35 წლის მინისტრის, მარიამ ქვრივიშვილის დაფარული პირადი ცხოვრება, ძვირადღირებული სამკაულების კოლექცია და ბიზნესმენი ქმარი - Marao

ცოტა ხნის წინ ცნობილი გახდა, რომ 35 წლის მარიამ ქვრივიშვილი ეკონომიკისა და მდგრადი განვითარების მინისტრი გახდა. მან  ლევან დავითაშვილი ჩაანაცვლა. მანამდე ქვრივიშვილი ეკონომიკის მინისტრის მოადგილის თანამდებობას იკავებდა.

ვინ არის მარიამ ქვრივიშვილი 

მარიამ ქვრივიშვილი 1990 წლის 11 ივნისს დაიბადა. დამ­თავ­რე­ბუ­ლი აქვს შავი ზღვის სა­ერ­თა­შო­რი­სო უნი­ვერ­სი­ტე­ტის ბიზ­ნე­სის მარ­თვის ფა­კულ­ტე­ტი (მარ­კე­ტინ­გის გან­ხრით) და ბიზ­ნე­სის ად­მი­ნის­ტრი­რე­ბის მოკ­ლე­ვა­დი­ა­ნი კურ­სი კა­ლი­ფორ­ნი­ა­ში, ქ. ბერკლში (University of California, Berkeley). მან გაიარა თა­ვი­სუ­ფა­ლი უნი­ვერ­სი­ტე­ტის (ESM Business School) მა­გის­ტრა­ტუ­რის კურსი. 

• ქართველი ქალი პოლიტიკოსები - 10 ქალი, რომელიც სხვადასხვა დროს მაღალ თანამდებობას იკავებდა

2010-2012 წლებში იყო შპს „აჭარა ჯგუფის“ ადამიანური რესურსების მართვის ხელმძღვანელის მოადგილე. 2012-2014 წლებში იყო სსიპ ტურიზმის ეროვნული ადმინისტრაციის ხელმძღვანელის მოადგილე. 2014-2019 წლებში იყო შპს „ვოიაჟერის“ გენერალური დირექტორი; ა/კ flydubai-ს რეგიონული მენეჯერი საქართველოში. 2019-2020 წლებში იყო სსიპ ტურიზმის ეროვნული ადმინისტრაციის ხელმძღვანელი.

2020 წლის 11 დეკემბრიდან 2021 წლის 25 მაისამდე იყო საქართველოს მე-10 მოწვევის პარლამენტის წევრი პარტიული სიით, საარჩევნო ბლოკი: „ქართული ოცნება - დემოკრატიული საქართველო“. 2021 წლის 24 მაისიდან საქართველოს ეკონომიკისა და მდგრადი განვითარების მინისტრის მოადგილე.

2024 წლის არჩევნებისთვის ქვრივიშვილი „ქართული ოცნების“ საპარლამენტო სიის მეთორმეტე ნომრად წარადგინეს. 

• ბოკუჩავა-იოსელიანის ოჯახი - თინა ბოკუჩავას მდიდარი მემკვიდრეობა, ცნობილი ქმარი და სამი შვილი

ამ ხნის მანძილზე მარიამ ქვრივიშვილი ხშირად ჩანდა ტელეეკრანებზე, ახალგაზრდა პოლიტიკოსის მიმართ კი ინტერესი ახლა გაორმაგდა. 

მარიამ ქვრივიშვილის ოჯახი და ცხოვრება 

მა­რი­ამ ქვრი­ვიშ­ვი­ლის მე­უღ­ლე 1992 წელს, სო­ხუმ­ში და­ბა­დე­ბუ­ლი ოთარ ბე­რიშ­ვი­ლია. ის მა­რი­ა­მის­გან გან­სხვა­ვე­ბით, ჯერ­ჯე­რო­ბით, კერ­ძო სექ­ტორ­ში საქმიანობს.

ოთარ ბერიშვილი რამდენიმე კომპანიის, მათ შორის, შპს "გემო-96“, შპს "რუ­ბი­კო­ნი 1“, შპს "კუ­რორ­ტი აბას­თუ­მა­ნი სა­ნა­ტო­რი­უ­მი არა­ზინ­დო“, შპს "ს ბა­თუ­მი“, სს "და­სას­ვე­ნე­ბე­ლი სახ­ლი შუ­ქუ­რა“, შპს "ინ­დუსტრი­უ­ლი ქა­ლა­ქი“ დი­რექ­ტო­რია.

მას­ვე უკა­ვია შპს "აჭა­რა ჯგუ­ფი­სა" და სს "ნი­ნოს" ბიზ­ნე­სის გან­ვი­თა­რე­ბის დი­რექ­ტო­რის პო­ზი­ცია.

ოთო და მარიამი პირადი ცხოვრების შესახებ არასდროს საუბრობენ საჯაროდ, ერთობლივ ფოტოებსაც იშვიათად აქვეყნებენ. მიუხედავად ამისა, მათი მეგობრები წყვილის მიმართ კომპლიმენტებსა და დადებით კომენტარებს არასდროს იშურებენ. 

მარიამ ქვრივიშვილის ქონება

მარიამ ქვრივიშვილმა ქონებრივი დეკლარაცია მიმდინარე წლის აპრილში შეავსო.

დოკუმენტის მიხედვით, მის სახელზეა: 147 კვ.მ. ფართობის ბინა თბილისში, რომელიც 2012 წელს 98 000 დოლარად აქვს შეძენილი; 1047 კვ.მ. მიწის ნაკვეთი წავკისში, რომელიც 2022 წელს 139 251 აშშ დოლარად იყიდა.

რაც შეეხება მოძრავ ქონებას, დეკლარაციის მიხედვით, ქვრივიშვილის საკუთრებაშია მსუბუქი ავტომობილი BMW x6, რომელიც 2018 წელს 60 000 დოლარად აქვს შეძენილი. გარდა ამისა მის საკუთრებაშია Rolex-ის ბრენდის 2 საათი, რომლის ჯამური ფასი 22 000 დოლარია, აქედან 10 000-დოლარიანი საათი მას ჩუქებით აქვს მიღებული, 12 000-დოლარიანი კი თავად შეიძინა; ასევე, ეკონომიკის ახალი მინისტრი ფლობს Cartier-ის ბრენდის სამაჯურსა და ბეჭედს, რომელშიც ერთობლივად 10 500 დოლარი გადაიხადა 2017 წელს.

რაც შეეხება, ფინანსურ მდგომარეობას დეკლარაციის შევსების მომენტში მარიამ ქვრივიშვილს საბანკო ანგარიშებზე ჯამში, 116 874 ლარი, 2 467 გირვანქა სტერლინგი და 309 100 დოლარი ჰქონდა. მასვე გასულ წელს მინისტრის მოადგილის პოსტზე ანაზღაურების სახით 76 787 ლარი აქვს მიღებული.

გარდა ამისა, როგორც დეკლარაციაშია აღნიშნული, ეკონომიკის მინისტრი ფლობს შპს „ვოიაჟერ“-ის 10%-იან წილსა და შპს „ეარლაინ რეპრეზენთეიშენ გრუპ“-ის 30%-იან წილებს, რომელთა საქმიანობითაც მისმა წლიურმა შემოსავალმა შესაბამისად, 158 000 და 154 500 ლარი შეადგინა. დეკლარაციის მიხედვით, მასამ კომპანიებში წილის მართვა სხვა პირზე აქვს მინდობით გადაცემული...გაგრძელება