"ყველაზე რთული და ბედნიერი დღე ჩემს ცხოვრებაში 21.01.2025...
ბავშვობიდან ვიცოდი, რომ დედობა ყველაზე დიდი ბედნიერება იყო და სულ ვოცნებობდი ამაზე, დადგა ის ნანატრი დღეც, რისთვისაც ყოველ დღე ღმერთს მადლობას ვუხდი, რომ გამხადა ღირსი მერქვას დედა და მყავდეს საოცარი ნანატრი ღვთის საჩუქარი.
როდესაც გავიგე მისი არსებობის შესახებ, დაიწყო ჩემი გაუთავებელი ფიქრი, შევძლებდი თუ არა ამხელა პასუხისმგებლობის ჩემს თავზე აღებას და ყოველ დღე ამაზე ფიქრში ვათენებდი ღამეს, მაგრამ ეს 9 თვე არაფერი არ ყოფილა იმის ფონზე, როდესაც პირველად გულზე დამაწვინეს და ვიგრძენი მისი გულისცემა, მაშინ გავიაზრე თუ რას ნიშნავს უსაზღვრო ბედნიერების და შიშის თანხვედრა. იმ წამიდან დავიწყე ნერვიულობა შევძლებდი თუ არა ვყოფილიყავი მისთვის კარგი დედა, პასუხისმგებლობის შეგრძნება მახრჩობდა და საკუთარი გულისცემის ხმა მესმოდა, 40 დღე გავიდა დღემდე იგივე მდგომარეობაში ვარ, ვერ ვერევი ემოციებს, შიშს, ძალიან ბევრს ვფიქრობ ყველაფერზე ვნერვიულობ ( ხშირად უაზროდ) ვხვდები, ამას ვიაზრებ, მაგრამ თავს ვერ ვერევი, მოკლედ რომ გავაგრძელო იფიქრებთ, გავგიჟდი.
დედებო, გმირები ხართ! ახლა გავიაზრე ყველაფერი: რამხელა ნიჭია იყო დედა. გილოცავთ ყველას, მთელი არსებით. ღმერთმა მოგცეთ ძალა და გამძლეობა!" - წერს მარიამ მათიაშვილი დედის დღესთან დაკავშირებით და ემოციურ კადრებს აქვეყნებს.
"სუხიშვილების" მოცეკვავე, უმშვენიერესი და უნიჭიერესი მარიამ მათიაშვილი საზოგადოებამ წლების წინ გაიცნო. ის სცენაზე და სცენის მიღმა ერთნაირად საინტერესო სახეა. მარიამმა ცოტა ხნის წინ დავით თოფურიაზე იქორწინა.
ქორწილი ულამაზეს გარემოში, კაჭრეთის "ამბასადორში" შედგა. რადგან მარიამმა დედის გზა გააგრძელა და თავადაც "სუხიშვილების" მოცეკვავეა, ქორწილი სავსე იყო ქართული ცეკვით, მუსიკითა და გართობით. წვეულება პატარა მომღერლებმა, ოთო ბაზერაშვილმა და ნიკოლოზ ხარატმა კიდევ უფრო გაახალისეს. საღამოს კი მუსიკალურად დავით გომართელი აფორმებდა. მარიამმა მეუღლესთან ერთად ტრადიციული ქართული ცეკვა შეასრულა. პატარძალმა დედასთან ერთადაც იცეკვა. მშვენიერი დღე გულის ფორმის ტორტის გაჭრითა და ფეიერვერკებით დასრულდა.
მარიამი ასევე ცნობილი მოცეკვავის, თეა დარჩიას უფროსი ქალიშვილია. მან სულ ცოტა ხნის წინ იქორწინა. მისი მეუღლე დავით თოფურიაა. ქორწილი ულამაზეს გარემოში, კაჭრეთის "ამბასადორში" შედგა. რადგან მარიამმა დედის გზა გააგრძელა და თავადაც "სუხიშვილების" მოცეკვავეა, ქორწილი სავსე იყო ქართული ცეკვით, მუსიკითა და გართობით. ქორწილს უამრავ სხვა ცნობილ სახესთან ერთად ნინო სუხიშვილიც ესწრებოდა.
როცა პირველად მომიყვანეს პირველი შვილი, 1990 წელი იყო. ვიყავი შოკში და მივხვდი, რომ ამას ვერ ვიზამდი ღმერთის დახმარების გარეშე. იცით, რას მივხვდი 19 წლის ასაკში? ღმერთის დახმარების გარეშე, უბრალოდ, გამორიცხულია, რომ ამხელა რაღაც შეძლო. ასევე, იმ მომენტში გავიაზრე, რა მაგრად ვყვარებივარ დედაჩემს. მეორე შვილი გაჩნდა 10 წლის შემდეგ, მაგრამ ზუსტად იგივე შეგრძნება განმეორდა, დავბრუნდი ათი წლით უკან და ზუსტად იგივე განცდა განმეორდა. მესამეზეც - იგივე და მეოთხეზეც - იგივე, მაგრამ უფრო და უფრო ძლიერი, იმიტომ, რომ ასაკის მატებასთან ერთად უკეთ იაზრებ, რამხელა ბედნიერებაა დედობა.