ბრედ პიტი გამოეხმაურა ფრანგი ქალის ტრაგედიას, რომელმაც ქმარი მისი გულისთვის მიატოვა - Marao

ინტერიერის დიზაინერი საფრანგეთიდან, 53 წლის ანა, თაღლითების მსხვერპლი გახდა, რომლებიც ხელოვნური ინტელექტის გამოყენებით თავს მსახიობ ბრედ პიტად ასაღებდნენ. ისინი ანას არწმუნებდნენ, რომ მსახიობს კიბოს სამკურნალოდ ფული სჭირდებოდა. შედეგად, ქალმა დაკარგა 850 ათასი დოლარი.

თაღლითობა დაიწყო 2023 წლის თებერვალში, როდესაც ანას დაუკავშირდნენ სოციალური მედიის ანგარიშის საშუალებით, რომელიც თითქოს ეკუთვნოდა პიტის დედას, ჯეინ ეტას. შეტყობინებაში ნათქვამი იყო, რომ მისი შვილი ღორსეულ პარტნიორს ეძებდა. 

როგორცც ანამ განაცხადა, თავდაპირველად ეჭვობდა, მაგრამ თაღლითებმა სწრაფად მოიპოვეს მისი ნდობა. „თავიდან მეგონა, რომ ეს ხუმრობა იყო, სოციალურ ქსელებში ვერ ვერკვევი, ამიტომ არ მესმოდა რა ხდებოდა“, - განმარტა მან. 

თაღლითებმა მას ხელოვნური ინტელექტის გამოყენებით შექმნილი ყალბი სელფებიც კი გაუგზავნეს. ქალი ვირტუალურმა რომანმა ისე მოიპყრო, რომ ქმარს დაშორდა. მოგვიანებით, თაღლითებმა განაცხადეს, რომ მსახიობი სავარაუდოდ საავადმყოფოში გადაიყვანეს თირკმლის კიბოთს დიაგნოზით, მისი საბანკო ანგარიშები კი გაყინული იყო ყოფილ მეუღლესთან ანჯელინა ჯოლისთან სასამართლო პროცესის გამო. ანას მკურნალობისთვის ფულის გადარიცხვა სთხოვეს. მსახიობის "ექიმისგან" ელ.წერილის მიღების შემდეგ ქალმა თურქეთში ანგარიშზე დიდი თანხა გაგზავნა.  

• გაიკეთა თუ არა ბრედ პიტმა სახის გადაჭიმვის ოპერაცია - მსოფლიო პრესა მსახიობის შესაძლო პლასტიკურ ოპერაციაზე წერს 
• უარი მამის გვარზე და დაძაბული ურთიერთობა დედასთან - შაილო ჯოლი-პიტის ცხოვრების უცნობი დეტალები 
• ტკივილები და ოცნებები: მოხატული სხეული და ნიშნები ანჯელინა ჯოლის ტანზე 

ყველაფერი ერთ წელზე მეტი ხნის განმავლობაში გრძელდებოდა, სანამ 2024 წლის ზაფხულში ანამ ინტერნეტში იპოვა ნამდვილი ბრედ პიტის ფოტოები თავის პარტნიორ ინეს დე რამონთან ერთად. 

"არ ვიცი ასეთი საშინელება რატომ გამიკეთეს" - ამბობს ის. 

ინტერვიუს გამოქვეყნების შემდეგ, ანა ინტერნეტში დაცინვისა და ბულინგის სამიზნე გახდა. ტელეკომპანია TF1-მა ქალის დასაცავად მისი მონაწილეობით ეპიზოდიც კი წაშალა. „ამ ამბავმა დაცინვის ქარიშხალი გამოიწვია. მსხვერპლის დასაცავად, ჩვენ გადავწყვიტეთ ამ ეპიზოდის პლატფორმებიდან ამოღება“, - თქვა შოუს წამყვანმა ჰარი როსელმაკმა პირად ბლოგზე.  

რეზონანსულ ამბავს ბრედი გამოეხმაურა. „ეს არის შეხსენება ყველასათვის, რომ ფრთხილად იყვნენ, არ უპასუხონ მსგავს შეტყობინებებს ონლაინ, განსაკუთრებით ცნობილი ადამიანებისგან, რომლებსაც არ აქვთ სოციალური მედია“, - თქვა მსახიობის სპიკერმა. 

ბრედ პიტის ახალი რჩეული

პრესა ბრედ პიტის ახალ რომანზე ჯერ კიდევ გასულ შემოდგომაზე ალაპარაკდა. წერდნენ, რომ მსახიობი ინეს დე რამონს ხვდებოდა. როგორც ცნობილია, წყვილი ისევ ერთადაა.

People insiders-ის ცნობით, ბრედი ნამდვილად ბედნიერია ინეს დე რამონთან ახალი ურთიერთობით. მიუხედავად იმისა, რომ ისინი ბოლოს ერთად რვა თვის წინ ნახეს - „ამ ზაფხულს ისინი ერთად კარგ დროს ატარებენ. მათ ნამდვილად ძალიან უყვართ ერთმანეთი. ეს აშკარაა ყველასთვის, ვინც მათ ერთად ხედავს. ინესთან ერთად მან კვლავ იპოვა თავისი ნაპერწკალი. მართლაც საოცარია. ბრედი შესანიშნავი ადამიანია და ბედნიერებას იმსახურებს", - ამბობს ანონიმური წყარო.