ივანკა ტრამპის ელეგანტური ჩაცმულობა საინაუგურაციო ბალზე - Marao
ამბავი ივანკა ტრამპის შთამბეჭდავი კაბის მიღმა: რატომ ჩაიცვა მამის ინაუგურაციაზე თეთრი კაბა
ივანკა ტრამპმა ამერიკის პრეზიდენტის, დონალდ ტრამპის საინაუგურაციო ბალზე სპეციალურად მისთვის შექმნილი 1954 წლის ოდრი ჰეპბერნის ცნობილი კაბის რეპლიკა მოირგო.
ეს კაბა ჰუბერტ დე ჟივანშის 1954 წლის ოტ კუტიურის შავ-თეთრი კაბის რეპროდუქცია იყო, რომელიც თავდაპირველად ოდრი ჰეპბერნისთვის ფილმ „საბრინაში“ შეიქმნა.
თეთრი სახლის წარმომადგენელმა აღნიშნა, რომ ივანკასთვის "დიდი პატივი იყო ამ კაბის ტარება" და მადლიერება გამოხატა ჟივანშის გუნდსა და არნოს ოჯახის მიმართ „ორიგინალური ხელოვნების სილამაზის ზუსტი აღდგენისა და ოსტატობისთვის.“
"ოდრი ჰეპბერნი ივანკას დიდი ხანია შთააგონებს" - განაცხადეს მათ "მისთვის განსაკუთრებული პატივია მისი მემკვიდრეობის ამ გზით დაფასება, ხოლო ჟივანშის გუნდს მადლობას უხდის ამ დაუვიწყარი მომენტის შექმნისთვის".
- რა არის ცნობილი დონალდ ტრამპის ფავორიტი ქალიშვილის, ივანკას შესახებ
- ზაფხულში მოდურად ჩაცმის გაკვეთილები ივანკა ტრამპისგან
- ქმრისგან განცალკევებით ცხოვრება და დაძაბული ურთიერთობა გერთან - უცნობი დეტალები "უტყვი პრინცესას", მელანია ტრამპის შესახებ
პრეზიდენტი დონალდ ტრამპი და პირველი ლედი მელანია ტრამპი 20 იანვარს, ფიცის დადების ცერემონიის შემდეგ გამართულ წვეულებაზე შავ-თეთრ სამოსში გამოვიდა.
ივანკა ტრამპი
ივანკა მარი ტრამპი დაიბადა ამერიკელი ბიზნესმენის დონალდ ჯონ ტრამპის ოჯახში. ტრამპების ოჯახი გერმანული წარმოშობისაა, წარმოშობით კალშტადიდან. სახელი ივანკა, ივანას შემოკლებული ფორმაა. ივანკას მშობლები განქორწინდნენ 1991 წელს, როდესაც ის ცხრა წლის იყო.
მართალია, დონალდი და ივანა გაშორდნენ, მაგრამ ივანკას ყოველთვის ახლო ურთიერთობა ჰქონდა ორივე მშობელთან.
15 წლამდე სწავლობდა „ჩაპინის სკოლაში“, მანჰეტენზე, ხოლო შემდეგ, სასწავლებლად გადავიდა Choate Rosemary Hall-ში, კონექტიკუტის შტატის ქალაქ ვალინგფორდში.
Choate დამთავრების შემდეგ, ორი წლის განმავლობაში სწავლობდა ჯორჯთაუნის უნივერსიტეტში, ამის შემდეგ კი პენსილვანიის უნივერსიტეტი ვარტუნის ბიზნესის სკოლაში, რომელიც მან 2004 წელს, ეკონომიკაში ბაკალავრის ხარისხით დაამთავრა.
საოჯახო ბიზნესში მოსვლამდე, ივანკა მოკლე დროის მანძილზე მუშაობდა Forest City Enterprises-ში.[9] 2007 წელს, ის წარმატებით შეუერთა ალმასის გამყიდველების ძალები, Dynamic Diamond Corp., და შექმნა თავისი საიუველირო კომპანია Ivanka Trump Fine Jewelry, რომელიც ფოკუსირებულია ალმასის და ოქროს სამკაულების გაყიდვაზე.
ივანკა ტრამპის მოდის ხაზი 2011 წელს დაარსდა. ქალის სამოსის მწარმოებელი კომპანია ძირითადად საქამიანი, წარმატებული ქალების იმიჯს იყო მორგებული და შესაბამის ტანსაცმელს სთავაზობდა მომხმარებელს. როგორც ამერიკული პრესის ნაწილი წერს მისი დახასიათებისას - "ბრენდი თავად ივანკა იყო".
ბევრი განიხილავს ივანკა ტრამპის პოლიტიკაში დაბრუნებას. 2020 წლის არჩევნებში ტრამპის დამარცხების შემდეგ, ივანკა და მისი მეუღლე სამ მცირეწლოვან შვილთან ერთად მაიამიში გადავიდნენ საცხოვრებლად.