TOP 8 ბერძენი "ქალღმერთი" - გამორჩეული გარეგნობისა და ნიჭის ქალები საბერძნეთიდან - Marao
TOP 8 ბერძენი "ქალღმერთი" - გამორჩეული გარეგნობისა და ნიჭის ქალები საბერძნეთიდან
უძველესი დროიდან მოყოლებული ბერძენი ქალები სილამაზით და სიძლიერით გამოირჩეოდნენ. ბერძნული სილამაზე მრავალფეროვანია, თუმცა ერთი რამ უცვლელია, ბუნებრივობა. ბერძენი ქალები, როგორც წესი, ფიცხი ბუნებით გამოირჩევიან - და ეს სიფიცხე პირდაპირ აისახება მათ გარეგნობაზე.
გთავაზობთ ბერძნული სილამაზის წარმომადგენლებს, რომლებმაც ნიჭთან და სიმამაცეთან ერთად მოახერხეს თავის წარმოჩენა. დროის სვლასთან ერთდ მათი სახელი არ მხოლოდ საბერძნეთს არამედ მთელ მსოფლიოს ესმოდა.
აფროდიტე
პირდაპირ მითოლოგიიდან, რომ დავიწყოთ აფროდიტე პირველი წარმომადგენელი უნდა იყოს. ძველი ბერძნული ღმერთი, სიყვარულის, სილამაზის, სიამოვნებისა და ნაყოფიერების ქალღმერთი. აფროდიტე ითვლებოდა ყველაზე ლამაზ და სასურველ ღვთაებად. ხშირად ის შიშველი იყო გამოსახული, რაც იმდროინდელი იდეალური ქალის სხეულის სიმბოლო იყო - სიმეტრიული, სუფთა და მუდამ სანატრელი.
კლეოპატრა
შეიძლება გაგიკვირდეთ, რატომ მოხვდა ეგვიპტის დედოფალი ამ სიაში, მაგრამ ფაქტია: კლეოპატრა ბერძნული წარმოშობის იყო. მიუხედავად იმისა, რომ ის მართავდა ეგვიპტეს, მისი გვარი - პტოლემეები - საბერძნეთიდან მოდის. „უსაზღვრო სილამაზის ქალი“ - კლეოპატრა დღემდე ითვლება ერთ-ერთ ყველაზე შთამაგონებელ ქალად.
მარია კალასი
გავლენიანი ოპერის მომღერალი. კალასის დრამატული გარეგნობა მუდმივად ყურადღების ცენტრში იყო: ცივი ტონალობის ჩრდილები და წითელი ტუჩსაცხი ქმნიდა კალასის სცენურ ეფექტს.
ჯენიფერ ანისტონი
ჯენიფერი, თანამედროვე ბერძენი ქალღმერთი - ბერძენ-ამერიკელი მსახიობი. მისი ვარცხნილობა დღემდე ითვლება ერთ-ერთ ყველაზე გამორჩეულად. ცოტამ თუ იცის, რომ ჯენიფერს მამის მხრიდან ბერძნული ფესვები აქვს. მის განსაკუთრებულ გარეგნობასა და შარმს ხშირად სწორედ ამას მიაწერენ.
მელინა მერკური
ერთი ყველაზე დასამახსოვრებელი კადრი მელინას კარიერიდანაა, თუ როგორ დგას ოლიმპიური ავიახაზების თვითმფრინავის წინ, ქარი უფრიალებს თმას, აცვია მაღალი ქამრით შეკრული ბერმუდა შორტი, შარფი ყელზე და უზარმაზარი სათვალე. მას არასდროს აკლდა სილამაზისა და სტილის გამბედავი განცხადებები.
ირენ პაპასი
ირენ პაპასო ბერძნული კლასიკური სილამაზის განსახიერებად დღესაც ითვლება. მსახიობი, რომელმაც ითამაშა „ანტიგონე“ და „ელექტრა“, ბერძნული ტრაგედიების გმირები. შავი ხვეულები, მკვეთრი წარბები და სავსე ტუჩები, ირენ პაპასი ნამდვილ სილამაზის ხატად იქცა.
ნანა მოსკური
მოჭრილი შავი თმა, მკვეთრი ლაინერი და ცნობილი შავი სათვალეები — ნანა მოსკური გახდა არა მხოლოდ ერთ-ერთი ყველაზე ცნობილი მომღერალი, არამედ ერთ-ერთი ყველაზე დასამახსოვრებელი სახე საბერძნეთიდან.
ალიკი ვუიუგკლაკი
ბერძენი ბრიჯიტ ბარდო, ასე მოიხსენიებდნე ალიკის. თოჯინასავით სახე, სქელი წამწამები და ტრადიციული 60-იანი წლების მაკიაჟი - სწორედ ასე იყო ცნობილი ალიკი. ის ყოველთვის იყო და დარჩება ბერძნული სილამაზის მუზად.
