ქართული საახალწლო სუფრის TOP 5 მთავარი კერძი - Marao
ქართული საახალწლო სუფრის TOP 5 მთავარი კერძი
ახალი წლის დღესასწაული განსაკუთრებული მოვლენაა ყველა ქვეყანაში და, მათ შორის, საქართველოშიც. საახალწლო სუფრა კი ის უმნიშვნელოვანესი ტრადიციაა, რომელიც ამ დღესასწაულს განსაკუთრებულ ხიბლს სძენს. საახალწლო სუფრა საქართველოს კულტურის მნიშვნელოვან ნაწილს წარმოადგენს, რომელიც ოჯახური შეკრებების და სტუმართმოყვარეობის სიმბოლოა.
ნიგვზიანი ბადრიჯანი
ნიგვზიანი ბადრიჯანი ძირითადად ორი ინგრედიენტით კეთდება - ბადრიჯნითა და ნიგვზით, მაგრამ მთავარი საიდუმლო იმ პატარ-პატარა სანელებლებსა და მეთოდებშია, რომლებსაც დიასახლისები თუ პროფესიონალი მზარეულები იყენებენ.
ბადრიჯანი სალათის კატეგორიაში გადის და ის დასავლეთ საქართველოს, კერძოდ, იმერული სამზარეულოს „მონაპოვარია“, თუმცა დღეს მას ყველა კუთხეში სხვადასხვანაირად ამზადებენ.
საცივი
მიუხედავად იმისა, რომ საცივს სრულიად საქართველო ამზადებს, ქართული კულინარიის პირველ წიგნში ბარბარე ჯორჯაძემ საცივი გურული საცივის სახელით შეიტანა და ამ სახით შემოგვინახა. საცივის ამ რეცეპტში, დღევანდელთან შედარებით, ნაკლებია ნიგოზი და ბევრია ძმარი.
შემწვარი გოჭი
გოჭი შეიძლება შეიწვას, როგორც ღუმელში, ასევე ნაკვერჩხალზე, შამფურზე წამოცმული.
ხაჭაპური
ქართული ეროვნული ცომეული ნაწარმი, წარმოშობით დასავლეთ საქართველოდან. არსებობს სხვადასხვა სახეობის ხაჭაპური, მათ შორის: იმერული, აჭარული, მეგრული, გურული, სვანური, რაჭული, ხევსურული, თუშური. განსაკუთრებით ცნობილია იმერული ხაჭაპური.
ღომი
ღომი სამეგრელოს ერთ-ერთი ძველი და ტრადიციული კერძია. მის გარეშე წარმოუდგენელია მეგრული ხარჩო, კუპატი, ჯურჯანი, მას დასავლეთ საქართველოში შემწვარ თევზთან, ხორციან კერძებთან, რძის პროდუქტებთან და ლობიოსთან ერთად მიირთმევენ.