კრის ჯენერის "ახალი სახე" ყველას გაოცებას იწვევს:გაიკეთა თუ არა მან სახის ყოვლისმომცველი ქირურგიული ოპერაცია - Marao

69 წლის კრის ჯენერის პარიზში გამოჩენამ ფანების გაოცება დაიმსახურა - ვარაუდობენ, რომ მას, შესაძლოა, სახის ყოვლისმომცველი ქირურგიული ჩარევა ჩაუტარდა დრამატული ცვლილების მისაღწევად.

კრის ჯენერი ცოტა ხნის წინ პარიზს ეწვია, რათა დასწრებოდა Amazon-ის დამფუძნებლის, ჯეფ ბეზოსის, საცოლის, ლორენ სანჩესის საქორწინო წვეულებას. 

• კიმ კარდაშიანი "დაქორწინდა" - რა ფოტოები ვრცელდება მედიაში 

ამ ყველაფერთან ერთად, ინტერნეტის ყურადღება კრისის „საოცრად ახალგაზრდულმა გარეგნობამ“ მიიპყრო. 17 მაისს გამოქვეყნებულ Instagram-ის ვიდეოში  კოსმეტიკურმა ქირურგმა, დოქტორმა ჯონი ბეტერიჯმა, რომელიც გამუდმებით აქვეყნებს ბოტოქსსა და დერმალურ ფილერებზე ფოკუსირებულ პოსტებს, ახსნა, თუ რამდენად შეიცვალა კრის ჯენერის სახე „გასული წლიდან დღემდე“.

• კიმ კარდაშიანის ფოტოსესია "ბოიფრენდთან", რომელიც რობოტია: ფოტოები, რომლებიც ვირუსულად ვრცელდება 

• როგორ გახდა ნამცხვრების გამყიდველი გოგო მილიონერი: კრის ჯენერის ისტორია, რომელიც მსოფლიოს ერთ-ერთი ყველაზე გავლენიანი ქალია 

"69 წლის კრისის ახალი იმიჯი შესამჩნევად უფრო კონტურირებული, უფრო მჭიდრო და განახლებულია, ვიდრე ერთი წლის წინ იყო. ტრანსფორმაცია გაოცებას იწვევს, რადგან ვარაუდობენ, რომ მედიამაგნატმა შესაძლოა ამ დრამატული ცვლილების მისაღწევად სახის ყოვლისმომცველი ქირურგიული ოპერაცია გაიკეთა. 

კრის ჯენერი

კრის ჯენერი ხშირად კარდაშიანების იმპერიის ხერხემლად განიხილება. ვარსკვლავი საკუთარი შვილების კარიერას უკვე წლებია ხელმძღვანელობს. ის მონაწილეობდა ოჯახის წარმატებული ბრენდების − Kylie Cosmetics-ისა და KKW Beauty-ის მართვაში. რეალითი შოუს დაწყებამდე, კრისი ბორტგამცილებლად მუშაობდა, სანამ პირველ მეუღლეს, რობერტ კარდაშიანს შეხვდებოდა. მასთან ოთხი შვილი − კორტნი, კიმი, ქლოი და რობერტი გაუჩნდა. მას შემდეგ კრისი ბრიუს ჯენერზე დაქორწინდა, რომელიც ეროვნული გმირი და ოლიმპიური ჩემპიონი იყო. მათ ორი საერთო შვილი ჰყავთ, რეალითი შოუს ყველაზე ახალგაზრდა წევრები − კენდალ და კაილი ჯენერები.

კრის ჯენერი დაიბადა სან დიეგოში, კალიფორნიაში. იგი მერი ჯო შანონისა და ინჟინერ რობერტ ჰოსტონის პირველი შვილია. კრისს ჰოლანდიური, ინგლისური, ირლანდიური, გერმანული და შოტლანდიური წარმოშობის წინაპრები ჰყავს. როდესაც ჯენერი შვიდი წლის იყო, მისი მშობლები განქორწინდნენ, კრისი და მისი უმცროსი და, კარენი, დედასთან დარჩნენ, რომელიც რამდენიმე წლის შემდეგ ბიზნესმენ ჰარი შანონზე დაქორწინდა.