10-დან 13 აპრილის ჩათვლით, „ექსპო ჯორჯიას“ მე-11 პავილიონში „თბილისის წიგნის ბაზრობა“ გაიმართება, სადაც დაგხვდებათ უახლესი გამოცემები, ექსკლუზიური ფასდაკლებები და შთამბეჭდავი სიურპრიზები როგორც ქართველი, ისე უცხოელი ავტორებისგან.
ჩვენ გადავწყვიტეთ გამოგვერჩია ის გამოცემები, რომლებსაც 100 ლარად „პალიტრა L“-ის სტენდთან შეიძენთ. ეს სია მოიცავს განსხვავებული ჟანრის წიგნებს - კლასიკიდან თანამედროვე პროზამდე, ფსიქოლოგიიდან ბესტსელერებამდე. იპოვეთ ის, რაც თქვენს გემოვნებას ყველაზე მეტად შეესაბამება:
სასიყვარულო სამკუთხედი, ეჭვები, შურისძიება — მაგრამ ერკიულ პუაროსთვის არაფერი ისეთი, რაც მის ლოგიკას და დაკვირვებას გაუძლებს. კლასიკა, რომელიც არასდროს ბერდება და ყველასთვის ნაცნობი მაძებრის ლოგიკით გაოცებს. დეტექტივების მოყვარულთათვის შესანიშნავი არჩევანია.
შთამბეჭდავი სახელმძღვანელო მათთვის, ვისაც აინტერესებს, როგორ მოქმედებს ძალაუფლება პრაქტიკაში. ავტორი გაჩვენებთ, როგორ გადიან წარმატებული ადამიანები გზას: სტრატეგიულად, დაუნდობლად, ფრთხილად და გონივრულად. წიგნი, რომელიც ერთდროულად გაგიტაცებს და გაგწვრთნის.
გაიცანით ქალი, რომელმაც სამუდამოდ შეცვალა მოდა. შანელის ისტორია — ეს არის ამბავი დამოუკიდებლობაზე, გემოვნებაზე და ზუსტად იმაზე, როგორ შეიძლება მოექცეს მთელი ეპოქა ერთ სტილში. ეს წიგნი არის მკითხველისთვის, ვინც გულშემატკივრობს ძლიერ და თავისუფალ პერსონებს.
მოთხრობების კრებული, რომელიც დღევანდელ ქართულ ლიტერატურაში გამორჩეულია თავის ხმაში და სათქმელში. ერთდროულად ირონიული და სევდიანი, ტკბილი და მწარე — ეს წიგნი ყველას შეგვახსენებს რაღაცას ჩვენზე.
სიმენონის ნაწარმოები პატარა ადამიანების დიდ ტრაგედიებზე. კოლონიური საფრანგეთის კონტექსტში მოთხრობილი ამბავი სოციალურ უსამართლობაზე და იმაზე, თუ როგორ ცდილობს ადამიანი ღირსების შენარჩუნებას — თუნდაც ძალიან მძიმე პირობებში.
ლუის კენედის „შეცოდებანი“ არის წიგნი ჩვეულებრივ ადამიანებზე, რომელთაც ჩვეულებრივი ცხოვრება სურთ „არაჩვეულებრივ“ დროებაში. ირლანდიური გარემო, კათოლიკური მორალი, აკრძალული სიყვარული — და ქალი, რომელიც უნდა გადაურჩეს საკუთარ ემოციებს და საზოგადოების სტერეოტიპებს.
ვიღაცამ ქალბატონთან კომუნიკაციის ერთგვარ ფორმად უცნაური ნახატები - მოცეკვაე კაცუნები - აირჩია და... დაირღვა ოჯახური სიმშვიდე,იდილია, გაჩნდა ეჭვი და შიში გაუცნობიერებლისადმი, იდუმალისა და ამოუხსნელისადმი. ჰოლმსის მორიგი საგამოძიებო პაექრობა — დაშიფრული მესიჯები, საფრთხეები და გენიალური დეტექტივი მოქმედებაში.
ეს არის ფსიქოლოგიური მოთხრობა, რომელიც გვაცნობს ბაკინს — მწერალს, რომელიც ერთდროულად არის მაღალი ზნეობის მქადაგებელი და ხელოვნებით შეპყრობილი შემოქმედი. მასში ორი სამყარო თანაარსებობს და თან იბრძვის — გარესამყაროს მიმართ პასუხისმგებლობა და შინაგანი ჟინი რაღაც წარმოუდგენლის შექმნისკენ. აკუტაგავას სტილი ზუსტი და ინტელექტუალურია — როგორც ყოველთვის. ამ მოთხრობაში მწერალი გვიწვევს მის ყველაზე მნიშვნელოვან სივრცეში — შფოთის, შთაგონებისა და თვითშეცნობის ზონაში.ეს ტექსტი არ არის მხოლოდ ისტორიაზე — ესაა საუბარი ხელოვნების ფასზე, იმ მსხვერპლზე, რასაც ნამდვილი შემოქმედება მოითხოვს. კითხვა რჩება ღიად: სად გადის ზღვარი ადამიანურობის და გენიის შორის?
„თბილისის წიგნის ბაზრობა“ იდეალური შესაძლებლობაა, განაახლოთ ბიბლიოთეკა, იპოვოთ საჩუქრები თქვენთვის და ახლობლებისთვის და ასევე აღმოაჩინოთ ახალი საყვარელი ავტორები.
R