ გოგიჩაიშვილი და ნანა დათუნაშვილი არიან, დედა და მამა კი - გიორგი გოგიჩაიშვილი და ნათია ბანძელაძე. 

ნათია ბანძელაძე ჟურნალისტია და წლების მანძილზე მუშაობდა ამ მიმართულებით, ის "რუსთავი 2"-ის თანამშრომელი იყო, 2010 წლიდან კი პრეზიდენტის პრესსამსახურის უფროსის თანამდებობაზე დაინიშნა. 

 გიორგი გოგიჩაიშვილი, იგივე "გოგიჩა", ერთ-ერთი ყველაზე ცნობილი და პოპულარული მსახიობი, შოუმენი და ტელეწამყვანი იყო. გოგიჩამ უამრავი პატარას ბავშვობა გაალამაზა და, რა გასაკვირია, რომ შვილებისთვის დღემდე ზღაპრის გმირად რჩება. სამწუხაროდ, გიორგი გოგიჩაიშვილი 2019 წლის 4 ივლისს გარდაიცვალა სიმსივნესთან რამდენიმეწლიანი ბრძოლის შემდეგ.