ჰელენ კელერის წარმოუდგენელი ისტორია - ქალი, რომელმაც ყველაზე დიდი გამოწვევა დაამარცხა - Marao

ჰელენ ადამს კელერი დაიბადა 1880 წლის 27 ივნისს ტუსკუმბიაში, ალაბამაში. 19 თვის ასაკში გადატანილმა დაავადებამ იგი ბრმა და სმენადაქვეითებული დატოვა. მოვლენა, რომელმაც მისი ცხოვრება მთლიანად შეცვალა. 

ჰელენის დაავადების ზუსტი მიზეზი გაურკვეველი რჩება, მაგრამ ითვლება, რომ ეს იყო ცხელება ან მენინგიტი. დაავადებამ მას ორი ყველაზე მნიშვნელოვანი გრძნობა წაართვა და სიბნელისა და დუმილის სამყაროში დატოვა. ექიმები მშობლებს ურჩევდნენ, რომ ბავშვი იზოლაციაში გაეზარდათ. თუმცა ჰელენის დედა ამის წინააღმდეგი იყო.

ოჯახმა დახმარებისთვის ალექსანდრე გრაჰამ ბელს მიმართა, რომელმაც კელერების ოჯახს 20 წლის მასწავლებელი, ენ სალივანი გააცნო. 

ენ სალივანი

ახალგაზრდა მასწავლებელი კელერების სახლში 1887 წელს მივიდა. ანა, ნაწილობრივ, თავადაც მხედველობადაქვეითებული იყო და ჰელენთან საკომუნიკაციოდ ინოვაციურ ტექნიკას იყენებდა. ის სიტყვებს ბავშვის ხელზე წერდა. გარდამტეხი მომენტი მაშინ დადგა, როდესაც ანამ ჰელენის ხელზე სიტყვა „w-a-t-e-r“ (წყალი) დაწერა და ამავდროულად, ხელზე წყალი დაასხა. ჰელენმა ეს შეგრძნება სიტყვასთან დააკავშირა... 

მან ბრაილის შრიფტის კითხვა და საბეჭდი მანქანით წერა ისწავლა. საბოლოოდ, შეხების გრძნობას იყენებდა ხალხის ხმის ვიბრაციის წასაკითხად.

• გარდაცვალების შემდეგ გაირკვა, რომ ცნობილი ქირურგი სინამდვილეში ქალი იყო: ჯემზ ბარის საიდუმლო 

• "ვგრძნობ, რომ ჭკუიდან ისევ ვიშლები. ვხვდები, რომ კიდევ ერთ ასეთ საშინელ პერიოდს ვეღარ გადავიტანთ" - ვირჯინია ვულფის უკანასკნელი წერილი 

განათლება

1894 წელს, 14 წლის ასაკში, ჰელენი ბოსტონის პერკინსის უსინათლოთა სკოლაში ჩაირიცხა, ამ დროის მანძილზე ენ სალივანი მის გვერდით იყო.  ელენეს აკადემიური მოგზაურობა სავსე იყო გამოწვევებით, მაგრამ გადაწყვეტილი ჰქონდა წარმატების მიღწევა. გამოირჩეოდა ისეთ საგნებში, როგორიცაა ინგლისური, ისტორია და გეოგრაფია...

1900 წელს ჰელენი რედკლიფის კოლეჯში ჩაირიცხა და სმენისა და მხედველობის არმქონე პირველი ადამიანი გახდა, რომელმაც 1904 წელს ხელოვნების ბაკალავრის ხარისხი მიიღო. კოლეჯში სწავლის პერიოდში მან თავისი ავტობიოგრაფია – The Story of My Life – დაწერა. 

• "ყოველთვის ასე იყო. როგორც კი სიმართლეს ეტყოდი, მაშინვე შეგიძულებდნენ" - ელიფ შაფაქი 

რედკლიფის დამთავრების შემდეგ, ჰელენი გახდა შეზღუდული შესაძლებლობის მქონე ადამიანების ადვოკატი. მას სჯეროდა, რომ ინვალიდობა არ უნდა განსაზღვრავდეს პიროვნების ღირსებას და რომ შეზღუდული შესაძლებლობის მქონე პირებს შეეძლოთ მდიდარი, სრულფასოვანი ცხოვრებით ეცხოვრათ. 

ჰელენ კელერი გარდაიცვალა 1968 წლის 1 ივნისს, 87 წლის ასაკში. მისი მემკვიდრეობა კვლავ შთააგონებს მილიონებს მთელს მსოფლიოში. იგი მაგალითია იმისა, რომ უდიდესი უბედურების პირობებშიც კი, ადამიანის სულს შეუძლია გაიმარჯვოს. 

ჰელენის დამსახურებების გამო, 1980 წლიდან მოყოლებული, მისი დაბადების დღე მთელ მსოფლიოში შეზღუდვების მქონე ადამიანების მხარდაჭერის დღედ, კვირა კი – კვირეულად აღინიშნება.

„ნურასოდეს შეეგუები მიწაზე ხოხვას, რადგან ცაში ნავარდისთვის ხარ გაჩენილი!“