ცოტა ხნის წინ ლიზა ჩიჩუა და ირაკლი მაქაცარია მეორე შვილის მშობლები გახდნენ, მათ გოგონა შეეძინათ, რომელსაც ნინა დაარქვეს. "ნინა მაქაცარია, კეთილი იყოს შენი მობრძანება! განსაკუთრებული მადლობა ბატონ დავით გაგუას და პროფესიონალთა გუნდს!" - წერდა ირაკლი მაქაცარიამ.
ამჯერად ლიზა სოციალურ ქსელში გამომწერების კითხვებს პასუხობს. მისი თქმით, ორსულობის დროს მხოლოდ 7 კილო მოიმატა.
- მშობიარობის შემდეგ მუცლის ქამარი რეკომენდებულია?
- ბევრმა მომწერეთ ქმარზე. მე არ გამომიყენებია. სამშობიაროდან როგორც კი გამოვედი, ჩემი მუცელი თავის ფორმას დაუბრუნდა. სავარაუდოდ, გენეტიკის დამსახურებაა.
- გაგვიზიარე, რას მიირთმევ დღის მანძილზე;
- კვება გაწერილი არ მაქვს, ყველაფერს მივირთმევ.ბუნებრივ კვებაზე მყავს შვილი, არც ამ თვალსაზრისით არის დიეტის დაცვა რეკომენდებული. ზომიერად ყველაფერი შეგიძლიათ მიირთვათ.
- ირაკლი დაესწრო მშობიარობას?
- დიახ, ორივეს.
"იმედია არც ისე აშკარაა, რომ 17 წლით უფროსი ვარ, ასეთი რამ საერთოდ არ გვაქვს, რადგან თუ შენ თვითონ გაამახვილებ ყურადღებას, შეადარებ სხვა რამეებს, მაშინ ეს თემა უფრო ხშირად დადგება. როდესაც ჩვენი ურთიერთობის შესახებ გამოვაცხადეთ, ამას სათაურებისთვის იყენებდა სხვადასხვა მასმედია. მაგრამ ახლობლებს შორის ეს სრულიად შეუსაბამო თემაა. ბოლოს და ბოლოს, იმდენის ხარ, რამდენიც საკუთარი თავი გგონია... საქმე შენს შინაგან კეთილდღეობაზეა", - ამბობდა ირაკლი მაქაცარია.
ირაკლის ფართო საზოგადოება მანამდეც იცნობდა, ლიზა კი ახალ ვარსკვლავად იქცა. მალევე გაირკვა, რომ ის ცნობილი ექიმების, გიორგი ჩიჩუასა და ქეთი ასათიანის შვილია. ლიზას ჰყავს ერთი და, მაშო და ერთი ძმა - სანდრო.
ლიზა მშობლების გზას აგრძელებს და თავადაც სამედიცინო უნივერსიტეტის სტუდენტია. ლიზამ არაერთხელ აღნიშნა, რომ ახერხებს, დედობა და სწავლა ერთმანეთს შეუთავსოს, ამაში კი მშობლები და დამხმარეც უწყობენ ხელს. ის ხშირად აზიარებს სიახლეებს საუნივერსიტეტო წარმატების შესახებ და, ამის პარალელურად, სოციალურ ქსელშიც აქტიურია და თანამშრომლობს არაერთ ცნობილ ბრენდთან.
ლიზამ განმარტა ისიც, რომ დეპრესია არასდროს, არც შვილის გაჩენის შემდეგ არ ჰქონია და პოსტსამშობიარო პერიოდი ჰარმონიულად გაატარა.
"მთელი ეს 9 თვე ლიზას არ უნდოდა, რომ მშობიარობაზე ვყოფილიყავი, უნდოდა მასთან დედა ყოფილიყო, მე კი გარეთ დავლოდებოდი. მაგრამ ასე გამოვიდა: სამშობიაროში რომ მივედით, მალე პალატაში მივხვდით, რომ მშობიარობამდე რამდენიმე საათი იყო დარჩენილი. ჩავიცვი სამედიცინო ხალათი და მოულოდნელად აღმოვჩნდი მის პალატაში. როდესაც ლიზამ დამინახა, ჩემი წასვლის დრო აღარ იყო", - იხსენებდა ირაკლი მაქაცარია.