შთამბეჭდავი შავი კაბა და ფოტოები მეუღლესთან ერთად: ლელა მებურიშვილი სამეფო დოღს დაესწრო - Marao
შთამბეჭდავი შავი კაბა და ფოტოები მეუღლესთან ერთად: ლელა მებურიშვილი სამეფო დოღს დაესწრო
დიდ ბრიტანეთში, ბერკშირის საგრაფოში, მორიგი სამეფო დოღი Royal Ascot გაიმართა, სადაც, ტრადიციულად, ბრიტანეთის მაღალი საზოგადოება იკრიბება ხოლმე.
წელს ეს ღონისძიება განსაკუთრებულია, რადგან პირველი დოღი 1825 წელს, მეფე ჯორჯ IV-ის დროს გაიმართა და წელს ამ თარიღიდან 200 წელი გავიდა.
მიუხედავად იმისა, რომ უამრავი ადამიანი ელოდა ქეით მიდლტონის გამოჩენას, მან Royal Ascot 2025-ზე დასწრებაზე ბოლო წუთს თქვა უარი. ქეითი დოღს არც შარშან დასწრებია, რადგან მაშინ ქიმიოთერაპიის კურსს იტარებდა, წელს კი განმარტავენ, რომ ის კვლავ გადის რეაბილიტაციას და საჯარო პასუხისმგებლობებს ეტაპობრივად დაუბრუნდება.
ლელა მებურიშვილი და ბაჩო საგანელიძე Royal Ascot 2025-ზე
Royal Ascot 2025-ზე იმყოფებოდნენ ბრიტანეთში საქართველოს ელჩის მოადგილე, ბაჩო საგანელიძე და მისი მეუღლე, მსახიობი ლელა მებურიშვილიც. წყვილი ამ ღონისძიებაც 2022 წელსაც ესწრებოდა.
ლელა მებურიშვილმა ელეგანტური შავი კაბა და შესაფერისი აქსესუარი მოირგო. ფოტოებმა, რომელიც მსახიობმა საკუთარ გვერდზე გამოაქვეყნა, დიდი მოწონება დაიმსახურა.
ლელა მებურიშვილის ბიოგრაფია
ქართველი მსახიობი და ტელეწამყვანი ლელა მებურიშვილი დაიბადა 1980 წლის 21 სექტემბერს, თბილისში. 2005 წლის სექტემბრიდან 2023 წლის ივნისამდე თბილისის კოტე მარჯანიშვილის სახელობის სახელმწიფო დრამატული თეატრის მსახიობი იყო.
მსახიობმა 2013 წელს ბაჩო საგანელიძეზე იქორწინა და მათ ორი შვილი, ლილიკო და ალექსანდრე ჰყავთ. წარმატებული კარიერის, საზოგადოების სიყვარულისა და პოპულარობის მიუხედავად, ცოტა ხნის წინ ლელამ ოჯახთან ერთად ლონდონში წასვლის გადაწყვეტილება მიიღო. მსახიობი მეუღლესა და შვილებთან ერთად ახლა იქ ცხოვრობს, თუმცა საქართველოსაც ხშირად სტუმრობს.
"30 წლის ვიყავი, როდესაც პირველი შვილი შემეძინა. ახლანდელი გადმოსახედიდან ვთვლი, რომ ყველაზე სწორი ასაკი იყო. მანამდე მაინც სხვა საფიქრალი გაქვს, გართობა, მოგზაურობის სიყვარული, ასევე, კარიერაში წინსვლა.
შეიძლება ამას სახელს არ არქმევდნენ, მაგრამ როდესაც ახალნამშობიარები ქალი დედასთან გადადიოდა საცხოვრებლად, ეს უკვე ნიშნავდა, რომ დახმარება სჭირდებოდა. დედა ეხმარებოდა შვილს ბავშვის გაზრდაში და ქალსაც ჰქონდა საშუალება, ფორმაში რომ ჩამდგარიყო. მე არც ერთი შვილის დაბადების შემდეგ არ მქონია დეპრესია, ძალიან მიყვარს პატარები, განსაკუთრებულად, თოთოები და კარგად მახსენდება ჩემი შვილების გაზრდის პერიოდი.პირველი ბავშვი რომ გავაჩინე, მე და ჩემი მეუღლე რამდენიმე კვირა მარტოები ვიყავით ამერიკაში. გარშემო არავინ არ გვყავდა ოჯახის წევრი. სამშობიაროდან ორი დღის შემდეგ გამწერეს, მე და ჩემი მეუღლე ვისხედით და ვფიქრობდით, რა გვეშველება, ახლა როგორ მოვუვლით ამ პატარა არსებას-მეთქი, მაგრამ ამაზე ფიქრი ცოტა ხანს გაგრძელდა, ძალიან ადვილად ავუღეთ ალღო ყველაფერს და არ გაგვჭირვებია" - ამბობდა ლელა ერთ-ერთ ინტერვიუში...გაგრძელება