მსახიობი ნანუკა გულუა გამომწერების კითხვებს პასუხობს. ერთ-ერთ კითხვაზე, აპირებს თუ არა მეოთხე შვილის გაჩენას, ნანუკა ამბობს:
"ვაპირებდი და, რა თქმა უნდა, კახუნასაც ძალიან უნდა. მეოთხესაც ვაპირებდი, მეხუთესაც და მეექვსესაც. ვამბობდი, ღმერთი რამდენსაც მომცემს, იმდენ შვილს გავაჩენ-მეთქი. მაგრამ ამ ორსულობაში ხერხემლის ტკივილმა ძალიან რთულ მდგომარეობაში ჩამაგდო. ძალიან მიჭირს ეს ორსულობა, დიდი ტკივილები გადავიტანე და შესაბამისად, მეთხე შვილს ალბათ აღარ გავაჩენ" - ამბობს ნანუკა გულუა.
ნანუკა გულუა
ნანუკა გულუამ რჩეულზე, კახა კაშიაზე 2021 წელს იქორწინა. როგორც თავად ამბობდა, მათი ქორწინება მოულოდნელად გადაწყდა და ამაში დიდი წვლილი ოჯახის წევრებსაც ეკუთვნით.
ნანუკასა და კახას ორი შვილი, ნინა და ირაკლი ჰყავთ, ხოლო მესამე შვილს ახლა ელოდებიან. ნანუკა თავად ხშირად აღნიშნავს, რომ მის ასაკში დედობა კიდევ უფრო განსაკუთრებული გრძნობაა. მისი თქმით, ორი შვილის ყოლა გადაწყვეტილი ჰქონდა, თუმცა მზადაა, რამდენი შანსიც მიეცემა, იმდენჯერ გახდეს დედა. მსახიობი ცოტა ხნის წინ ხუმრობდა კიდეც, რომ მოსწონს, როცა ორსულობის დროს მასზე განსაკუთრებულად ზრუნავენ და მეოთხე შვილის ყოლაზეც დაფიქრდება.
„იმედია, ქვის სროლას არ დავიწყებ. ამის გარანტიასაც ვერ ვიძლევი. პირველი მშობიარობა და მშობიარობის შემდგომი პერიოდი მქონდა იდეალური. არაფერზე მინერვიულია და ემოციებს ზედმეტად არ ავყოლივარ. მეორე ორსულობაც იდეალური იყო. ორსულობის შემდგომი დეპრესია ორ თუ სამ კვირას გაგრძელდა. რომელმაც ჩემ ფსიქიკას დიდი დაღი დაასვა. რაც ყველაზე უცნაურია, ორსულობის პერიოდში ვმშვიდდები, ემოციურადაც უფრო კარგად ვარ.“ – ამბობს ნანუკა გულუა.
როგორც ცნობილია, დაოჯახებამდე ნანუკა გულუა წლების მანძილზე ებრძოდა ჭარბ წონას. ის 126 კილოს იწონიდა და სხვადასხვა დიეტის წყალობით 65 კილოგრამი დაიკლო. თუმცა, მისი თქმით, მისი ფავორიტი კეტო-დიეტაა, როცა არ შიმშილობ და ისე იკლებ წონაში. ახლა, როცა ნანუკა მესამე შვილის მოლოდინშია, შესანიშნავად გამოიყურება, თუმცა თავად მაინც ფიქრობს, რომ მშობიარობის შემდეგ სასურველ წონას დაუბრუნდეს.