5 მთავარი რამ ქალის ყოველდღიურ რუტინაში: როგორ დავიცვათ თავი ზაფხულის სიცხისგან - Marao

ზაფხული, მიუხედავად იმისა, რომ მრავალი ადამიანისთვის საყვარელი სეზონია, თავისი სირთულეებითაც გამოირჩევა.. მაღალი ტემპერატურა, ულტრაიისფერი სხივები, ოფლიანობა და გაღიზიანებული კანი - ეს ის საკითხებია, რომლებიც ზაფხულში ორგანიზმსა და გარეგნობას შეიძლება შეეხოს. 

თუმცა სწორი რეჟიმითა და ელემენტარული თავის მოვლის რუტინით, შესაძლებელია თავი ჯანმრთელადაც და მოვლილადაც ვიგრძნოთ.

• როგორ დავიცვათ პრობლემური კანი მზის მავნე ზემოქმედებისგან

ზაფხულში წყალი ადამიანის მთავარი დამხმარეა

სიცხეში ორგანიზმი ბევრ სითხეს კარგავს ოფლის სახით, ამიტომ აუცილებელია მისი დროული შევსება:

1. დალიე დღეში მინიმუმ 2–2.5 ლიტრი წყალი;
2. მიირთვი სითხით მდიდარი ხილი – საზამთრო, კიტრი, ნესვი;
3. ერიდე გაზიან და ზედმეტად ტკბილ სასმელებს – ისინი უფრო მეტად აშრობს სხეულს.

მზისგან დაცვა კანის უვნებლად შენარჩუნებისთვის აუცილებელია

მზე ზაფხულის განუყოფელი ნაწილია, მაგრამ ჭარბი სხივები კანის დაზიანებას იწვევს:

1. გამოიყენე მზისგან დამცავი კრემი ყოველდღიურად, რეკომენდებულია ქუჩაში გასვლამდე 20 წუთით ადრე;
2. ატარე ქუდი, მზის სათვალე და ღია, მსუბუქი ტანსაცმელი;
3. მზეზე ყოფნის ყველაზე სახიფათო დროა 12:00-დან 16:00 საათამდე – ამ დროს უმჯობესია სახლში დარჩეთ ან მოერიდოთ მზეს;

• ზეთი, სკრაბი თუ ბალზამი: როგორ მოვამზადოთ კანი რუჯისთვის 

მზეზე და ოფლზე რეაგირებს სახის კანი და საჭიროებს მსუბუქ, მაგრამ სისტემურ ზრუნვას:

1. სახე დაიბანეთ დილასა და საღამოს;
2. გამოიყენეთ მსუბუქი ტენიანობის კრემები;
3. კვირაში 1–2-ჯერ გაიკეთეთ დამატენიანებელი ან დამამშვიდებელი ნიღბები;
4. აირჩიეთ ნაკლები მაკიაჟი – მტვრიანი და ცხელი ამინდი კანს ადვილად ღლის.

ზაფხული თმას აშრობს და აზიანებს, ამიტომ ის მოვლას საჭიროებს:

1. გამოიყენეთ დამცავი სპრეი ან ზეთი მზის გამოსხივებისგან დასაცავად;
2. ზღვაზე ან აუზზე ყოფნის შემდეგ ჩამოიბანეთ თმა სასწრაფოდ;
3. კვირაში ერთხელ გამოიყენეთ ღრმა დამატენიანებელი ნიღაბი;
4. ეცადეთ ბუნებრივად გააშროთ თმა – არ გაახუროთ ფენით ან უთოთი.

მსუბუქი და სწორი კვება ზაფხულში დაგეხმარებათ ენერგიის შენარჩუნებასა და ორგანიზმის სტაბილურობაში:

1. მიირთვით ბევრი ბოსტნეული, მწვანილი და ხილი;
2. შეამცირე ცხიმიანი და შემწვარი საკვების მიღება;
3. ჩაანაცვლე მძიმე სადილი ცოცხალი სალათით ან იოგურტით.

• 8 სასარგებლო პროდუქტი, რომელიც თქვენს სახეს ნამდვილ ბზინვარებას შესძენს