სვანური სილამაზე: თემურ ბაბლუანის შვილიშვილის გამოჩენა "შანელის" ჩვენებაზე - Marao

Models.com-ის ინფორმაციით, ახალგაზრდა მოდელი, ნასტასია ლეგრანმა კარიერა პარიზში,  Women Management Paris-დან დაიწყო. თანამშრომლობს ისეთ ცნობილ სამოდელო სააგენტოსთან, როგორიცაა Women Management Milan.

ცოტა ხნის წინ, ნასტასია პარიზის მოდის კვირეულზე, რამდენიმე ცნობილი ბრენდის ჩვენებაზე გამოჩნდა, ამჯერად კი ის "შანელის" ჩვენებაზეც ვიხილეთ:

ნასტასია ლეგრანი

ნასტასია ლეგრანი ყველასთვის კარგად ნაცნობი და საყვარელი ტელეწამყვანის, ოლგა ბაბლუანისა და ასევე ცნობილი ქართველი კინორეჟისორის, მსახიობის, მწერლისა და  სცენარისტის, თემურ ბაბლუანის შვილიშვილია.

• ორი ქორწინება, ცნობილი ოჯახი და კარიერა - ოლგა ბაბლუანის პორტრეტი 

ნასტასია საფრანგეთში, პარიზში ცხოვრობს, იქ სწავლობს და საქმიანობს, თუმცა დედასთან და დასთან ერთად ხშირად სტუმრობს საქართველოსაც. მისი დედა, ოლგა ბაბლუანი ამბობდა, რომ სურს, მის შვილებს ჩვენს ქვეყანასთან მჭიდრო კავშირი ჰქონდეთ: „ძა­ლი­ან მინ­და, რომ ჩემს შვი­ლებს სა­ქარ­თვე­ლოს­თან ჰქონ­დეთ ურ­თი­ერ­თო­ბა და არ და­კარ­გონ. ახლა სამი კვი­რით ვი­ყა­ვი პა­რიზ­ში წა­სუ­ლი და რომ ვბრუნ­დე­ბო­დი, ისე მეჩ­ქა­რე­ბო­და ჩა­მოს­ვლა, რომ ერთი სული მქონ­და, რო­დის ჩავ­ჯდე­ბო­დი თვითმფრი­ნავ­ში და ოთხ სა­ათ­ში თბი­ლის­ში ვიქ­ნე­ბო­დი. ჩემი შვი­ლე­ბის უფ­როა პა­რი­ზი, ნამ­დვი­ლი ფრან­გე­ბი არი­ან."

• "პირ­ვე­ლად კინო იქ ვნა­ხე, მთა­ში. კა­ლო­ზე გა­შა­ლეს... თეთ­რი ზე­წა­რი ჩა­მო­კი­დეს და ელო­დე­ბოდ­ნენ და­ღა­მე­ბას" - თემურ ბაბლუანი 

თემურ ბაბლუანი

 თემურ ბაბლუანის სახელის ხსენება, ალბათ, იმ წამსვე იწვევს ასოციაციებს ქართველი მკითხველისთვის საყვარელ წიგნთან „მზე, მთვარე და პურის ყანა“. ამ ნაწარმოებისთვის მან 2019 წელს  ლიტერატურული პრემია „საბა“ მიიღო წლის საუკეთესო ლიტერატურული დებიუტისთვის, თუმცა ეს გენიალური ხელოვანის არაჩვეულებრივი შემოქმედების მხოლოდ მცირე ნაწილია. თემურ ბაბლუანია ისეთი ცნობილი ფილმების რეჟისორი, როგორებიცაა: „უძინართა მზე“, „ძმა“, „ბეღურების გადაფრენა“... თავად გადაღებულია ფილმებში „ღიმილის ბიჭები“, „ცხოვრება დონ კიხოტისა და სანჩოსი“, ასევე, სატელევიზიო სპექტაკლში „კუკარაჩა“. 

• თემურ ბაბლუანის შვილიშვილის გასაოცარი წარმატებები: ვინ არის 20 წლის მოდელი, ნასტასია ლეგრანი 

თემურ ბაბლუანი ლენტეხის რაიონის იმ სოფელში დაიბადა, სადაც ბაბლუანები დღემდე ცხოვრობენ - ჩოლურში. 17 წლის იყო, როცა თემურ ჩხეიძემ „ღიმილის ბიჭებში“ მისი გადაღება გადაწყვიტა და სწორედ ამ დროიდან დაიწყო მისი დიდი მოგზაურობა კინოს სამყაროში - თემურმა 1979 წელს თეატრალური ინსტიტუტის კინოსარეჟისორო ფაკულტეტი, თენგიზ აბულაძის სახელოსნო დაამთავრა. 

თემურ ბაბლუანს კინომ ერთდროულად ცხოვრების მთავარი საქმე და სიყვარული აპოვნინა - თეატრალურ ინსტიტუტში სწავლისას გაიცნო მომავალი მეუღლე, ლია ბაბლუანი, რომელიც ცოტამ თუ იცის, რომ მსახიობი იყო. „უძინართა მზეში“ დედის როლს სწორედ ლია ასრულებს. ლიასა და თემურს 4 შვილი, გელა, გიორგი, ოლგა და სოფია შეეძინათ.

მამის გზა აირჩია გელა ბაბლუანმა, რომელიც ნიჭიერი რეჟისორის ამპლუაში მაყურებელმა უკვე გაიცნო. მისი პირველი სრულმეტრაჟიანი ფილმი „13“ იყო, რომელსაც არნახული წარმატება ხვდა წილად. გადაიღეს ფილმის ამერიკული ვერსიაც, სადაც ჯეისონ სტეტჰემი და მიკი რურკი თამაშობენ. ძმასთან ერთად რეჟისორობა არჩია სოფიამაც, რომელიც ამავდროულად საფრანგეთის კინოცენტრში მოკლემეტრაჟიანი ფილმების ჟიურის წევრია. ის მუსიკითაც გატაცებულია, სწორედ მისი სიმღერით იწყება გელას ფილმი „ფული“. გიორგი ბაბლუანმა და-ძმისგან განსხვავებით მსახიობობა გადაწყვიტა. მისი პირველი ფილმი საკუთარი ძმის „13“ იყო, სადაც მთავრ როლს ასრულებს. მას შემდეგ იყო „მემკვიდრეობა“, „ფული“, „მარუსია“, „დამნაშავეთა არმია“ და მარიამ ხაჭვანის „დედე“. გიორგის მეუღლე სერბი მოდელი და მსახიობი ბოიანა პანიკია. წყვილმა ერთმანეთი ფილმის „თავისუფლება“ გადასაღებ მოედანზე გაიცნო. წყვილს ორი შვილი ჰყავს.