გზა სლოვენიიდან პრეზიდენტის ცოლობამდე - მელანია ტრამპი - Marao

თეთრ სახლამდე მისასვლელი გზა მელანიასთვის მარტივი არ ყოფილა. აშშ-ის ყოფილი პირველი ლედი სლოვენიაში გაიზარდა. სამშობლოდან წასვლა განსაკუთრებული გარეგნობის წყალობით მოახერხა - დონალდ ტრამპის გაცნობამდე მელანია საკმაოდ წარმატებული მოდელი იყო და პარიზსა და მილანში მუშაობდა. 

ვინ არის მელანია ტრამპი?

მელანია ტრამპი ყოფილი მოდელია, რომელიც 2017 წლიდან 2021 წლამდე იყო შეერთებული შტატების პირველი ლედი, მისი მეუღლის, დონალდ ტრამპის პრეზიდენტობის დროს . ის ამ როლს დაუბრუნდება 2025 წლის იანვრიდან. დაიბადა და გაიზარდა დღევანდელ სლოვენიაში -  მელანიამ სამოდელო კარიერა მოზარდობაში დაიწყო და საბოლოოდ რამდენიმე საერთაშორისო ჟურნალის გარეკანიც დაამშვენა. მან და დონალდმა ერთმანეთი 1990-იან წლებში გაიცნეს. წყვილი 2005 წელს დაქორწინდა და ჰყავთ ვაჟი, ბარონი.

ადრეული ცხოვრება

მელანია კნაუსი დაიბადა 1970 წლის 26 აპრილს ნოვო მესტოში, სლოვენია (მაშინ კომუნისტური იუგოსლავიის ნაწილი). მისი მამა, ვიქტორი, მანქანების დილერი იყო, დედა კი, ამალია, საბავშვო ტანსაცმლის დიზაინერი.

მელანია გაიზარდა მოკრძალებულ სახლში უმცროს დასთან, ინესთან ერთად. მოგვიანებით აღმოაჩინა, რომ ჰყავდა უფროსი ნახევარძმა, დენისი. თინეიჯერობისას გადავიდა ლუბლიანაში (დღევანდელი სლოვენიის დედაქალაქი), სადაც საშუალო სკოლაში სწავლობდა. სწორედ მასინ დაიწყო მისი სამოდელო კარიერა.

1996 წელს მელანია შეერთებულ შტატებში გადავიდა. მას მიენიჭა მწვანე ბარათი მუდმივი ბინადრობისთვის 2001 წლის მარტში EB-1 პროგრამის საშუალებით. იგი ოფიციალურად გახდა ამერიკის მოქალაქე 2006 წელს.

სამოდელო კარიერა 

მოდელობის პირველ დღეებში მელანია მუშაობდა მილანსა და პარიზში, სანამ 1996 წელს ნიუ-იორკში გადავიდოდა. 

თანამშრომლობდა ცნობილ ფოტოგრაფებთან, როგორიცაა პატრიკ დემარშელიე და ჰელმუტ ნიუტონი. გამოჩნდა ისეთ ჟურნალებზე, როგორიცაა Harper's Bazaar Bulgaria , Vanity Fair Italia , Sports Illustrated Swimsuit Issue და British GQ .

სკანდალი

როდესაც მისი ქმარი 2016 წელს საპრეზიდენტო არჩევნებში იყრიდა კენჭს, New York Post-მა 25 წლის მელანიას შიშველი ფოტოები გამოაქვეყნა. 

შიშველი ფოტოების განხილვისას დონალდ ტრამპმა The Post-ს განუცხადა : „მელანია ერთ-ერთი ყველაზე წარმატებული მოდელი იყო. ეს იყო ევროპული ჟურნალისთვის გადაღებული სურათი. ევროპაში ასეთი სურათები ძალიან მოდური და გავრცელებულია“.

• დონალდ ტრამპის ქალები - ამერიკის ყოფილი პრეზიდენტის სკანდალური პირადი ცხოვრება 
• ქმრისგან განცალკევებით ცხოვრება და დაძაბული ურთიერთობა გერთან - უცნობი დეტალები "უტყვი პრინცესას", მელანია ტრამპის შესახებ 

პირველი ლედი 

როგორც პირველმა ლედიმ, მელანიამ გამოიყენა თავისი პლატფორმა რამდენიმე საკითხზე ფოკუსირებისთვის, მათ შორის განათლებასა და იმიგრაციაზე. წიგნის წაკითხვის ეროვნული დღის ფარგლებში, მელანიამ 2017 წლის სექტემბერში გაგზავნა დოქტორ სეუსის წიგნები თითოეული შტატის დამსახურებულ სკოლაში. მომდევნო თვეში იგი განათლების მდივან ბეტსი დევოსთან ერთად ეწვია გარეუბანში დეტროიტის საშუალო სკოლას, ”მე მჯერა, რომ თქვენ უნდა მოეპყროთ ერთმანეთს პატივისცემით, სიკეთით და თანაგრძნობით,” - უთხრა მან სტუდენტებს.