ანნა და ლილი - ჯანეტ ქერდიყოშვილი შვილებთან ერთად გადაღებულ ვიდეოს გვიზიარებს - Marao

ჯანეტ ქერდიყოშვილი წარმატებული ქართველი მოდელი, წლების განმავლობაში საზოგადოების ყურადღების ცენტრშია, როგორც საქართველოში, ასევე მის ფარგლებს გარეთ. ჯანეტი სოციალურ ქსელებში აქტიურობით გამოირჩევა და ხშირად აქვეყნებს ოჯახურ კადრებს. ამჯერად კი შვილების, ანნას და ლილის ვიდეოს უზიარებს გამომწერებს.

• წიწიბურას ჩაი, დეტოქსი და დიეტა - ჯანეტ ქერდიყოშვილის სილამაზის რჩევები 

ჯანეტ ქერდიყოშვილის ბიოგრაფია

ჯანეტის გზა დიდ სცენამდე 2011 წელს დაიწყო, როცა ჯანეტმა “მის საქართველოს” ტიტული მოიპოვა. ამ წარმატების შემდეგ, 2013 წელს ის მონაწილეობდა პოპულარულ სატელევიზიო მუსიკალურ პროექტში, თუმცა, მიუხედავად თავისი გამორჩეული ხმისა და დიდი პოტენციალისა, მომღერლის კარიერაზე უარის თქმა მოუწია - სამოდელო კონტრაქტის პირობების გამო, არჩევანი უნდა გაეკეთებინა მუსიკასა და სილამაზის კონკურსებს შორის. ჯანეტმა მეორეს მიანიჭა უპირატესობა და გადაწყვიტა, საერთაშორისო ასპარეზზე გაეტანა საქართველოს სახელი. სწორედ ასე აღმოჩნდა იგი "მის სამყაროს" კონკურსზე ქვეყნის წარმომადგენლად.

• "მე შენზე გაბრაზებული ვარ" - ჯანეტ ქერდიყოშვილი ანნას უსაყვარლეს ვიდეოს აქვეყნებს 

დროის სვლასთან ერთად, ჯანეტმა კარიერა სხვა მიმართულებშიც წარმატებით გააგრძელა. გახდა ტელეწამყვანი, ხოლო მოგვიანებით, ბიზნესშიც მოსინჯა ძალები: დააარსა დიზაინის სტუდია და ჯანსაღი დეტოქს კვების ბრენდი, რომელიც ჯანმრთელი ცხოვრების პოპულარიზაციას ემსახურება.

• "მეგობრები- ანნა და გიო" - ლიზა ჩიჩუა და ჯანეტ ქერდიყოშვილი უსაყვარლეს კადრებს აქვეყნებენ 

მისი პირადი ცხოვრებაც არანაკლებ წარმატებულია - ის დაქორწინდა ცნობილ ტელეწამყვანზე და პროდიუსერზე, ნოე სულაბერიძეზე.2019 წლის ივნისში მათ გრანდიოზული ქორწილი გადაიხადეს. ქორწილი ტრადიციული მოტივებით იყო გაფორმებული, თავად სიძე-პატარძალსა და მათ მეჯვარეებს კი ტრადიციული ქართული სამოსი ეცვათ. 2020 წელს ჯანეტსა და ნოეს პირველი შვილი, ანნა სულაბერიძე შეეძინათ. წყვილს ორი საერთო შვილი ანნა და ელი ჰყავთ.