როგორი ზაფხული გვექნება? ექსტრემალური ამინდი და მომატებული ტემპერატურა - Marao

ამინდი ყველა ადამიანის ყოველდღიურობის ნაწილია. ალბათ, ბევრი ჩვენგანის ჩვევაა, შევამოწმოთ პროგნოზი და ამის მიხედვით შევარჩიოთ სამოსი, დავგეგმოთ დღე, წავიდეთ სასეირნოდ... ზაფხული კი ამ მხრივ განსაკუთრებული პერიოდია - ადამიანები, ვისაც უყვარს მზე და რუჯი, არჩევენ საუკეთესო პერიოდს ზღვისპირეთში დასასვენებლად. ისინი, ვინც მოგზაურობას გეგმავს - ნაკლები სიცხე და მზე სურს. ზოგი კი ქალაქის სიცხეს მთაში ემალება. 

ასეა, ვინ ზაფხულს ნატრობს, ვისთვის კი სიცხე ერთი დიდი თავის ტკივილია - ამიტომ, ყველას გვაინტერესებს, როგორი ზაფხული გველის? 

როგორი ამინდები იქნება ზაფხულში?

ამ თემაზე "კვირის პალიტრის" კითხვებს­ უპასუხებს გარემოს ეროვნული სააგენტოს ჰიდრომეტეოროლოგიის დეპარტამენტის გრძელვადიანი პროგნოზების განყოფილების უფროსი ხათუნა­ ქოქოსაძე:

• როგორ დავიცვათ პრობლემური კანი მზის მავნე ზემოქმედებისგან 

- ზაფხული იქნება ცხელი და ნაკლებ­ნალექიანი. პროგნოზის მიხედვით, ზაფხულის სეზონზე ჰაერის საშუალო ტემპერატურა საქართველოს მთელ ტერიტორიაზე კლიმატურ ნორმაზე 1-2 გრადუსით მაღალი, ხოლო ატმოსფერული ნალექები ნორმაზე ნაკლები და ნორმის ფარგლებშია მოსალოდნელი.

რა თქმა უნდა, ეს იმას არ ნიშნავს, რომ წვიმა საერთოდ არ იქნება. ზაფხულის ცალკეულ დღეებში მოსალოდნელია ჰაერის ტემპერატურის კლიმატური ნორმიდან მნიშვნელოვანი გადახრები. კერძოდ, შესაძლებელია ქვეყნის დაბლობსა და ბარში ჰაერის ტემპერატურამ +39, +41, მთიან რაიონებში +37, +40, ხოლო მაღალმთიან რაიონებში +32, +35 გრადუსს მიაღწიოს. შესაძლებელია სეზონის ცალკეულ პერიოდებში ზაფხულისთვის დამახასიათებელი ექსტრემალური ამინდებიც - თბური ტალღები, გვალვა­ ან ძლიერი ნალექები.

- ჯერ იმით დავიწყოთ, რომ ახლანდელი პერიოდი იმაზე გრილია, ვიდრე გვახსოვს...

- ზაფხული ხომ სულ ახალი დაწყებულია...

- კი, მაგრამ აგერ შუაგულ მაისში თოვდა.

- კლიმატურ ცვლილებას თუ გადავავლებთ თვალს, ბოლო წლებში გაზაფხულსა­ და შემოდგომაზე ტემპერატურის კლების ტენდენცია მიდის, ანუ უფრო გრილი გაზა­ფხული და გრილი შემოდგომა გვაქვს წინა 30 წელთან შედარებით. განსაკუთრებით აპრილში შეინიშნება ტემპერატურის კლება, მაგრამ ასე არ ხდება ზაფხულში. პირიქით,ბოლო წლებში ზაფხული სულ უფრო და უფრო ცხელია, იმ პერიოდშიც, როდესაც ცოტა გრილი უნდა იყოს, მაინც ნორმასთან შედარებით 1 გრადუსით მაღალი ტემპერატურა ფიქსირდება.ცხელმა პერიოდმაც შედარებით გადაინაცვლა. ადრე ივნისის შუა რიცხვებიდან აგვისტოს შუა რიცხვებამდე იყო ზაფხულის ყველაზე ცხელი პერიოდი და შუა რიცხვების შემდეგ უფრო აგრილება შეინიშნებოდა.

• ზეთი, სკრაბი თუ ბალზამი: როგორ მოვამზადოთ კანი რუჯისთვის 

- 19 აგვისტოს, ფერისცვალების შემდეგ...

- დიახ, ნათქვამია, ფერისცვალების დროს პირველი ყინულის ნაჭერი ჩავარდება წყალშიო. ამის შემდეგ ტემპერატურის კლება შეინიშნებოდა, ზაფხული ძალას კარგავდა. ახლა ცხელმა პერიოდმა უფრო გადაინაცვლა და აგვისტოა ყველაზე ცხელი. ასე გრძელდება სექტემბრის დასაწყისშიც. ბოლო­ წლებში ზაფხულის მაქსიმალური ტემპერატურა აგვისტოს ბოლოს ან სექტემბრის დასაწყისში დაფიქსირებულა - 40-41 გრადუსი, რაც წინა, 30-წლიანი პერიოდისთვის იშვიათობა იყო. ამდენად კლიმატის ცვლილება საქართველოზეც გავლენას ახდენს, კლიმატური ნორმა უფრო დათბობისკენ მიდის. ზაფხულის ძალიან ცხელი­ პერიოდები გახშირდა. გვაქვს ახალი მაქსიმუმების ე.წ. რეკორდი, ან შეიძლება ახალი მაქსიმუმი არ დაფიქსირდეს, მაგრამ მაღალი ტემპერატურის პერიოდი იყოს ჩვეულზე ხანგრძლივი...გაგრძელება