ვინ იყო ვიქტორ ჰიუგოს საყვარელი ქალი, რომელმაც მისი სიყვარულისთვის 50 წელი დილეგში გაატარა - Marao
ვინ იყო ვიქტორ ჰიუგოს საყვარელი ქალი, რომელმაც მისი სიყვარულისთვის 50 წელი დილეგში გაატარა
ვიქტორ ჰიუგო, ცნობილი ფრანგი პოეტი, რომანისტი და დრამატურგი, ყველაზე ცნობილია თავისი ნაწარმოებებით Les Misérables და Hunchback of Notre-Dame. მიუხედავად ამისა, პირადი ცხოვრება, განსაკუთრებით მისი ღრმა და მტკიცე ურთიერთობა ჟულიეტ დრუესთან, რჩება მისი მემკვიდრეობის განუყოფელ ნაწილად. მათი სიყვარულის ისტორია, რომელიც ორმოცდაათ წელზე მეტ ხანს გაგრძელდა, ვნებიანი და რთული იყო. გამოირჩეოდა ერთგულებით, განცალკევებით და ღრმა მხატვრული და ემოციური კავშირების გაზიარებით.
ადრეული წლები
ვიქტორ ჰიუგო დაიბადა 1802 წლის 26 თებერვალს საფრანგეთში, ბეზანსონში. ჰიუგოს ადრეული წლები აღინიშნა ნაპოლეონის ომების შედეგად გამოწვეული არასტაბილურობით. მიუხედავად ამ გამოწვევებისა, გამოავლინა ლიტერატურის ადრეული ნიჭი. პატარა ასაკში დაიწყო პოეზიის წერა და პოპულარობა მოიპოვა თავისი პოეზიის კრებულებით, მოგვიანებით კი ფრანგული რომანტიზმის გამორჩეული ფიგურა გახდა.
1806 წლის 10 აპრილს დაბადებული ჟულიეტ დრუეტი ჰიუგოზე ოთხი წლით უმცროსი იყო. ის იყო საშუალო ფენის ოჯახის ქალიშვილი იყო და თავდაპირველად მკერავად მუშაობდა. ადრეულ ასაკში შეუერთდა ფრანგულ თეატრალურ დასს Comédie-Française-ში, სწორედ თეატრში ყოფნის დროს გაიცნო ვიქტორ ჰიუგო 1833 წელს.
ურთიერთობა
ჟულიეტ დრუესა და ვიქტორ ჰიუგოს ურთიერთობა 1833 წელს დაიწყო და მწერლის, როგორც საფრანგეთის ერთ-ერთი ლიტერატურული გიგანტის მზარდი რეპუტაციის ფონზე განვითარდა. იმ დროს ჰიუგო იყო დაქორწინებული ადელ ფუშერზე, რომელთანაც რამდენიმე შვილი ჰყავდა. თუმცა, ქორწინება დაძაბული იყო.
რომანტიზმითა და მძაფრი ემოციებით ცნობილი ჰიუგო ჯულიეტას სილამაზითა და ნიჭით იყო გატაცებული. თავის მხრივ, ჯულიეტას ჰიუგოს ინტელექტი და ქარიზმა იზიდავდა.
ჟულიეტ დრუესა და ვიქტორ ჰიუგოს შორის ურთიერთობის ერთ-ერთი ყველაზე თვალსაჩინო ასპექტია მათ მიერ გაცვლილი წერილები. ამ წერილების მეშვეობით ჩვენ შეგვიძლია მოწმენი გავხდეთ მათი ემოციური კავშირის.
დიდი შემოსავლის მიუხედავად ვიქტორ ჰიუგო ჟულიეტ დრუეს მატერიალურად არ ეხმარებოდა. 1834 წელს ქალმა მთელი თავისი გარდერობი დაალომბარდა და უბრალო სამოსით დადიოდა. როცა, ბოლოს და ბოლოს, საყვარელს უთხრა, რომ სიღარიბეში იხრჩობოდა, მწერალმა ის გამოძალვაში დაადანაშაულა! ჰიუგო ქალს არც როლის მიღებაში დახმარებია. ბოლოს, როცა კრედიტორებმა სახლიდან გამოაგდეს, ქალს თავის მოკვლა უნდოდა. რომ დაემშვიდებინა, მწერალი მასთან ერთად საფრანგეთში სამოგზაუროდ გაემგზავრა.
უკან დაბრუნების შემდეგ ჟულიეტმა ახალი ცხოვრება დაიწყო! ჰიუგომ პატარა ბინა უქირავა, სანაცვლოდ კი უარი უნდა ეთქვა ძვირფას ნივთებზე, სამკაულებზე... ქუჩაში ჰიუგოს გარეშე გასვლის უფლებაც კი არ ჰქონდა.
1843 წელს, ჰიუგო მეუღლემ მიატოვა. ამან გამოიწვია მასსა და ჯულიეტას შორის გაუცხოების პერიოდი. ამ დროის განმავლობაში, ჰიუგო რამდენიმე სხვა ქალთან იყო ურთიერთობაში, მაგრამ ჯულიეტა სიცოცხლის ბოლომდე მისი ერთგული დარჩა.
"მიყვარხარ, მიყვარხარ, ჩემო ვიქტორ, არ შემიძლია ეს სიტყვები მუდამ არ ვიმეორო. როგორ მიჭირს იმის ახსნა, თუ რას ვგრძნობ. ჩემ გარშემო არსებულ ყველა მშვენიერებაში შენ გხედავ, მაგრამ შენ კიდევ უფრო სრულყოფილი ხარ... შენ უბრალოდ შვიდსხივიანი მზის სპექტრი არ ხარ, შენ თავად მზე ხარ, რომელიც ანათებს, ათბობს და სიცოცხლეს აღორძინებს. ეს ყველაფერი შენ ხარ, მე კი მორჩილი ქალი ვარ, რომელიც გაღმერთებს".
წერილები
"მე არ შემიძლია შენს გარეშე ცხოვრება, ჯულიეტა. შენი ყოფნა ჩემი ძალაა, შენი ღიმილი - ჩემი მზე. შენს გარეშე ჩემი ცხოვრება არასრულია, ბნელი და ჩუმი სიცარიელეა. ისე მჭირდები, როგორც ჰაერი.
ჩემი ფიქრები ყოველთვის შენთანაა, მძინავს თუ მღვიძავს. შენ ხარ ჩემი გული, ჩემი სულის გამოძახილი. როცა შენთან არ ვარ, თითქოს სამყარო გაჩუმებულია.. შენ იყავი ჩემი თანამგზავრი, ჩემი მუზა და ჩემი ძალა მთელი ამ წლების განმავლობაში. შენ ჩემი ნაწილი ხარ და არასოდეს დავივიწყებ იმ სიყვარულს, რომელიც მომეცი."
...
"ჩემო ძვირფასო ვიქტორ, მე აქ ვარ, ველოდები შენს დაბრუნებას. ყოველი წამი შენს გარეშე მარადისობაა. ჩემი გული მხოლოდ შენთვის ცემს და სხვაში სიხარულს ვერ ვპოულობ. შენ ჩემი სინათლე ხარ. სადაც არ უნდა წახვიდე, შენი ერთგული ჩრდილი ვიქნები.
ვიცი, რომ შენი გული სამყაროთია სავსე, მაგრამ ჩემი გული მხოლოდ შენთვის სცემს. მე შენს სიყვარულს შევწირე ყველაფერი და ამას ისევ უყოყმანოდ გავაკეთებდი. რაც არ უნდა მოხდეს ჩვენს შორის, შენი ვრჩები."