მსოფლიო აალაპარაკეს: დევა კასელი შეყვარებულთან ერთად საკუთარი ფილმის პრემიერაზე გამოჩნდა - Marao
მსოფლიო აალაპარაკეს: დევა კასელი შეყვარებულთან ერთად საკუთარი ფილმის პრემიერაზე გამოჩნდა
დევა კასელმა სერიალში "ლეოპარდი" ერთ-ერთი მთავარი როლი შეასრულა. აღსანიშნავია, რომ ეს დევა კასელის ერთ-ერთი პირველი სერიოზული როლია. იქამდე მსახიობი და მოდელი სხვადასხვა პროექტში მხოლოდ მეორეხარისხოვან როლებს ასრულებდა.
სერიალი ჯუზეპე ტომასი დი ლამპედუზას ამავე სახელწოდების კლასიკურ რომანს ეფუძნება. მოქმედება მე-19 საუკუნის სიცილიაში ისტორიული და სოციალური აჯანყების ფონზე ვითარდება.
აღსანიშნავია, რომ სერიალში დევას პარტნიორობას თავისი შეყვარებული, სოლ ნანნი უწევს.
”წიგნის ნახევარი დიდი ხნის წინ მქონდა წაკითხული, ფილმის ნაწილები მქონდა ნანახი, მაგრამ ძალიან ახალგაზრდა ვიყავი და იცით, ამ ასაკში ძნელია ყველა ქვეტონის, ცნების გაგება. ასე რომ, როცა ანჟელიკას როლი შემომთავაზეს, ჩემთვის ეს შესანიშნავი შესაძლებლობა იყო. გადაღებები 6 კვირის განმავლობაში მიმდინარეობდა, მაგრამ რამდენიმე კვირის შემდეგ, რამდენიმე კვრის შემდეგ პერსონაჟის აზრებისა და მოქმედების გაანალიზება დავიწყე...
ჩემთვის, როგორც მსახიობისთვის, ეს იყო საშუალება, მეჩვენებინა ყველა განსხვავებული ემოცია და მდგომარეობა" - განაცხადა დევამ ინტერვიუში საუბრისას.
დევა კასელი
მონიკა ბელუჩისა და ვენსან კასელის ქალიშვილი, რომელიც 2004 წლის 12 სექტემბერს რომში დაიბადა, ნამდვილად მზადაა დედის გზა ღირსეულად გააგრძელოს.
მას ჰყავს უმცროსი და, ლეონი და უმცროსი ნახევარდა, ამაზონი, მამისა და მისი ახალი მეუღლის, თინა კუნაკის ქალიშვილი. დევა გაიზარდა იტალიაში, მაგრამ მშობლებთან ერთად ევროპაში ბევრს მოგზაურობდა. ბოლო დროს კი პარიზში ცხოვრობს. დევა თავისუფლად ფლობს სამ ენას: იტალიურს, ფრანგულს და ინგლისურს. გოგონა უმეტესად სამოდელო კარიერაზეა ორიენტირებული. განსაკუთრებით თბილი ურთიერთობა აქვს იტალიურ ბრენდთან Dolce & Gabbana, რომლის სახე ოდესღაც დედამისი, მონიკა ბელუჩი იყო. დევა სამსახიობო კარიერის დაწყებასაც გეგმავს. ცნობილია, რომ მან უკვე მიიღო პირველი როლი იტალიელი რეჟისორის, ლაურა ლუჩეტის დრამაში „ლამაზი ზაფხული“.
დევა კასელი 15 წლის იყო, როცა მოდელ ლუკა სალანდრასთან ურთიერთობა დაიწყო. შეყვარებულები სულ ცოტა ხნის წინ დაშორდნენ და დევამ ახალი სიყვარულის პოვნა უკვე შეძლო - მისი ახალი რჩეული მსახიობი საულ ნანია. საულის მონაწილეობით ყველაზე ცნობილი ფილმია Under the Riccione Sun.