"ძალიან დიდი მადლობა ყველას ამდენი თბილი სიტყვისთვის. გულწრფელად ვამბობ — ყველა მესიჯი ჩემთვის ძალიან მნიშვნელოვანია. ყოველდღიურად იმდენ თბილ შეტყობინებას ვიღებ მაპატიეთ, თუ ვერ ვახერხებ ყველას პირადად გიპასუხოთ, მაგრამ გეფიცებით, თითოეული სიტყვა წავიკითხე და გულში ჩავიკარი. მადლობა, მადლობა, მადლობა!
ასევე დიდი მადლობა ყველას, ვინც მიგზავნით ვიდეოებს ჩემი ძველი ნამუშევრებიდან, ძალიან მიხარია, რომ ისევ გიყვართ და მოგწონთ ისინი. დღეს კიდევ რამდენიმე ადამიანმა გამაჩერა აეროპორტში და მომიყვა უსაყვარლესი ისტორიები. მე გადავწყვიტე ავარჩიო რამდენიმე თქვენი გამოგზავნილი ტიკტოკის და იუთუბის ვიდეოებიდან და გავუზიარო სხვებსაც ჩემს ინსტაგრამზე ასე რომ გამომიგზავნეთ კიდევ მეტი.
უდიდეს ძალას მაძლევს თქვენი სითბო. მადლობა მთელი გულით!" - წერს ლელა მებურიშვილი "ინსტაგრამზე" და ვიდეოს აქვეყნებს:
ლელა მებურიშვილი
ლელას მეუღლე ბაჩო საგანელიძე ბრიტანეთში საქართველოს ელჩ სოფიო ქაცარავას ერთ-ერთი მოადგილეა, ეკონომიკური მიმართულებით. შესაბამისად, ლელას ხშირად უწევს დასწრება ოფიციალურ ღონისძიებებზე, რაც ბრიტანეთში ყოველთვის მაღალ დონეზე ტარდება.
ლელა ახლა შვილებთან და მეუღლესთან ერთად ბრიტანეთში ცხოვრობს და იქ საქმიანობს. დროდადრო კი სამშობლოსაც სტუმრობს და ამბობს, რომ ყველაზე მნიშვნელოვანი მიზეზი საქართველოში ჩამოსასვლელად მისი მშობლები არიან: საქართველოში, პირველ რიგში, ოჯახის – მშობლების და ძმების მონატრებით ჩამოვდივარ, რადგან ძალიან არ მინდა, მშობლებს, რომლებიც უკვე ასაკში არიან, ჩემი არყოფნით გული დავწყვიტო. ამასთანავე, ძალიან ბედნიერი ვარ, რომ ლევან წულაძე ყოველთვის მაძლევს მის სპექტაკლებში მონაწილეობის საშუალებას.
„ზამთარში ჩამოვედით და ცოტა გაგვიჭირდა, მაგრამ გაზაფხული და ზაფხული მშვენიერი გამოდგა, რაც ძალიან იშვიათია ლონდონისთვის. ბავშვები კარგად გრძნობენ თავს, უკვე ბევრი მეგობარი ჰყავთ, სკოლასაც მიეჩვივნენ. ბავშვებისთვის მნიშვნელოვანია, რომ მშობლებთან ერთად იყვნენ. ჩვენ ყველაფერს ვაკეთებთ, რომ ისინი თავს ბედნიერად გრძნობდნენ. ყველაზე დიდი სირთულე უახლოესი ადამიანებისგან შორს ყოფნაა."