კანის მოვლის 5 ტენდენცია 2025 წლისთვის - Marao

რეტინოლის ნაცვლად რეტინალდეჰიდი

რეტინალდეჰიდის კიდევ ერთი უპირატესობა არის ის, რომ ის უფრო სწრაფად მუშაობს, ვიდრე რეტინოლი. ამ ინგრედიენტის შემცველი პროდუქტები გვეხმარება დაბერების ნიშნებთან ბრძოლაში და კანს უფრო მკვრივსა და ელასტიკურს ხდის.

მზისგან დამცავი საშუალება მთელი წლის განმავლობაში    

არ იყენებთ SPF კრემს ზამთარში? დერმატოლოგი სონია შარმა მიიჩნევს, რომ ეს დიდი შეცდომაა, რადგან ულტრაიისფერი სხივების 80%-ს შეუძლია ღრუბლებში შეღწევა, ხოლო UVA გამოსხივება, რომელიც პასუხისმგებელია ნაადრევ დაბერებასა და კანის კიბოზე, არ იბლოკება ფანჯრის მინით. სონია გვირჩევს მზისგან დამცავი კრემის გამოყენებას ყოველდღიურად.

• რა არის კორეული კოსმეტოლოგიის საიდუმლო 
• სისხლის შედედების 8 ნიშანი, რომელიც არ უნდა უგულებელყოთ 
• როგორ ვებრძოლოთ ასაკთან დაკავშირებულ კანის პიგმენტაციას 

სკინიმალიზმი 

სკინიმალიზმი, ანუ კანის მოვლის საშუალებების მინიმალურად გამოყენება, კანის მოვლის ყველაზე დიდი ტენდენციაა 2025 წელს. "ძალიან ბევრი სხვადასხვა პროდუქტის გამოყენებამ შეიძლება შეასუსტოს კანის ბარიერი და გამოიწვიოს ახალი პრობლემები არსებულის გადაჭრის ნაცვლად", - ამბობს დერმატოლოგი. დოქტორი შარმა გვირჩევს ფოკუსირებას ისეთ პროდუქტებსა და ინგრედიენტებზე, როგორიცაა რეტინოლი, ჰიალურონის მჟავა, გლიცერინი, კერამიდები და პეპტიდები. 

მნიშვნელოვანი და აუცილებელია, რომ არ მოექცეთ ინფლუენსერებისა და თუ ადამიანების გავლენის ქვეშ, ნუ დახარჯავთ თქვენს რესურსებს ისეთ პროდუქტებში, რომლებსაც რეალურად სარგებლის მოტანა არ შეუძლიათ. ამის ნაცვლად, უმჯობესია, დაადგინოთ თქვენი კანის ტიპი და სპეციალისტთან ერთად შეარჩიოთ ის რამდენიმე ნივთიერება, რომლებიც დაგეხმარებათ სუფთა, ერთგვაროვანი და გლუვი კანის შენარჩუნებაში. 

მსუბუქი სკრაბი 

სკრაბების გამოყენება ბევრი ქალისთვის სუფთა კანთან ასოცირდება, თუმცა არ უნდა დავივიწყოთ ზიანი, რომლის მიყენებაც მას კანისთვის შეუძლია - ბარიერის დარღვევა და დაზიანება, ფორების გაფართოება... ძალიან მნიშვნელოვანია ზედმეტი აქერცვლა თავიდან ავიცილოთ. სასიამოვნო კანის სიგლუვის შეგრძნება აქერცვლის შემდეგ, მაგრამ სკრაბების ძალიან ხშირად გამოყენებამ შეიძლება გამოიწვიოს გაღიზიანება. ეცადეთ, თქვენს რუტინაში ნაზი, მსუბუქი ამქერცლავები ჩართოთ და დაიცვათ პერიოდულობა. 

"საკვები" კანისთვის

სახის კანზე დიდ გავლენას ახდენს თქვენი კვების რაციონი. გარდა ზოგადი ჯანმრთელობისა, კანის ელასტიკურობისა და სიჯანსაღისთვის მნიშვნელოვანია იკვებოთ სწორად, მიიღოთ ცილებისა და ნახშირწყლების საჭირო დღიური რაოდენობა. ამასთან, არ უნდა დაგავიწყდეთ თქვენი მასის ინდექსის შესაბამისი რაოდენობის წყლის მიღებაც. ეს ყველაფერი "საკვებია" თქვენი კანისთვისაც - სწორედ ჯანსაღი, სწორი და დაბალანსებული კვებით შესძენთ კანს სიგლუვესა და ჯანსაღ იერს.