ქორწილიდან 8 თვეში ბექა ხოფერია ახალ რჩეულთან ერთად გამოჩნდა: 3 ქორწინება, 4 შვილი და რომანი ნუცა ადამიასთან - Marao

ბექა ხოფერია არის ქართველი ბიზნესმენი, დეველოპერული კომპანია "Apart Group"-ის დამფუძნებელი და თავმჯდომარე. კომპანია 2019 წელს დაარსდა და სწრაფად მოიპოვა წარმატება საქართველოს უძრავი ქონების ბაზარზე.  ბექა ხოფერია ასევე არის საქველმოქმედო მოძრაობა "SGSS"-ის თანადამფუძნებელი და საქართველოს ბიზნეს ასოციაციის წევრი. მიუხედავად პროფესიული საქმიანობის მრავალფეროვნებისა, ბექა ხოფერია ფართო საზოგადოებაში განხილვის ობიექტი  ოჯახისა და პირადი ცხოვრების გამო არაერთხელ გამხდარა. 

ბექა ხოფერიას ოჯახი 

ბექა ხოფერიას დედ საზოგადოებისთვის კარგად ცნობილი ფიგურა, ხათუნა ხოფერიაა. ხათუნა (ნინო) ხოფერია არის ქართველი პოლიტიკოსი, რომელიც დაიბადა 1962 წლის 29 აგვისტოს თბილისში. მან 1985 წელს დაამთავრა საქართველოს ზოოტექნიკურ-სავეტერინარო სასწავლო-კვლევითი ინსტიტუტი და მუშაობდა ზოოლოგიის ინსტიტუტში. 1993 წელს შეუერთდა პარტია "საქართველოს მოქალაქეთა კავშირს" და 1994 წელს დაინიშნა პარტიის პრესსამსახურის უფროსად. 1995-2004 წლებში იყო საქართველოს პარლამენტის წევრი, სადაც სხვადასხვა პოზიციებზე მუშაობდა, მათ შორის საპროცედურო საკითხებისა და წესების კომიტეტის თავმჯდომარის პირველ მოადგილედ. 2002-2005 წლებში იყო პარტია "გაერთიანებული დემოკრატების" წევრი. დღეს ხათუნა ხოფერია აქტიურად მონაწილეობს საზოგადოებრივ ცხოვრებაში და ხშირად გამოხატავს თავის მოსაზრებებს მიმდინარე პოლიტიკურ და სოციალურ საკითხებზე.​

• "მადლობა ღმერთს, არიან ჩემი შვილების ცოლები მრავლად და აღმოჩნდა, რომ კარგები არიან" - ხათუნა ხოფერია ყოფილ რძლებთან ურთიერთობის შესახებ 

რაც შეეხება ბექა ხოფერიას მამას, ის ვლადიმერ ხოფერიაა. ხათუნა ხოფერია 19 წლის ასაკში დაქორწინდა ვლადიმერ ხოფერიაზე, რომელთანაც 18 წელი იცხოვრა და ორი ვაჟი, რევაზი და ბექა, ჰყავს.

„რო­დე­საც და­ო­ჯა­ხე­ბა გა­დავ­წყვი­ტეთ, ჩემი თხოვ­ნით, მო­მა­ვა­ლი მა­მამ­თი­ლის მა­მი­დას­თან წა­ვე­დით, რომ ჩვე­ნი გე­ნე­ა­ლო­გია გაგ­ვერ­კვია. მა­მი­და სო­ფელ შხეფ­ში ცხოვ­რობ­და, იქ სამი დღე გა­ვა­ტა­რეთ და გა­ვარ­კვი­ეთ, რომ ჩვე­ნი გვა­რი სხვა­დას­ხვა შტოს ეკუთ­ვნო­და და ნა­თე­სა­ვე­ბი არ ვი­ყა­ვით. ოქ­ტომ­ბერ­ში გა­ვი­პა­რეთ, არა­ვის­თვის აღარ გაგ­ვი­წე­ვია ან­გა­რი­ში“, - იხსენებდა ხათუნა ხოფერია.

ხათუნასა და ვლადიმერის გაპარვას ოჯახი ნეგატიურად შეხვდა - ახალდაქორწინებულებს არ ელაპარაკებოდნენ:

„მე და ვოვა ლა­მა­ზი წყვი­ლი ვი­ყა­ვით და ყვე­ლამ იცო­და, რომ ძა­ლი­ან გვიყ­ვარ­და ერ­თმა­ნე­თი. ვო­ვას ერთი მე­გო­ბა­რი ჰყავ­და, გი­ორ­გი მა­მა­ცაშ­ვი­ლი, რო­მე­ლიც წყნეთ­ში ყოფ­ნი­სას, 7 ნო­ემ­ბრის დი­ლას თავ­ზე დაგ­ვად­გა და გოჭი ამოგ­ვი­ტა­ნა. სას­წრა­ფოდ თონე გა­ვა­ხუ­რეთ და შევწვით. მა­გი­დას­თან რომ დავ­სხე­დით, გვი­თხრა, სახ­ლი­დან მო­ვი­პა­რეო“, - ამბობდა ის. 

საბოლოოდ, ხათუნა და ვლადიმერი 18-წლიანი ქორწინების შემდეგ ერთმანეთს დაშორდნენ, თუმცა შეინარჩუნეს მეგობრული ურთიერთობა. 

ბექა ხოფერიას ქორწინებები

ბექა ხოფერიას პირადი ცხოვრება საკმაოდ მრავალფეროვანია. მისი პირველი მეუღლე იყო მომღერალი თიკა ჯამბურია, რომელთანაც ქალიშვილი, ნინა, ჰყავს. მათი ურთიერთობა დასრულდა გარკვეული დროის შემდეგ. ამ განშორების შესახებ საჯაროდ თიკა ჯამბურია ხშირად საუბრობდა და ამბობდა, რომ მეუღლესთან განქორწინება მტკივნეულად გადაიტანა, თუმცა თიკა და ბექა დღემდე ინარჩუნებენ მეგობრულ ურთიერთობას და ქალიშვილის აღზრდაში ორივე ჩართულია. 

• ბექა ხოფერიას სამი ქორწინება და მე-4 შვილი - ახალგაზრდა ბიზნესმენის წარმატებული საქმიანობა და პირადი ცხოვრება 

მეორე ქორწინება ბექა ხოფერიამ 2015 წელს ასირიელ გოგონაზე, ინა ოსიპოვაზე გააფორმა. წყვილს 2016 წლის შვილის შეეძინა, თუმცა ისინი ერთმანეთს დაშორდნენ. 

მოგვიანებით ცნობილი გახდა, რომ ბექა ხოფერიას რომანი სოფო ქურდიანთან ჰქონდა, მათ ორი შვილი ჰყავთ, ქორწილი კი გასულ ზაფხულს იტალიაში გადაიხადეს. მიუხედავად რეზონანსული ქორწილისა, წყვილი ერთმანეთს დაშორდა და სულ ცოტა ხნის წინ ბექა ხოფერიამ კადრები მალდივებიდან გამოაქვეყნა, სადაც ახალ რჩეულთან, ნუცა ადამიასთან ერთად ისვენებს. 

ვინ არის ნუცა ადამია?

ნუცა ადამია საზოგადოებამ 2016 წელს გაიცნო, როდესაც ის ნიკუშა ალასანიაზე, საქართველოს თავდაცვის ყოფილი მინისტრის, ირაკლი ალასანიას ვაჟზე, დაქორწინდა. წყვილს 2016 წელს ქალიშვილი, თინათინი, შეეძინა. თუმცა, ნუცა ადამია და ნიკუშა ალასანია მოგვიანებით დაშორდნენ ერთმანეთს.

• "მე ბექა დღემდე მიყვარს... ცხოვ­რე­ბა არ წარ­მო­მედ­გი­ნა მის გა­რე­შე, ამი­ტომ იყო ჩემ­თვის გან­სა­კუთ­რე­ბუ­ლად რთუ­ლი მისი და­კარ­გვა..." - თიკა ჯამბურია ყოფილ ქმარზე

ბექა ხოფერია ყოფილ ცოლებთან კარგ ურთიერთობას ინარჩუნებს. თიკასთან, ინასა და სოფოსთან მეგობრობა აკავშირებს მის დედას, ხათუნა ხოფერიასაც: 

"მე თუ რძალს არ ვეყვარები, ჩემს შვილიშვილსაც არ ვეყვარები. თუ გვერდში არ დავუდგები, არც ჩემი შვილიშვილი დამიდგება გვერდით. ჩვენ უნდა გავცეთ და ვაჩვენოთ შვილებს ისეთი რამ, რაც მათ დაამახსოვრდებათ. პატიება უნდა იცოდნენ, სიყვარული. მადლობა ღმერთს, არიან ჩემი შვილების ცოლები მრავლად და აღმოჩნდა, რომ კარგები არიან, დიდი მადლობა მათ ასეთი დამოკიდებულებისთვის…“ - ამბობდა ხათუნა ხოფერია.