უკვე ცნობილია, რომ ევროვიზია 2025 წელს 13, 15 და 17 მაისს გაიმართება. მასპინძელი ქვეყანა წელს შვეიცარიაა, რომლის წარმომადგენელმაც, Nemo-მ სიმღერით The Code 2024 წელს კონკურსის მოგება შეძლო.
კონკურსში მონაწილეობას მიიღებენ: საქართველო, ალბანეთი, სომხეთი, ავსტრალია, ავსტრია, აზერბაიჯანი, ბელგია, ხორვატია, კვიპროსი, ჩეხეთი, დანია, ესტონეთი, ფინეთი, საფრანგეთი, გერმანია, საბერძნეთი, ისლანდია, ირლანდია, ისრაელი, იტალია, ლატვია, ლიეტუვა, ლუქსემბურგი, მალტა, მოლდოვა, მონტენეგრო, ნიდერლანდები, ნორვეგია, პოლონეთი, პორტუგალია, სან მარინო, სერბეთი, სლოვენია, ესპანეთი, შვედეთი, შვეიცარია, უკრაინა და დიდი ბრიტანეთი.
ეს კითხვა უკვე რამდენიმე კვირაა აქტიურად ტრალებს ქართულ სოციალურ ქსელებში. რამდენიმე გამოკვეთილი კანდიდატიც დასახელდა - ნინი ბრეგვაძე, თათია კობალაძე, ბარბარა სამხარაძე... თუმცა, ბარბარა სამხარაძემ თავად განმარტა, რომ წელს კონკურსისთვის მზად არ არის - არც სიმღერა დაუწერია და არც გაუგზავნია. ნინი ბრეგვაძემ და თათია კობალაძემ კი გულშემატკივრებს შესარჩევ ეტაპზე მონაწილეობის შესახებ ინფორმაცია გაუზიარეს.
ამჯერად თათია კობალაძე საკუთარ გვერდზე ვიდეოს აქვეყნებს, სადაც ამბობს, რომ წინასწარ იტყვის, ვინ წარადგენს საქართველოს ევროვიზიაზე 2025 წელს - მარიამ შენგელია სიმრერით "ანა-ბანა".
ეს ინფორმაცია ოფიციალურად დადასტურებული არ არის.
მომღერალი მარიამ შენგელია საზოგადოების ყურადღების ცენტრში წლების წინ მუსიკალური კონკურსებიდან მოექცა და მას შემდეგ აქტიური კარიერა აქვს: "მთელი ცხოვრებაა, ვმღერი. მიუხედავად იმისა, რომ ოჯახში მომღერალი არავინ მყავს, ჩემმა ოჯახის წევრებმა შეამჩნიეს, რომ მუსიკალური მონაცემები მქონდა და ხუთი წლის ასაკში სიმღერაზე შემიყვანეს. ბავშვობიდანვე ძალიან ბევრი კონცერტი მქონდა. მშობლების დაჟინებული თხოვნით გამოვედი კონკურსში. პირველი კონკურსი „X ფაქტორი“ იყო. ფილარმონიის სცენაზე, ამხელა აუდიტორიის წინაშე პირველად წარვდექი. ძალიან დიდი სტრესი იყო, თუმცა, იმავდროულად, ძალიან დიდი ბედნიერება. სცენაზე რომ დავდექი და ხმა ამოვიღე, ზუსტად მაშინ მივხვდი, რომ იქ ვიყავი, სადაც მინდოდა, მთელი ცხოვრება ვყოფილიყავი და ასე გრძელდება დღემდე. ამის შემდეგ იყო პროექტი „საქართველოს ვარსკვლავი“. ორივეს ფინალისტი ვარ. დღეს მყავს ბენდი „მიქსტურა“, რომელთან ერთადაც მართლა უამრავი კონცერტი მაქვს", - ამბობდა მარიამ შენგელია.
ცოტა ხნის წინ მარიამ შენგელია მონაწილეობას იღებდა "ცეკვავენ ვარსკვლავებში", სადაც ფინალურ ეტაპამდე მისვლა შეძლო, თუმცა გამარჯვება მსახიობმა ნანა სტამბოლიშვილმა მოიპოვა.
თათია კობალაძე, გოგონა, რომელიც საქართველოში არაერთ კონკურსზე დაიწუნეს, უკვე წლებია წარმატებულად ასპარეზობს სხვა ქვეყნის კონკურსებში.
თათია კობალაძე, ევროვიზიის განაცხადამდე 14 ლაივი ჰქონდა ყაზახეთის „ორ ვარსკვლავში“, სადაც მსგავსი პრეცედენტი იქამდე არ ყოფილა, რომ სხვა ეროვნების მომღერალი საკუთარი ქვეყნის ვარსკვლავად წარედგინათ. 16 წყვილში თათია ერთადერთი უცხოელი იყო. სწორედ იმ პერიოდში იგრძნო თავი ცუდად, როდესაც საქართველო-ყაზახეთი დაფრინავდა.
ვრცელ ინტერვიუში მომღერალი გვიყვება მოულოდნელ დიაგნოზზე, მკურნალობის გზასა და იმ ბრძოლაზე, რომელსაც ახლა გადის ევროვიზიამდე მისასვლელ გზაზე...
- შემოდგომაზე ყაზახურ „ორ ვარსკვლავში“ ვმონაწილეობდი, ხშირად მიწევდა ორ ქვეყანას შორის ფრენა. ნახევარფინალიდან საკუთარ თავს უცნაური რაღაცები შევატყვე, რასაც გადაღლილობას ვაბრალებდი. ფაქტობრივად არ მეძინა კონკურსის პერიოდში, სამი თვე სულ დავფრინავდი, რთული გრაფიკი მქონდა. არსებობენ, კონკურსის მომღერლები და ჩვეულებრივი მომღერლები, მე კონკურსის მომღერალი ვარ. ერთ დილას რომ გავიღვიძე, ყურიდან სისხლი წამომივიდა, ფრენისას იყო კიდევ ასეთი შემთხვევა როდესაც აეროპორტში, გაფრენამდე ცუდად გავხდი. რეისი გაჩერდა და სასწრაფო დახმარება გამოიძახეს. ექიმებმა საქართველოდან გაფრენა ამიკრძალეს, მაგრამ მაშინ ფინალი მქონდა ყაზახეთში და ვთქვი, რომ აუცილებლად უნდა წავსულიყავი. იქ რომ ჩავფრინდი, უკვე კარგად ვიყავი. იმდენად მიყვარს ჩემი საქმე რომ ამ სიმპტომებს ყურადღებასაც არ ვაქცევდი...გაგრძელება