"დღე არ გავა, მისი არსებობისთვის მადლობელი არ ვიყო" - ანუკი ქორქიას შვილი იუბილარია - Marao

ანუკი ქორქიას შვილი იუბილარია. ის ქალიშვილის ფოტოებს სოციალურ ქსელში აზიარებს:

"დღე არ გავა, მისი არსებობისთვის მადლობელი არ ვიყო. ღმერთის საჩუქარი" - წერს ანუკი ქორქია. 

• "ამ პროცედურის შემდეგ აღარ ვიყენებ არაფერს დამატენიანებლისა და მზისგან დამცავი კრემის გარდა“ - ლიკუნა ქორქიას იდეალური კანისა და თავის მოვლის საიდუმლოებები 

• ლიკუნა ქორქიამ პირველ მეუღლესთან დაშორების შემდეგ მეორედ იქორწინა: ვინ არის ტელეწამყვანის რჩეული 

ანუკი ქორქია

ანუკი ქორქია 36 წლისაა. ის პროფესიით სტომატოლოგია, თუმცა ამ სფეროში არ საქმიანობს. ანუკიმ მომავალი მეუღლე, კახა ჩიქოვანი, ინტერნეტით გაიცნო. მაშინ კახა ერთ–ერთ კომპანიაში მარკეტინგის მენეჯერად მუშაობდა. წყვილმა ჯვარი 2012 წლის 19 იანვარს ამაღლების ტაძარში დაიწერა. ამ დღეს მხოლოდ ოჯახის წევრები და უახლოესი მეგობრები შეიკრიბნენ, გრანდიოზული ქორწილი კი მოგვიანებით შედგა. 

• "დედასავით ლამაზია" - ანუკი ქორქია შვილის უსაყვარლეს ფოტოებს აქვეყნებს 

კახასა და ანუკის პირველი შვილი, გიორგი, 2013 წელს შეეძინათ: "ჩემს მა­მამ­თილს ჰქვია გი­ორ­გი, რო­მე­ლიც ისე ძა­ლი­ან მიყ­ვარს, მა­მის­გან ვერ ვან­სხვა­ვებ. თა­ვი­დან­ვე მინ­დო­და, ბავ­შვის­თვის მი­სი სა­ხე­ლი და­მერ­ქმი­ა. ჩე­მი და მე­უღ­ლის სურ­ვი­ლი ერ­თმა­ნეთს და­ემ­თხვა და პა­ტა­რას ეს სა­ხე­ლი შე­ვურ­ჩი­ეთ. დი­დი ბედ­ნი­ე­რე­ბა ყო­ფი­ლა დე­დო­ბა, სა­ოც­რად ძლი­ე­რი და დი­დი სი­ხა­რუ­ლის მომ­ტა­ნი გრძნო­ბა­ა, რო­მე­ლიც თუ არ გა­ნი­ცა­დე, ვერ მიხ­ვდე­ბი, რას ნიშ­ნავს. მთლი­ა­ნად იც­ვლე­ბა ადა­მი­ა­ნის ცხოვ­რე­ბა, შვი­ლის ფონ­ზე ყვე­ლა­ფე­რი ნაკ­ლე­ბად მნიშ­ვნე­ლო­ვა­ნი და უფე­რუ­ლი­ა" - ამბობდა მაშინ ანუკი. 

2019 წელს ანუკის გოგო შეეძინა, რომელსაც დის, ლიკუნა ქორქიას პატივსაცემად, ლიკა დაარქვეს. სოციალურ ქსელში ხშირად აღნიშნავენ, რომ გიორგი დედას, პატარა ლიკა კი მამას ჰგავს. ანუკი შვილების ცხოვრებაში აქტიურადაა ჩართული. ოჯახი ხშირად მოგზაურობს, დროს ერთად მხიარულად ატარებს და კადრებს სოციალურ ქსელშიც აქვეყნებს. 

ლიკუნა ქორქია

ლიკუნა ქორქია ცნობილი ქართველი მოდელი და ტელეწამყვანია, რომელიც საზოგადოებაში თავისი სილამაზით, დახვეწილი სტილითა და პროფესიონალიზმით გამოირჩევა. მისი კარიერა მედიასა და მოდის სფეროში წლების განმავლობაში წარმატებით ვითარდებოდა, თუმცა ბოლო პერიოდში ის უფრო მეტად იცავს პირად სივრცეს, ნაკლებად ჩნდება კამერების წინ და მხოლოდ სოციალურ ქსელში აქტიურობით შემოიფარგლება. 

რამდენიმე წლის წინ ლიკუნა ქორქიამ საიდუმლოდ იქორწინა. მისი მეუღლე "აწარმოე საქართველოს" დირექტორი მიხეილ ხიდურელი გახდა. ლიკა ქორქია, რომელიც წლების მანძილზე აქტიურად თანამშრომლობდა მედიასთან, დაოჯახებას თვეების მანძილზე მალავდა. 

მოგვიანებით ცნობილი გახდა, რომ ლიკა და მიხეილ ერთმანეთს დაშორდნენ, თუმცა ამის შესახებ მას საჯაროდ კვლავ არ უსაუბრია. ლიკუნა მეორე ქორწინების შემთხვევაშიც პირადი სივრცის დაცვას ამჯობინებს და სოციალურ ქსელში საერთო ფოტოების გამოქვეყნებით შემოიფარგლება.