სხვისი ტკივილის დანახვა მხოლოდ სევდა არ უნდა იყოს, ის მოქმედების მოტივატორად უნდა იქცეს. სწორედ ეს არის ის ღირებულება, რაც გამოხატულია „პალიტრა L“-ის საქველმოქმედო ინიციატივაში „გადაიხადე რამდენიც გინდა“, რომელიც მკითხველს საშუალებას აძლევს, წიგნის ყიდვით რეალურად დაეხმაროს ადამიანებს, რომლებსაც მხარდაჭერა ძალიან სჭირდებათ.
აქცია „გადაიხადე რამდენიც გინდა“ 15 მაისიდან დაიწყო და მკითხველის გულშემატკივრობითა და თანადგომით ისევ გრძელდება.
ამჯერად, დახმარება ერთ მარტოხელა პენსიონერ დედასა და მის მძიმე ავადმყოფ შვილს სჭირდება, ოჯახს, რომელიც საოკუპაციო ხაზთან ცხოვრობს, ფიზიკურ და ფსიქოლოგიურ საფრთხესთან პირისპირ.
თქვენ მიერ შეძენილი ილია ჭავჭავაძის უკვდავი ნაწარმოები „კაცია - ადამიანი?!“, შეიძლება გახდეს პასუხი მარტოხელა პენსიონერი დედის კითხვაზე, თუ როგორ გადაარჩინოს შვილი, როცა ერთადერთი შემოსავალი სოციალური პენსიაა?
ქალბატონი ლია ტერაშვილი საოკუპაციო ხაზთან ცხოვრობს, შვილთან ერთად. 42 წლის ვაჟი სრულიად საწოლს არის მიჯაჭვული, უსინათლოა, მრავალ დაავადებას ებრძვის, მას ახლახან ურთულესი დიაგნოზიც დაუდგინდა. ოჯახს საკვებისა და წამლების ყიდვის საშუალება არ აქვს.
„ჩემი ბიჭი ვერ დგება… მარტო ვუვლი… მკურნალობა და განსაკუთრებული კვება სჭირდება. არ ვიცი, როგორ გადავრჩეთ…“, - გვიყვება ქალბატონი ლია.
ეს არ არის მხოლოდ სოციალური პრობლემა, არამედ ეს არის ეროვნული პასუხისმგებლობა.
ამ ოჯახის დახმარება თუ გსურთ ჩაერთეთ „პალიტრა L”-ის აქციაში, შეიძინეთ „კაცია – ადამიანი?!“ და გადაიხადეთ იმდენი, რამდენიც შეგიძლიათ.
10 ლარამდე გადახდილი თანხის 10% გადაირიცხება საქველმოქმედო ფონდში, ხოლო 10 ლარზე მეტი თანხის გადახდის შემთხვევაში, სრულად საქველმოქმედო საქმიანობას მოხმარდება.
ეს ყველაფერი კეთდება სრულიად გამჭვირვალედ, „პალიტრა L“-ის სოციალური პასუხისმგებლობის ფარგლებში.
წიგნის შეძენა შეგიძლიათ „ბიბლუსის“ მაღაზიათა ქსელში. აქცია გაგრძელდება ტირაჟის ამოწურვამდე.
R