78 წლის ადრიანო ჩელენტანოს ფოტომ გულშემატკივრები გააოცა: რას წერენ ლეგენდარული იტალიელის შესახებ - Marao
87 წლის ადრიანო ჩელენტანოს ფოტომ გულშემატკივრები გააოცა: რას წერენ ლეგენდარული იტალიელის შესახებ
"ამ ფოტოზე ადრიანო ჩელენტანოა გამოსახული. ადამიანი, მომღერალი, იტალიის ისტორიის ნაწილი. კაცი, რომელმაც აგვაცეკვა, გაგვაცინა, თავი შეგვაყვარა...
არიან ისეთებიც, ვინც დღეს ამ სურათს უყურებენ და ამბობენ: "როგორ დაბერდა!"
ჩელენტანო 87 წლისაა. აქვს ნაოჭები, თეთრი თმა, დაღლილი გამომეტყველება... მაგრამ მან წარუშლელი კვალი დატოვა მილიონობით იტალიელის ცხოვრებაში.
ჩვენ ვცხოვრობთ სამყაროში, რომელსაც სურს, რომ ყველა იყოს ახალგაზრდა, ლამაზი, სრულყოფილი. მაგრამ ნამდვილ ხელოვნებას არ სჭირდება სახის გადაკეთება. მას პატივისცემა სჭირდება.
ჩელენტანო ყველა ჩვენგანის ბაბუაა. ვერავინ ვერასდროს გაბედავს ბაბუას უთხრას: "შენ ძალიან ბებერი ხარ". რადგან კარგად ვიცით, რომ ნაოჭებში არის ისტორია, თეთრ თმაში არის გამოცდილება, სიჩუმეში არის სიღრმე.
მადლობა, ადრიანო. თქვენ უბრალოდ მომღერალი არ ხართ. თქვენ ხართ იტალიის მემკვიდრეობა" - წერს სოციალურ ქსელის მომხმარებელი სოციალურ ქსელში და ლეგენდარული მომღერლის ფოტოს აქვეყნებს.
ადრიანო ჩელენტანო
ადრიანო ჩელენტანო დაიბადა ქ. მილანში, მისი მშობლები წარმოშობით ფოჯადან იყვნენ. მათ იტალიის ჩრდილოეთით გადასახლება გადაწყვიტეს, სამუშაოს გამო.
ცნობილი ვარაუდის თანახმად, მომღერლის კარიერამდე ჩელენტანო ეცნობოდა სასცენო ცხოვრებას ევროპული როკის პიონერის, გიგო აგოსტის საზოგადოებაში.
ჩელენტანო ელვის პრესლისა და 1950-იანი წლების როკ-რევოლუციის გავლენის ქვეშ მოექცა. 40 წლის მანძილზე იგი მშობლიურ ქვეყანაში უდიდესი პოპულარობით სარგებლობდა, რასაც ასევე ხელს უწყობდა კომედიურ ფილმებში როლების განსახიერება. მაყურებელმა შეიყვარა მისი სახის გამომეტყველებები და ქცევები.
ყველამ არ იცის, რომ ჩელენტანოს მხოლოდ დაწყებითი განათლება აქვს მიღებული. 12 წლის ასაკში უკვე საათების სახელოსნოში მუშაობდა, სხვადასხვა დავალებებს ასრულებდა და ნელ-ნელა მომავალ პროფესიას ეუფლებოდა.
ბავშვობიდანვე გატაცებული იყო მუსიკით. გამუდმებით მღეროდა და ალბათ მესაათე გახდებოდა, ერთ დღესაც რომ არ მოესმინა როკ-ენ-როლი. პირველივე ხმებიდან ამ მუსიკალურმა სტილმა მოხიბლა ახალგაზრდა და მან საკუთარ თავს პირობა დადო, რომ როკ ჯგუფში შევიდოდა იგივე სიმღერების სამღერად.
ჩელენტანოს ოცნება ახდა, ის გახდა Rock Boys-ის სოლისტი, რომელმაც 1957 წელს იტალიის როკ-ენ-როლის ფესტივალზე პირველი ადგილი მოიპოვა.
ჩელენტანოს დისკოგრაფია 40 ალბომს მოიცავს. მათ შორის არის 29 სტუდიური, სამი ცოცხალი და რვა კომპილაციური დისკი. მომღერლის ყველაზე ცნობილი სიმღერებია „La coppia piu' bella del mondo“, რომელიც მილიონზე მეტი ასლის ოდენობით გაიყიდა; „Azzurro“ (1968), პაოლო კონტეს ტექსტით და „Prisencolinensinainciusol“ (1972).
ადრიანო ყოველთვის ამბობდა, რომ ის მსახიობი კი არა, მომღერალი იყო. მისი სიმღერების უცხოელი მსმენელები, რომლებმაც იტალიური არ იციან, ბევრს კარგავენ, არ ესმით სიტყვები და ტკბებიან მხოლოდ მუსიკით და მომღერლის თავისებური ხმით. მაგრამ ჩელენტანო დიდ მნიშვნელობას ანიჭებდა და ანიჭებს ტექსტს. მისი ყველა კომპოზიცია მოგვითხრობს დიდ სიყვარულზე, უბრალო ადამიანების მძიმე ცხოვრებაზე, ბუნების დაცვაზე... და ჩერნობილის კატასტროფაზეც კი.