ზაფხული და წყლის დაავადებები - როგორ დავიცვათ თავი ინფექციებისგან - Marao
ზაფხული და წყლის დაავადებები - როგორ დავიცვათ თავი ინფექციებისგან
ზაფხულის ცხელ დღეებთან ერთად, თავს იჩენს სხვადასხვა გადამდები თუ ინფექციური დაავადება. წყლის დაავადებები შეიძლება გავრცელდეს გადაყლაპვით, ორთქლის შესუნთქვით ან საცურაო აუზებში, ჯაკუზებსა და აკვაპარკებში დაბინძურებულ წყალთან კონტაქტით.
აუზებიდან და ზღვიდან გადამდები დაავადებების რისკ-ჯგუფები
ბავშვებს, ორსულ ქალებს და დასუსტებული იმუნური სისტემის მქონე პირებს (მაგალითად, შიდსით დაავადებულების ან ორგანოების გადანერგვის ან ქიმიოთერაპიის კურსების მქონე პირების) ინფიცირების შემთხვევაში შესაძლოა უფრო მძიმე დაავადება განუვითარდეთ. ამ რისკ-ჯგუფებში შემავალმა პირებმა უნდა იცოდნენ, რომ რეკრეაციული წყალი შეიძლება დაბინძურებული იყოს ცხოველის განავლით, რომელიც შეიცავს კრიპტოსპორიდიუმის ბაქტერიას, რადგან ამ ბაქტერიამ შეიძლება გამოიწვიოს სიცოცხლისთვის საშიში ინფექციები დასუსტებული იმუნური სისტემის მქონე პირებში.
აუზებიდან და ზღვიდან გადამდები დაავადებებისგან თავის დაცვის გზები
ცურვის დროს საკუთარი თავის და ოჯახის წევრების დასაცავად არსებობს რამდენიმე ეფექტური და მარტივი ნაბიჯი. აუზში ან ზღვაში შესვლამდე გარკვეული სახის ზომების მიღება სასარგებლოა.
- გაეცანით აუზის უახლესი ანალიზის შედეგებს.
- დარწმუნდით, რომ აუზის ძირში არსებული სადრენაჟე ხვრელი გარედან კარგად ჩანს.
- დიარეის შემთხვევაში მოერიდეთ აუზს.
- ღია ჭრილობის შემთხვევაში გამოიყენეთ წყალგაუმტარი სახვევები, რათა არ მოხდეს არც ჭრილობის გაუარესება და ამასთან შესაძლოა ღია ჭრილობამ სხვის ჯანმრთელობას შეუქმნას საფრთხე.
- წყალში შესვლამდე მიიღეთ შხაპი. შხაპის ქვეშ მხოლოდ 1 წუთით ჩამობანა ასუფთავებს სხეულს ჭუჭყისა და ბაქტერიებისგან, რაც ხელს უწყობს აუზის სისუფთავის შენარჩუნებას და ამით ადამიანები ერთმანეთის ჯანმრთელობას უფრთხილდებიან.
- თვალისა და ყურის ინფექციებისგან დასაცავად გამოიყენეთ სათვალე და ყურის საცობები, ხოლო წყლიდან ამოსვლის შემდეგ ყურები კარგად გაიმშრალეთ.
- მოერიდეთ პირადი ნივთების, როგორიცაა პირსახოცი, ჩუსტები ან სხვა ჰიგიენური ნივთების სხვებისთვის გაზიარებას.
- რაც შეიძლება მალე გაიხადეთ სველი საცურაო კოსტიუმი, რადგან თუ დაბინძურებულია წყალია, ამ შემთხვევაში სველი საცურაო კოსტიუმის სხეულზე შეშრობა კიდევ უფრო ხელს შეუწყობს ორგანიზმის ინქიცირებას.
- აუზთან შედარებით, უპირატესობა მიანიჭეთ ზღვაში ცურვას, სადაც ინფექციის რისკი შედარებით დაბალია.
