ცნობილი ქართველი პლასტიკური ქირურგი, რომელიც ვენაში დააკავეს: "კოსმეტიკურ წვეულება" და აღიარებული ბრალი - Marao
ცნობილი ქართველი პლასტიკური ქირურგი, რომელიც ვენაში დააკავეს: "კოსმეტიკურ წვეულება" და აღიარებული ბრალი
ცოტა ხნის წინ ცნობილი გახდა, რომ ქართველ პლასტიკურ ქირურგს, რომელსაც საქართველოში კარგად იცნობენ, ვენაში 20-თვიანი პატიმრობა მიესაჯა. სასჯელი მის მიერ უკანონოდ ჩატარებულ კოსმეტიკურ ოპერაციას უკავშირდება - 35 წლის ქირურგმა 58 წლის ქალს ნიკაპის ლიფტინგი ჩაუტარა და, მიუხედავად იმისა, რომ, ექსპერტთა დასკვნით, ოპერაცია სწორად ჩატარდა, გარემო აბსოლუტურად შეუფერებელი იყო. პაციენტს მოულოდნელად სისხლდენა დაეწყო და საჭირო გახდა მისი რეანიმაციაში მოთავსება.
კოსმეტიკური ოპერაციის დეტალები
11 თებერვალს, ვენის ლანდშტრასეს რაიონში, 35 წლის ქართველმა ექიმმა 58 წლის ქალს ნიკაპის უკანონო ლიფტინგი ჩაუტარა. ოპერაციის შედეგად ქალს იმდენად მძიმე გართულებები განუვითარდა, რომ მას სასწრაფო სამედიცინო დახმარება დასჭირდა და ღამე ვენის ცენტრალური კლინიკის (AKH) რეანიმაციულ განყოფილებაში გაატარა. მისი მდგომარეობა კრიტიკული იყო და სასწრაფო ნეიროქირურგიული ჩარევა გახდა საჭირო.
ვინ არის წარმოშობით ქართველი 35 წლის ქირურგი?
ბრალდებულის განცხადებით, მას სამედიცინო პრაქტიკის უფლება მხოლოდ საქართველოში და რუსეთში აქვს, სადაც მისი თვიური შემოსავალი 10 000-დან 15 000 დოლარამდე მერყეობს. იგი ვენაში სპეციალურად ამ ოპერაციის ჩასატარებლად ჩაფრინდა.
მიუხედავად იმისა, რომ ინფორმაცია არაერთ წყაროსთან Ambebi.ge-მ გადაამოწმა, ექიმის სახელისა და გვარის გამოქვეყნება მაინც არ არის მიზანშეწონილი, რადგან მხოლოდ ზეპირმა წყაროებმა დაადასტურეს, რომ მას ბოლო რამდენიმე თვეა საქართველოში შეწყვეტილი აქვს საქმიანობა.
რატომ არის განსაკუთრებით პოპულარული ნიკაპის ლიფტინგი?
ნიკაპის ლიფტინგი - ეს არის ესთეტიკური პროცედურა, რომლის მიზანია ნიკაპისა და ყელის არეში კანის გამკვრივება და კონტურის გაუმჯობესება.
მისი საშუალებით იკლებს მოდუნებული კანის ხარიხი, გამოკვეთილი ხდება სახის ოვალი და საერთო ახალგაზრდული იერსახე.
ნიკაპის ლიფტინგი შეიძლება განხორციელდეს სხვადასხვა მეთოდით:
- ინვაზიური (ქირურგიული) — პლასტიკური ოპერაცია, რომლის დროსაც ქირურგი ასწორებს კანს და შესაძლოა ცხიმის მოცილებაც განხორციელდეს.
- მინიმალურად ინვაზიური — ულტრაბგერითი (მაგ. Ultherapy), რადიოტალღოვანი ან ლაზერული ტექნოლოგიები, რომლებიც ასტიმულირებს კოლაგენის წარმოებას.
- არაინვაზიური მეთოდები — მაგალითად, ჰიალურონის მჟავის ინიექციები, ბოტოქსი, მეზოთერაპია და სხვა პროცედურები, რომლებიც აძლიერებს კანს და აუმჯობესებს მის ტონს.
რატომ გახდა პოპულარული ნიკაპის ლიფტინგი?
სოციალურ ქსელებში ვიზუალური სტანდარტები მაღალია. ადამიანებს სურთ უფრო მკვეთრი სახის კონტურები, იდეალური კანი, რაც “ფოტოგენურობას” ზრდის. მკვეთრი ნიკაპი და გამოკვეთილი კონტური ხშირად ასოცირდება ახალგაზრდობასა და თავდაჯერებულობასთან. ამ მეთოდს არაერთმა ცნობილმა სახემ უკვე მიმართა და ჰოლივუდში პოპულარულ ოპერაციად ითვლება. 2025 წელს კი ნიკაპის ლიფტინგი ერთ-ერთი ყველაზე მოთხოვნადი კოსმეტიკური მანიპულაციაა.