"სიტყვებით ვერ აღვწერ, რა მადლიერი ვარ..." - ლიზა ყენიას წარმატება და შთამბეჭდავი ფოტოები - Marao

"სიტყვებით ვერ აღვწერ, რა მადლიერი ვარ. მიუხედავად იმისა, რომ ჩემი ცხოვრება და ჯანმრთელობა მოწოდების სიმაღლეზე არ არის, სამყარომ, რომელიც სავსეა სიყვარულის ენერგიით, ამ გზაზე რამდენიმე ანგელოზი გამომიგზავნა. ერთ-ერთია მეგი გაბუნია, რომელთანაც ხელოვნების სიყვარულმა გამაერთიანა. როცა მისი სამოსი მაცვია, თავს ბედნიერად, ავთენტურად და, რა თქმა უნდა, ენერგიულად ვგრძნობ. 

მადლიერი ვარ გუშინდელი კონცერტისთვის, მადლობა ყველას, ვინ მოვიდა, მხარი დამიჭირა და ეს მომენტი გაიზიარა. ყველაფერი წინაა!" - წერს სოციალურ ქსელში ამერიკაში მცხოვრები ქართველი მუსიკოსი, ლიზა ყენია. 

ლიზა ყენია 

ლიზა ყენია მაია ჯაბუასა და არჩილ ყენიას ქალიშვილია. ცნობილი ოჯახიდან გამომდინარე, ის ბავშვობიდან მოექცა ყურადღების ცენტრში, თუმცა ლიზა მედიისთვის საკუთარი ინდივიდუალიზმითაც მალევე გახდა საინტერესო პერსონა. ლიზა ყენია მუსიკოსია, ის თავადაც წერს მუსიკას და ბოლო დროს მსმენელს ახალი სიმღერებითაც ხშირად ანებივრებს. გარდა მუსიკისა, ლიზა გატაცებულია ხატვით და საკუთარი ბრენდი friskystyle შექმნა. ის მობილურის აქსესუარებს საკუთარი დიზაინით ქმნის. 

• „არ ვიცი, ყოველთვის მერიდება ჩემს მიღწევებზე განსაკუთრებული ხაზგასმა" - ლიზა ყენიას კიდევ ერთი წარმატება 

ლიზა ყენია პატარა ასაკიდან გამოირჩეოდა თავისუფლებითა და დამოუკიდებლობით. ის საქართველოში არაერთ ცნობილ შოუში მონაწილეობდა და არაერთი გულშემატკივარიც ჰყავდა, თუმცა, საბოლოოდ, საცხოვრებლად ამერიკა არჩია და ახლა საკუთარ კარიერას იქ აგრძელებს.

2022 წელს ლიზა ყენიამ ცხოვრებაში მნიშვნელოვანი გადაწყვეტილება მიიღო და ცხოვრება საქართველოდან შორს, აშშ-ში გააგრძელა. ის ამბობდა, რომ უცხო ქვეყანაში ადგილის დამკვიდრება რთული იყო, თუმცა საკუთარი გადაწყვეტილებით ბედნიერი და კმაყოფილია. ერთი წლის შემდეგ, 2023 წელს ლიზა ყენიას რჩეულმა, გიორგი რაზმაძემ დაბადების დღეზე ხელი სთხოვა. ფოტოები ლიზამ საკუთარ ინსტაგრამ გვერდზე გამოაქვეყნა და მეგობრებისგან უამრავი მილოცვა მიიღო.

• "გაათავისუფლე შენი შინაგანი ბავშვი" - ლიზა ყენია გამომწერებს ახალ კლიპს უზიარებს 

აშშ-ში ლიზამ საკუთარი კარიერის შექმნა თავიდან დაიწყო,  გამოუშვა ახალი მუსიკალური კლიპი, მსმენელის წინაშე Red Pavilion Brooklyn-ში წარდგა, ძალები მოსინჯა განსხვავებულ ჟანრში... ლიზა ხშირად წერს საკუთარი ცხოვრების შესახებაც და ყოველთვის აღნიშნავს, რომ  მისთვის ყოველი ეტაპი ოპტიმისტურია, ცხოვრობს მომავლის იმედით და შრომობს წარმატებისთვის.