"ევროპული პრინციპები ჩემთვის ქართული კულტურის იდენტურია" - რას ამბობს ქეთი მელუა - Marao

"მარ­თა­ლია, მე დიდი ხა­ნია სა­ქარ­თვე­ლო­დან წა­მო­სუ­ლი ვარ, მაგ­რამ ამას ვწერ გუ­ლით. უზო­მოდ ვღე­ლავ ახ­ლან­დელ სი­ტუ­ა­ცი­ა­ზე სა­ქარ­თვე­ლო­ში, ყო­ველ დი­ლას ვუ­ყუ­რებ ახალ ამ­ბებს და სო­ცი­ა­ლურ ქსე­ლებს.

ზუს­ტად მეს­მის, რა­ტომ უნდა ქარ­თველ ხალ­ხს ევ­რო­პა­ში. ევ­რო­პის პრინ­ცი­პე­ბი ახ­მო­ვა­ნებს ადა­მი­ა­ნის თა­ვი­სუფ­ლე­ბას და ერთი ადა­მი­ა­ნის მე­ო­რე ადა­მი­ა­ნის მი­მართ პა­ტი­ვის­ცე­მას, ვინც არ უნდა იყოს იგი.

ეს პრინ­ცი­პე­ბი ჩემ­თვის იდენ­ტუ­რია ქარ­თულ კულ­ტუ­რას­თან. მე სულ ვხე­დავ­დი ამ პრინ­ცი­პე­ბის გან­ხორ­ცი­ე­ლე­ბას სა­ქარ­თვე­ლო­ში, ურ­თი­ერ­თო­ბა მე­ზობ­ლებს შო­რის, მე­გობ­რებს შო­რის და სხვადასხვა რე­ლი­გი­ის ადა­მი­ა­ნე­ბს შო­რის", - წერს ქეთი მე­ლუა.

• "ვიღლები, მაგრამ ეს არაფერია იმ სიყვარულთან შედარებით, რომელსაც ჩემი შვილის ხელში აყვანისას ვგრძნობ" - ქეთი მელუას მეუღლე, შვილი და ოჯახური იდილია 

28 ოქტომბერს საქართველოში არჩევნები ჩატარდა, შედეგებმა კი აზრთა სხვადასხვაობა გამოიწვია. ევროპარლამენტმა მიიღო რეზოლუცია საქართველოში ახალი არჩევნების „საერთაშორისო ზედამხედველობის ქვეშ“ ჩატარების მოთხოვნით. 28 ნოემბერს საქართველოს პრემიერ-მინისტრმა ირაკლი კობახიძემ პრესკონფერენცია გამართა. მან გამოაცხადა ევროკავშირში 2028 წლამდე გაწევრიანების ცალმხრივი შეწყვეტის შესახებ, ასევე უარი თქვა ევროკავშირის ნებისმიერ საბიუჯეტო გრანტებსა და სესხებზე. 

კობახიძის განცხადებას მალევე მოჰყვა საპროტესტო ტალღა ქვეყანაში. აქციები დღემდე გრძელდება და მედია აქტიურად აშუქებს სპეცრაზმის მიერ პროტესტის მონაწილე ადამიანებზე ძალადობის, დარბევის, მხუთავი აირისა და წყლის ჭავლის გამოყენების ფაქტებს. 

• "ჩემს შვილს ექნება ქართული ფესვები და ეცოდინება რომ არის ქრისტიანი" - ქეთი მელუას ოჯახური ბედნიერება, ნახევრად ქართველი მეუღლე და განვლილი გზა 

საქართველოს ევროკავშირისკენ სვლის შეჩერებას და აქციების დარბევას სოციალურ ქსელში უამრავი ცნობილი ადამიანი გამოეხმაურა. სპეცრაზმელების მხრიდან ძალადობა დაგმეს სპორტსმენებმა, მუსიკოსებმა, მსახიობებმა... ზოგიერთი მათგანი აქციებში თავადაც იღებს მონაწილეობას. 

ქეთი მელუას ბიოგრაფია 

ქეთი მელუა დაიბადა ქალაქ ქუთაისში. ცხოვრების პირველი წლები ბებიასა და ბაბუასთან საქართველოს დედაქალაქ თბილისში გაატარა, მოგვიანებით კი მშობლებთან და ძმასთან ერთად ბათუმში გადასახლდა, სადაც ქეთის მამა კარდიოლოგად მუშაობდა. 1993 წელს, საქართველოს სამოქალაქო ომის დასრულებისთანავე, ოჯახი საცხოვრებლად გადავიდა ბელფასტში, ჩრდილოეთი ირლანდიაში, სადაც ქეთის მამამ მუშაობა საავადმყოფოში დაიწყო. ქეთი მელუამ წმინდა კეთრინეს სახელობის კათოლიკური სკოლა და დომინიკანური კოლეჯი დაამთავრა მაშინ, როცა მისი უმცროსი ძმა პროტესტანტულ სკოლებში სწავლობდა. 1998 წელს ქეთისთან ერთად ოჯახი რედჰილში, ინგლისში გადავიდა. ქეთი ფლობს ქართულ, ინგლისურ და რუსულ ენებს.

• "სამთვიანი ფიქრის შემდეგ, ერთ საღამოს მითხრა, რომ მზად იყო ოჯახი შეგვექმნა... როცა პირველად გავისეირნეთ სამივემ ერთად, როგორც ოჯახმა, საოცარი ბედნიერება ვიგრძენი..."- ქეთი მელუა დედობისა და ოჯახის შესახებ 

საქართველოსა და ბელფასტში არსებული არასტაბილური პოლიტიკური მდგომარეობის ფონზე, ქეთის სამომავლო გეგმები ხან ისტორიკოსობას, ხან კიდევ პოლიტიკოსობას უკავშირდებოდა, თუმცა მისი მომავალი ძირეულად შეიცვალა 2000 წელს, როდესაც 15 წლის ქეთიმ მონაწილეობა მიიღო ბრიტანეთის სატელევიზიო არხ ITV-ის მიერ ჩატარებულ კონკურსში, სახელწოდებით "Stars Up Their Nose", რომელიც იყო ნაწილი საბავშვო პროგრამისა "Mad for it!". კონკურსზე ქეთიმ შეასრულა Badfinger-ის ცნობილი სიმღერა სახელწოდებით "Without You" და გაიმარჯვა.

 სურეიში საშუალო განათლების მიღების შემდეგ, ქეთიმ სწავლა ბრიტანეთის ხელოვანთა სასწავლებელში განაგრძო, რომელიც ტერიტორიულად ლონდონის სამხრეთ ნაწილში მდებარეობს. ქეთიმ სწავლის პერიოდშივე დაიწყო სიმღერების წერა და სწორედ ამ სასწავლებელში შეხვდა იგი თავის მომავალ მენეჯერსა და პროდიუსერს, მუსიკოს მაიკ ბეტს. ქეთი მელუას უმაღლეს სასწავლებელში სწავლა არ გაუგრძელებია, თუმცა მას ხშირად გამოუხატავს სურვილი უნივერსიტეტში ჩაბარებისა. მისი სიტყვებით, თუ მომავალში უნივერსიტეტში სწავლის შანსი მიეცემა, იგი სასწავლო კურსში აირჩევდა ინგლისურ ლიტერატურას, ისტორიასა და ფიზიკას.