"არ ვთვლი, რომ კატასტროფული ასაკობრივი სხვაობაა ჩემსა და ლაშას შორის" - რუსკა ქარქაშაძე მეუღლის, ასაკობრივი სხვაობისა და ოჯახის შესახებ - Marao

ორი წლის წინ, 2023 წლის ზაფხულში ახალგაზრდა ქართველი მსახიობი, რუსკა ქარქაშაძე დაქორწინდა. მაშინ რუსკა 20 წლის იყო, მისი მეუღლე, ბიზნესმენი ლაშა მოწონელიძე კი 32-ის. ასაკობრივმა სხვაობამ მაშინვე გამოიწვია აზრთა სხვადასხვაობა და, ამის შესახებ სოციალურ ქსელში თავად მსახიობსაც ხშირად წერდნენ. 

რუსკამ გამომწერების კითხვებს პასუხი გასცა და აღნიშნა, რომ თუ ადამიანი ჭკვიანი და მიზანდასახულია, 20 წლის ასაკში ქორწინება ხელს არაფერში შეუშლის: "პირიქით, გვერდით გეყოლება ადამიანი, რომელიც ორმაგად მოგცემს მოტივაციას, უკეთესი გახდე", - წერდა რუსკა. 

• ბავშვობაში მოსული დიდი წარმატება, კარიერა და დედის ამპლუა - რუსკა ქარქაშაძის პორტრეტი 

წყვილს ბედნიერი ოჯახი აქვს - ცოტა ხნის წინ ისინი პირველი შვილის, ზუკას მშობლებიც გახდნენ. რუსკა და ლაშა შვილთან ერთად ბევრს მოგზაურობენ და კადრებს გამომწერებსაც უზიარებენ. მიუხედავად ამისა, კითხვებს ასაკობრივი სხვაობის შესახებ მაინც იღებენ. ამჯერად რუსკა სწორედ ამის შესახებ წერს: 

- როგორ ფიქრობ, ცოლ-ქმარს შორის რამდენი წელი უნდა იყოს განსხვავება? 

- სიტყვა "უნდა" არ ჯდება ამ კონტექსტში. "უნდა" ის, რაც ორ ადამიანს აბედნიერებს.

- უთქვამთ შენთვის, რომ ამხელა ასაკობრივი სხვაობა არ არის კარგი? იყო აგრესია?

- არ ვთვლი, რომ კატასტროფული ასაკობრივი სხვაობაა ჩემსა და ლაშას შორის. არა, ვისგან უნდა ყოფილიყო აგრესია? ჩემი ოჯახის წევრები და საყვარელი ადამიანები ჩემს გადაწყვეტილებას პატივს სცემენ. უცხო ადამიანების აზრს კი არასდროს გავითვალისწინებდი გადაწყვეტილების მიღების დროს. 

რუსკა ქარქაშაძის კარიერია და ცხოვრება

რუსკა ქარქაშაძე 2003 წლის 7 აპრილს დაიბადა. ცნობილია, როგორც მსახიობი, ტელეწამყვანი და ინფლუენსერი. 

დადიოდა თეატრალურ სტუდიაში, რის შემდეგაც ნოდარ დუმბაძის სახელობის მოზარდ მაყურებელთა თეატრში მიიწვიეს. ითამაშა რამდენიმე სპექტაკლში. ერთ-ერთი იყო დებიუტი ნიკა საბაშვილის „1945“-ში, რომელშიც ადოლფ ჰიტლერის შეყვარებულის როლი შეასრულა. ასევე მოკლემეტრაჟიან ფილმებში და „კომედი არხის“ ტელესერიალ „კომედი კიდსში“. 10 წლის ასაკში ითამაშა ფილმში „არარეალური სახლი“.

• "ზუკას გაჩენის მერე მივხვდი, რომ გარკვეული პერიოდი მას ძალიან ვჭირდებოდი" - რუსკა ქარქაშაძე დედის ამპლუაში 

2016 წელს „რუსთავი 2“-ის ეთერში გავიდა „ფორმულა კრეატივის“ დრამატული ტელესერიალი „ხელოვნური სუნთქვა“, რომელშიც ერთ-ერთი მთავარი პერსონაჟის, მელანოს როლი შეასრულა.

მოგვიანებით რუსკა ქარქაშაძე არაერთ სატელევიზიო შოუსა თუ გადაცემაში გამოჩნდა, ქორწინების შემდეგ კი ეკრანზე იშვიათად ჩნდება. 

რუსკა ქარქაშაძე და ლაშა მოწონელიძე

რუსკა ქარქაშაძე 2023 წლის 8 ივნისს დაქორწინდა ბიზნესმენ ლაშა მოწონელიძეზე. ქორწილი 300 სტუმრის თანდასწრებით გაიმართა, რომლისთვისაც წყვილი ორი თვის განმავლობაში ემზადებოდა. საზეიმო ღონისძიებაზე მათ შეასრულეს ვალსი და ქართული ცეკვა, რისთვისაც სპეციალური მომზადება გაიარეს. საღამოს არაერთი ცნობილი სახე ესწრებოდა, მათ შორის: ნანუკა გულუა, სალომე შარვაძე, ოთო ფოლადაშვილი, ჯულიანა ბარგნარი, გიორგი გასვიანი, მარიტა მელიქიშვილი, ბახვა ბრეგვაძე, გიგა უჩუვატოვი, დალი ჩიტალაძე, გიო ხუციშვილი, გიორგი და ლუკა ჭოხონელიძეები და სხვ.

• "ეს კლიპი მგონი არ გაქვთ ნანახი" - რუსკა ქარქაშაძე ქორწილის კადრებს აქვეყნებს 

ლაშა მოწონელიძემ რუსკას ხელი სთხოვა იტალიაში, სადაც ისინი მეგობრებთან ერთად მსახიობის დაბადების დღეს აღნიშნავდნენ.

„ერ­თმა­ნე­თი მო­უ­ლოდ­ნე­ლად გა­ვი­ცა­ნით, ბევ­რი სა­ერ­თო მე­გო­ბა­რი გვყავ­და, მაგ­რამ მა­ნამ­დე არ შევ­ხვედ­რილ­ვართ. სა­ერ­თო მე­გობ­რის და­ბა­დე­ბის დღე­ზე გა­ვი­ცა­ნი. სულ ვამ­ბობ, რომ რო­დე­საც და­ვი­ნა­ხე, თვა­ლი გა­ვა­ყო­ლე, ეგ­რე­ვე ვიგ­რძე­ნი რა­ღაც. იმ დღის მერე სულ ერ­თად ვართ, პა­უ­ზა არ გვქო­ნია. ჩემ­ზე უფ­რო­სია, 32 წლი­საა. ძა­ლი­ან მა­ბა­ლან­სებს, სა­ერ­თოდ არ არის ეჭ­ვი­ა­ნი. თა­ვად არ უყ­ვარს ყუ­რა­დღე­ბის ცენ­ტრში ყოფ­ნა, მნიშ­ვნე­ლო­ვა­ნია, პი­რა­დი სივ­რცე ჰქონ­დეს. ჩვენ ძალიან ბევრი საერთო ინტერესი გვაქვს, ასევე, ბევრ რამეზე იდენტური შეხედულება. მან თავიდანვე იცოდა ჩემი ცხოვრების სტილის შესახებ. ის ჩემი პირველი გულშემატკივარია და ყველაფერში გვერდში მიდგას", -  ამბობდა მსახიობი.

რუსკა ქარქაშაძესა და ლაშა მოწონელიძეს ერთი შვილი, ზუკა ჰყავთ.