გვიან მოსული დიდი წარმატება და ჯილდო ქალის როლის საუკეთესო შესრულებისათვის - ეკა ჩავლეიშვილის პორტრეტი - Marao

ეკა ჩავლეიშვილი არის ქართველი მსახიობი, რომელიც განსაკუთრებული აღიარებით სარგებლობს როგორც თეატრში, ასევე კინოში. იგი ბათუმის დრამატული თეატრის მსახიობია.  

მისი კარიერის ერთ-ერთი გამორჩეული მომენტი იყო ელენე ნავერიანის ფილმში „შაშვი, შაშვი მაყვალი“ მთავარი როლის შესრულება. ამ როლისთვის მან არაერთი საერთაშორისო ჯილდო მოიპოვა, მათ შორის:

• სარაევოს საერთაშორისო კინოფესტივალზე საუკეთესო მსახიობი ქალის წოდება 
• დუბლინის საერთაშორისო კინოფესტივალზე საუკეთესო მსახიობი ქალის ჯილდო 
• ევროპული კინოაკადემიის ჯილდოზე ნომინაცია 

ფილმი „შაშვი, შაშვი მაყვალი“ ეფუძნება თამთა მელაშვილის ამავე სახელწოდების რომანს და მოგვითხრობს ეთეროს, შუახნის დაუქორწინებელი ქალის, ისტორიას, რომელიც პატარა ქართულ სოფელში ცხოვრობს. ეკა ჩავლეიშვილის შესრულებამ ამ როლში კრიტიკოსებისა და მაყურებლის დიდი მოწონება დაიმსახურა.

ეკა ჩავლეიშვილმა 1994 წელს დაამთავრა საქართველოს შოთა რუსთაველის სახელობის სახელმწიფო თეატრალური ინსტიტუტის სამსახიობო ფაკულტეტი. იგი 1995 წლიდან ბათუმის ილია ჭავჭავაძის სახელობის სახელმწიფო დრამატული თეატრის მსახიობია.

ეკა ჩავლეიშვილმა ბათუმის დრამატულ თეატრში შექმნა არაერთი სცენური სახე, რომელთა შორის აღსანიშნავია: მზევინარი (ლამარა), მარცია (ცრუ ნერონი), ლალი (მერე რა რომ სველია, სველი იასამანი), სმერალდინა (ორი ბატონის მსახური), ექთანი ანა (ბომგარდი), ქეთუშა (ნუგზარი და მეფისტოფელი), ლიანა (ბანანისა და კომშის პუდინგი კონიაკითა და რომით), კარაჟა (ვატერ(პო)ლოო), ქალი (ყოფილების სარეცელი), ანეტა (რისთვის ღმერთო?!) და სხვა. ქალბატონი ეკა გადაღებულია ფილმებსა და სერიალებში: ,,ბიჭი ბედნიერთა სოფლიდან“, წვრილვარსკვლავიანთა ღამე“, ,,ბალალაიკა“, ,,იდენტიფიკაცია“, ,,აღლუმი“, ,,ოთარის სიკვდილი“.

ეკა ჩავლეიშვილი ქალის როლის საუკეთესო შესრულებისათვის არაერთგზის დაჯილდოებულია თეატრალური პრემიებით. მისი ნამუშევრები გამოირჩევა სიღრმითა და ემოციურობით, რაც მას თანამედროვე ქართული კინოს ერთ-ერთ გამორჩეულ მსახიობად აქცევს.

• ნინი ბადურაშვილის ყოფილი ქმრის ოჯახური ბედნიერება და წარმატებული კარიერა რუსეთში: როგორია ირაკლი კუტალაძის ცხოვრება წლების შემდეგ 
• 70-იანი წლების სილამაზის სიმბოლო - ტრაგიკული ბედი, წარმატებული კარიერა და ფოტოები, რომლებზეც დღემდე საუბრობენ
• როგორ იქცა ქვეყნის მოღალატის ქალიშვილი მუსლიმური სამყაროს ყველაზე გავლენიან ქალად - შეიხა მოზას ისტორია 

"შაშვი, შაშვი, მაყვალი"

ელენე ნავერიანის ფილმი “შაშვი, შაშვი, მაყვალი,” თამთა მელაშვილის იმავე სახელწოდების რომანის ეკრანიზაციაა. ფილმში მთავარ როლებს მსახიობები თემიკო ჭიჭინაძე და ეკა ჩავლეიშვილი ასრულებენ. სწორედ ეკა ჩავლეიშვილს გადაეცა ჯილდო ქალის მთავარი როლის საუკეთესო შესრულებისთვის სარაევოს 29-ე საერთაშორისო კინოფესტივალზე.

შაშვი შაშვი მაყვალი ელენე ნავერიანისთვის მესამე სრულმეტრაჟიანი ფილმია. კინოსურათი თამთა მელაშვილის ამავე სახელწოდების ბესტსელერი რომანის ეკრანიზაცია გახლავთ. ამბავი პატარა ტრადიციულ ქართულ სოფელში მცხოვრებ, შუახნის ასაკის დაუქორწინებელ ქალ ეთეროზე გვიყვება. ეთეროს რუტინად ქცეულ ყოველდღიურობას ერთხელაც ჯერ უსიამოვნო ინციდენტი, მერე კი მოულოდნელად მიღებული გადაწყვეტილება ცვლის. მელაშვილის წიგნმა 2021 წელს პრემია საბაც მიიღო წლის საუკეთესო რომანის ნომინაციაში. ნაწარმოების მიხედვით ზუგდიდის შალვა დადიანის სახელობის პროფესიულ სახელმწიფო დრამატულ თეატრში დაიდგა სპექტაკლიც.