"უნდა მეპოვა გამბედაობა, რომ სხვების მოლოდინის გამართლების ნაცვლად, ჩემივე თავის გამოხატვა დამეწყო" - საოცარი ქალის საოცარი ისტორია: ლორენ ლოვეტის ცხოვრება - Marao

ლორენ ლოვეტი არის ამერიკელი ბალერინა და ქორეოგრაფი, რომელიც გარკვეული პერიოდი ნიუ-იორკის ბალეტის წამყვანი მოცეკვავე იყო. ლოვეტი კალიფორნიის შტატის ქალაქ ტაუზენდ ოუკსში დაიბადა და ბალეტის სწავლა თერთმეტი წლის ასაკში დაიწყო. ჯერ ჩრდილოეთ კაროლინაში , კერის ბალეტის კონსერვატორიაში სწავლობდა , შემდეგ კი ამერიკული ბალეტის სკოლაში.

• „ცეკვა არ არის სოლო საქმიანობა; ეს ეხება კომუნიკაციას და იმას, თუ როგორ აირეკლავთ ერთმანეთს" - ანნა ციგანკოვა 

კარიერა

ლოვეტი 2009 წელს ნიუ-იორკ სიტი ბალეტის შეგირდი გახდა. 2010 წელს იგი დასის კორპუს დე ბალეტში მიიწვიეს და 2013 წელს სოლისტის წოდება მიანიჭეს. 2015 წელს კი მთავარ მოცეკვავედ დააწინაურეს. 

• მსახიობი დიქტატურის წინააღმდეგ - ასპასია პაპათანასიუს ცხოვრება და კარიერა 

• "ჟღალთმიანი მეამბოხე" - სონია რიკიელის რევოლუცია მოდის სამყაროში 

მან ნიუ-იორკ სიტი ბალეტში ვრცელი რეპერტუარი შეასრულა, მათ შორის ჯორჯ ბალანჩინის , ჯერომ რობინსის , პიტერ მარტინსის , ჯასტინ პეკის , ალექსეი რატმანსკის და კრისტოფერ უილდონის არსებული და ახალი ნაწარმოებები . მან ასევე იცეკვა პრეზიდენტ ბარაკ ობამასა და პირველი ლედის მიშელ ობამასთვის 2014 წელს კენედის ცენტრის საპატიო დაჯილდოების ფარგლებში, პატრიცია მაკბრაიდისადმი მიძღვნილ ღონისძიებაზე.

• "had to find the courage to stop pleasing others and start pleasing myself artistically"

"უნდა მეპოვა გამბედაობა, რომ სხვების მოლოდინის გამართლების ნაცვლად, ჩემივე თავის გამოხატვა დამეწყო"

"როდესაც პატარა ვიყავი, ყოველთვის მინდოდა სხვადასხვა სტილის ცეკვა - სტეპი, ჰიპ-ჰოპი, ლირიკული - ჩემს მშობლებს არ ჰქონდათ გაკვეთილებზე სიარულის საშუალება. ჩემი სხეული კი ბალეტისთვის იყო განკუთვნილი. სტიპენდია მხოლოდ ბალეტისთვის მივიღე - ამიტომ ეს გაკვეთილები უფასო იყო. ახალი ქორეოგრაფიის კეთებისას აღმოვაჩინე, რომ ცეკვა შეიძლება უფრო მეტი ყოფილიყო, ვიდრე უბრალოდ სრულყოფილებისკენ სწრაფვა.  დიდად არ მსიამოვნებს ხელობის დახვეწა და დამუშავება, მსიამოვნებს ნულიდან რაიმე ახლის შექმნა ან ისეთი რამის მოსინჯვა, რაც აქამდე არ გამიკეთებია. მთელი ჩემი ცხოვრება ასეთია: მიყვარს საჩუქრების გაკეთება ხალხისთვის, მიყვარს თითქმის ყველა კერძის მომზადება, მიყვარს ჩემი ბინის ხელახლა დიზაინი ისევ და ისევ. მომწონს შემოქმედებითი ცხოვრება. და ჩემი საყვარელი საქმიანობა ახალი ბალეტების შექმნაში მონაწილეობა იყო."

მისი ქორეოგრაფიის საპასუხოდ, The New York Times-მა 2019 წელს განაცხადა, რომ „ქალბატონ ლოვეტის სურვილი, ბალეტი თავიდან ბოლომდე შეცვალოს, გადაუდებელია. არსებითად, მან გადალახა ზღვარი სილამაზიდან ძალაუფლებამდე“. 

• "There’s a misconception that femininity is weakness. I think femininity is power, and softness can be fierce"

"არსებობს მცდარი წარმოდგენა, თითქოს ქალურობა სისუსტეა. ჩემთვის ქალურობა ძალაა, და სიფაქიზე შეიძლება შეუპოვრობაც იყოს.

• ლორენმა შექმნა თავისი ქორეოგრაფია, თავისი ხედვით და არ დაემორჩილა ბალეტის ტრადიციული ნორმებს;
• ფსიქიკური ჯანმრთელობა, სქესობრივი სტერეოტიპები, კარიერული ცვლილებები — ეს ყველა თემა ლორენისთვის ბუნებრივად დასაფიქრებელი და საკომუნიკაციო საკითხია;
• იგი ხშირად საუბრობს იმაზე, თუ რამდენად მნიშვნელოვანია ქალების ხმა, ნარატივი და ქარიზმა სცენაზე, როგორც ინტერპრეტატორად, ისე შემოქმედად.

"არასოდეს მიგრძნია თავი კომფორტულად სცენაზე. ყოველთვის ვცდილობდი, გამომეხატა ის, რაც ჩემში იყო, მაგრამ რაღაც მაკლდა"

ლორენი ხშირად საუბრობს იმაზე, თუ როგორ ებრძოდა შფოთვასა და თვითშეფასების პრობლემას, განსაკუთრებით მაშინ, როცა ახალგაზრდა იყო. თუმცა ეს ბრძოლები მისთვის იქცა სიძლიერის წყაროდ, რამაც მას ასწავლა, რომ სილამაზეა გულწრფელობა, და არა მხოლოდ ტექნიკური სრულყოფილება.