მე-20 საუკუნის პრინცის, დუდუ დადიანის შესახებ დღესაც ბევრს საუბრობენ. მისი თავგადასავლებით სავსე ცხოვრება, ავანტიურისტული ბუნება და არისტოკრატული გარეგნობა იმ ადამიანებშიც იწვევს აღფრთოვანებას, ვისაც დუდუ მხოლოდ ფოტოზე უნახავს.
უყვარდა კალათბურთი, ხშირად დადიოდა სანადიროდ და ხიფათიც მუდამ თან სდევდა .ერთხელ, სანადიროდ წასულს, მის და მის მეგობარს შემთხვევით აზერბაიჯანის საზღვარი გადაუკვეცავთ და დაუჭერიათ. ახლობლებისა და ოჯახის წევრების ჩარევის შემდეგ კი, რამდენიმე დღეში გაუთავისუფლებიათ. ასეთ ამბებს მისი მეგობრები და ოჯახის წევრები ბევრს იხსენებენ...გაგრძელება
განსაკუთრებით ბევრი აქვს გასახსენებელი დუდუს ძმას, ლევან დადიანს:
"დუდუს დაბადების მოწმობაში დავითი უწერია, მაგრამ ჩემი შერქმეული სახელი შერჩა... მიმაჩნია, რომ დუდუმ და მისმა თაობამ კალათბურთის ერთგვარი ეპოქა შექმნეს. მისაბაძი კაცი გახდა დუდუც და მისი თაობის ბიჭებიც. არსებობს შემდგარი ადამიანის ფენომენი და დუდუ იყო ასეთი. ცოტა გაზვიადებულია იმის თქმა, რომ მექალთანე იყო. თუმცა ქალების ფავორიტი მართლაც გახლდათ.
მატჩის დროს დარბაზში ცალკე ისხდნენ მისი თაყვანისმცემელი გოგონები და როცა დუდუ ბურთს მიიღებდა, შეძახილებით ამხნევებდნენ. სამაგალითო კაცი და ნაღდი ქართველი იყო. ძნელია ძმაზე ლაპარაკი, უბედურებაა, რომ აღარ მყავს. დედის გარდაცვალების შემდეგ (დუდუ წლის და 4 თვის იყო, დედა რომ დაავადდა...), დუდუს მე და ჩვენი უფროსი და - მაკა ვზრდიდით. წლების მატებასთან ერთად, ჩვენ შორის ასაკობრივი ზღვარი მოიშალა და საუკეთესო მეგობრები ვიყავით. ნათელა მაჭავარიანმა, მამას მეორე ცოლმა, ნამდვილი დედობა გაუწია, საოცრად ესმოდათ ერთმანეთის...“ - ამბობს ლევან დადიანი.
პრინცესა მაია (მაკა) დადიანი ეკუთვნის საქართველოს სამეფო დინასტიას. მისი დიდი პაპა, ალექსანდრე და დიდი ბებია ნინო ორივე დადიანები იყვნენ. ის არის ოდიშის მთავრის ოტიას დადიანის პირდაპირი მემკვიდრე მერვე თაობის. ის ასევე მეფე მანუჩარის (1792) და დიდი ნიკოს (1834, სახელმწიფო მოღვაწე, სამხედრო სარდალი, მინგრელის გუბერნატორი, ელჩი და ისტორიკოსი) პირდაპირი მემკვიდრეა მეექვსე თაობის.
მაკას მშობლებმა, მისი მუსიკალური ნიჭის აღიარების შემდეგ, გადაწყვიტეს, პიანისტი გამხდარიყო, თუმცა მუსიკასთან ერთად ბავშვობიდანვე იზიდავდა მხატვრობა. ის ქმნიდა ცნობილი მხატვრების ნამუშევრების შესანიშნავ ასლებს, როგორიცაა ლეონარდო, მიქელანჯელო, რაფაელი, რუბენსი და სხვა. მუსიკალური სკოლის დასრულების შემდეგ მაკამ თბილისის მუსიკალური აკადემია დაამთავრა კონცერტმაისტერის განხრით.
ხატვის სიყვარულის გამო, 23 წლის ასაკში, მუსიკოსის კარიერა მიატოვა და ხელოვნების სწავლა დაიწყო, სადაც 1983 წელს მისი პირველი სოლო გამოფენა გაიმართა. მაკა დადიანის ხუთი ნამუშევარი გამოფენილია ფა დაცულია მოსკოვის თანამედროვე ხელოვნების მუზეუმის ფონდში.1988 წელს მაკამ მუშაობა მაშინდელ პუშკინის სახელობის თბილისის სახელმწიფო ინსტიტუტის სახვითი ხელოვნების დეპარტამენტში ასოცირებულ პროფესორად დაიწყო მუშაობა. 1989 წელს მუშაობდა თბილისის მხატვართა სახლში, მაგრამ სამოქალაქო ომის დროს, 1991 წელს, მხატვართა სახლი სრულად დაიწვა და მისი ბევრი ნამუშევარი განადგურდა. მიუხედავად ამისა, ხატვა განაგრძო და მონაწილეობა მიიღო რამდენიმე გამოფენაში. მაკა 2004 წელს გადავიდა ციურიხში, შვეიცარიაში, სადაც დღემდე ცხოვრობს და მუშაობს.
მაკა დაოჯახებულია, მისი მეუღლე ასევე მხატვარი პიერ შვარცენბახია. მომავალი მეუღლე საქართველოში გაიცნო. მაშინ დუდუ რამდენიმე თვის გარდაცვლილი იყო და მაკას ცხოვრებაში რთული პერიოდი ჰქონდა. ორი წლის შემდეგ ისევ შეხვდნენ ერთმანეთს და დაოჯახდნენ. მაკას პირველი ქორწინებიდან ქალიშვილი ეკატერინა დადიანი ჰყავს, რომელიც წლების წინ დედასთან ერთად წავიდა შვეიცარიაში და იქ დაოჯახდა.