"სუხიშვილები" განცხადებას ავრცელებს: "გვსურს გამოვეხმაუროთ ჩვენთვის სამწუხარო ინციდენტს, რომელიც Open Air-ის მიმდინარეობისას მოხდა..." - Marao

"გვსურს გამოვეხმაუროთ ჩვენთვის სამწუხარო ინციდენტს, რომელიც open air-ის მიმდინარეობისას მოხდა.აჩიკო გულედანის სიმღერის ტექსტი არასწორად გაიგო დასის რამდენიმე წევრმა, რამაც დასის მნიშვნელოვან ნაწილში გამოიწვია უკმაყოფილება და კითხვის ნიშნის ქვეშ დადგა დასის ფესტივალში მონაწილეობა.

დასის ხელმძღვანელმა, ნინო სუხიშვილმა, საჭიროდ ჩათვალა რომ კრიტიკული სიტუაციის განსამუხტად ისე ემოქმედა, როგორც იმოქმედა.ვწუხვართ, რომ ნინოს ნათქვამმა სიტყვებმა, რომელიც ანსამბლში ვითარების განმუხტვისკენ იყო მიმართული, სამართლიანად დაიმსახურა კრიტიკა.

გვსურს დაგიდასტუროთ, რომ სუხიშვილები ყოველთვის იდგა და დგას როგორც რწმენის, ისე გამოხატვის, ხელოვნების თავისუფლების და ზოგადად, ადამიანის ფუნდამენტური უფლებების დაცვის სამსახურში და გვჯერა, რომ ეს უფლებები არათუ ხელს არ უშლის, არამედ ავსებს ერთმანეთს.

კიდევ ერთხელ, ვწუხვართ, რომ აღნიშნულმა ინციდენტმა ბევრ ჩვენს გულშემატკივარში გაუგებრობა გამოიწვია" - წერია "სუხიშვილების" განცხადებაში. 

რა მოხდა  Tbilisi Open Air-ზე?

24-25 მაისს Tbilisi Open Air განსხვავებული ფორმატით გაიმართა.  Lisi Wonderland-ის ტერიტორიაზე წარმოდგენილი იყო ქართული თეატრი, ნაციონალური ბალეტი, ქართული მუსიკალური ლეიბლები, ბუნებრივი ღვინის ფესტივალი და თბილისის წიგნის ბაზრობა. 

• ცეკვით დაწყებული ვარსკვლავური გზა, კინო და ქარიზმა: მანანა აბაზაძე როგორც ქართული კულტურის ხატი 

წლევანდელი ფესტივალი გამორჩეული იყო იმით, რომ მასში მონაწილეობა უცხოელ შემსრულებლებს არ მიუღიათ, ორი დღის მანძილზე მისული მსმენელის წინაშე სრულად ქართული მუსიკოსები და ბენდები წარდგნენ. სპე­ცი­ა­ლუ­რად მოწ­ვე­ულ სტუ­მარ­თა შო­რის იყ­ვნენ: პა­ა­ტა ბურ­ჭუ­ლა­ძე, ნანი ბრეგ­ვა­ძე, მე­რაბ სე­ფაშ­ვი­ლი, გი­უ­ლი ჩო­ხე­ლი და გი­ორ­გი უში­კიშ­ვი­ლი, სუ­ხიშ­ვი­ლე­ბი...

"ჩვენ ვართ ქრის­ტი­ა­ნუ­ლი ქვე­ყა­ნა, დი­დე­ბა უფალს! ჩვე­ნი დასი ემიჯ­ნე­ბა იმ სი­ტყვას, რო­მე­ლიც აქ გაჟ­ღერ­და, რო­მე­ლიც მკრე­ხე­ლუ­რი იყო ჩვე­ნი გა­გე­ბით. ჩვენ ამას არ ვე­თან­ხმე­ბით, ჩვე­ნი დე­ვი­ზი ყო­ველ­თვის იყო - ენა, მა­მუ­ლი, სარ­წმუ­ნო­ე­ბა...“ - ამ სიტყვებით მიმართა ნინო სუხიშვილმა შეკრებილ მსმენელს. 

• "სუხიშვილების" გამორჩეული სახე სცენის მიღმა: პუსკა გამსახურდიას ოჯახი, კარიერა და ცხოვრება მნიშვნელოვანი სტატუსით 

"ჩემს ნათ­ქვამ­ში იგუ­ლის­ხმე­ბო­და არ­ჩილ გუ­ლე­და­ნის ნამ­ღე­რი სიმ­ღე­რის ტექ­სტი, და გთხოვთ, მეტი შე­კი­თხვით ნუ შე­მა­წუ­ხებთ, შე­უძ­ლოდ ვარ, გავ­ცივ­დი გუ­შინ", - მოგვიანებით კი საკუთარი გამოსვლა ასე განმარტა. 

ნანი ბრეგვაძე 2025 Tbilisi Open Air-ზე

ფესტივალმა ხმაურის ფონზე ჩაიარა. ნინო სუხიშვილის კრიტიკული განცხადებისა თუ ერეკლე გეწაძის პერფორმანსის ფონზე, ბევრს საუბრობდნენ ნანი ბრეგვაძის შესახებაც. მიუხედავად იმისა, რომ მსმენელმა ნანი ბრეგვაძე სცენაზე დიდი სიყვარულით მიიღო და ასევე გააცილა, სოციალურ ქსელში უამრავი კრიტიკული კომენტარი დაიწერა. ამბობდნენ, რომ ნანი ბრეგვაძე მსგავს ღონისძიებებში მონაწილეობას არ უნდა იღებდეს. 

"რად­გან გა­მო­ვე­დი, ისე იგი მინ­დო­და და გა­მო­ვე­დი. მად­ლი­ე­რი ვარ მთე­ლი ახალ­გაზ­რდო­ბის, მე ვარ ახალ­გაზ­რდებ­თან! სიმ­ღე­რა ნი­ჭი­ე­რად იყო გა­კე­თე­ბუ­ლი, ახა­ლი რა­ღაც გა­მო­ვი­და და მე და­მა­ინ­ტე­რე­სა..." - ნახეთ ნანი ბრეგვაძის კომენტარი