"მისით ყოველდღე ვამაყობ. ვფიქრობ, ის უბრალოდ ჯადოსნური ადამიანია" - ცნობილი მსახიობი შვილის დაავადებაზე - Marao
"მისით ყოველდღე ვამაყობ. ვფიქრობ, ის უბრალოდ ჯადოსნური ადამიანია" - ცნობილი მსახიობი შვილის დაავადებაზე
ირლანდიელმა მსახიობმა, კოლინ ფარელმა სახელი ჰოლივუდის ფილმებში მონაწილეობით გაითქვა. „ალექსანდრე“, „ტელეფონის ჯიხური“, „განსაკუთრებული აზრი“, „ახალბედა“ - ეს კოლინის ფილმოგრაფიის მცირე ჩამონათვალია.
კოლინ ფარელი 1976 წლის 31 მაისს, დუბლინში, პროფესიონალი ფეხბურთელის ოჯახში დაიბადა.
ახალგაზრდობაში ფარელი საკმაოდ რთული ხასიათით გამოირჩეოდა - სწავლის მაგივრად მეგობრებთან ხეტიალს ამჯობინებდა, ეწეოდა მარიჰუანას და ქურდობდა კიდეც. 17 წლის ასაკში ის სკოლიდან გააგდეს მასწავლებელთან ჩხუბის გამო, რომელმაც გაკვეთილზე მძინარე კოლინი შენიშნა და კლასის დატოვება მოსთხოვა, მომავალმა მობოდიშების მაგივრად, მასწავლებელს ფიზიკური შეურაცხყოფა მიაყენა. ამ ინციდენტის შემდეგ კოლინი ერთი წლით მეგობრებთან ერთად ავსტრალიაში გაემგზავრა.
კოლინ ფარელის შვილი
კოლინ ფარელის შვილს, ჯეიმსს, ანგელმანის სინდრომი აქვს. მსახიობმა საკუთარი საქველმოქმედო ფონდი ამ დაავადების მქონე ადამიანებს დაუთმო და მკურნალობასა და სხვა საჭირო პროცედურებში ეხმარება.
ანგელმანის სინდრომი იშვიათი ნეირო-გენეტიკური დარღვევაა, რომელიც ძირითადად ნერვულ სისტემაზე მოქმედებს და მძიმე ფიზიკურ და ინტელექტუალურ შეზღუდულობას იწვევს.
"ამ თემაზე პირველად ვსაუბრობ. ჯეიმსს ვერ ვკითხავ, სურს თუ არა ამის გაკეთება. მე მას ისე ვესაუბრები, თითქოს ის 20 წლისაა, სრულყოფილად ფლობს ინგლისურს და მისი ასაკისათვის შესაბამის სხვა შემეცნებით უნარებს. მაგრამ, ვიცი, რომ მისგან პასუხებს ვერაფერზე მივიღებ.
"მისით ყოველდღე ვამაყობ. ვფიქრობ, ის უბრალოდ ჯადოსნური ადამიანია.
დიაგნოზის გაგების მომენტის გახსენებისას ფარელმა თქვა: "მახსოვს პირველი ორი კითხვა, რომლებიც დავსვი, იყო, "რამდენია სიცოცხლის ხანგრძლივობა და რამდენად მტკივნეულია? ექიმმა თქვა, "სიცოცხლის ხანგრძლივობა, რამდენადაც ვიცით, ისეთივეა, როგორც თქვენთვის და ჩემთვის, ხოლო ტკივილი არ არის." - ამბობს კოლინ ფარელი.
ანგელმანის სინდრომით დაავადებულებს ახასიათებთ ხშირი სიცილი და უჩვეულოდ მხიარული, აქტიური ბუნება. უკონტროლო სიცილის გამო აღნიშნულ დაავადებას "ბედნიერი თოჯინების სინდრომს" უწოდებენ. სახელწოდება იმ პედიატრის პატივსაცემად შეერქვა, რომელმაც სინდრომი პირველმა გამოიკვლია.